眨吓眼間，2021年又已經過咗大半，又係時候買定2022年版行事曆與手帳！大家係是覺得今年係對未來充滿疑惑與不安嘅一年呢？呢個時候，就更需要各式各樣小物療癒身心，而講起「療癒」，就不得不提迪士尼相關商品！
今次迪士尼推出嘅2022年版行事曆與手帳可愛繽紛、用途豐富，無論係在家工作或辦公室「扮工」，見到咁得可愛嘅行事曆與手帳，保證可以令您瞬間轉換心情、充滿動力地迎接工作挑戰！除此之外，同期亦有與日本文具品牌DELFONICS以及德國經典文具品牌KUM聯乘商品，所有商品都已於2021年8月10日（二）陸續開售，而家就等FUN! JAPAN編輯部帶大家一齊揀2022年超kawaii迪士尼行事曆與手帳啦！
角色眾多、種類豐富，令人選擇困難症發作！
一眾迪士尼角色都有於2022年迪士尼行事曆與手帳中登場，而且掛曆、枱曆等商品種類豐富，設計多元化，各位粉絲目前已可於日本迪士尼商店購買，不妨依照屋企或辦公室等擺設或個人喜好挑選！例如掛曆就附有磁鐵掛鉤，並附帶立體感十足角色浮雕、一次可看兩個月份等等多功能於一身，其中最值得一提嘅係小飛象枱曆，可愛小飛象企喺表演台上，為大家顯示每日日期呢。
掛曆 1,980日圓、附磁鐵掛勾掛曆1,980日圓、桌上型月曆（立體浮雕角色設計）1,760日圓，小飛象造型桌曆3,080日圓。
而手帳方面，當然唔少得經典又好用嘅月曆型手帳與系統手帳！仲有方便大家管理預定行程嘅時間軸手帳、書寫筆記空間充裕嘅方格狀類型等各式各樣任君挑選。
月曆型、時間軸類型1,760日圓、方格手帳2,200日圓
德國老字號文具聯乘迪士尼！可愛又兼具功能性
KUM手帳 各1,540日圓
迪士尼與德國經典文具品牌「KUM」合作推出米奇米妮款與大鼻鋼牙款聯乘，充滿KUM風格配色設計令人不禁期待計畫每日行程。內頁除咗佈滿角色風格細節之外，亦設有可收納小物嘅拉鍊袋，既可愛又不失功能性。
迪士尼原創設計Rollbahn日誌
迪士尼與日本「DELFONICS」文具品牌則合作推出Rollbahn日誌手帳，提供M及L共2種尺寸。M尺寸有米奇＆米妮款、小熊維尼＆豬仔款(各1,540日圓)；L尺寸則為愛麗絲＆小魚仙(各1,980日圓)。以線圈筆記簿聞名嘅Rollbahn日誌手帳採用奶油色紙質，再加上月曆型內頁與方眼紙內頁、年度計畫與透明內袋等，功能多多超級好用！
迪士尼每年推出嘅手帳真係會令人選擇困難症發作，唔知各位又有無搵到心水版本呢？可惜係暫時無得親身飛日本挑選，只好拎起手機聯絡日本親朋好友或代購幫忙囉~(小編繼續猶豫吓買邊款先...)
Comments