9月1日為日本「防災日」- 正是1923年發生關東大地震的日子

2011年3月11日發生東日本大地震，災難之後世界各地紛紛關心日本嘅受災情況。而發生如此巨大嘅災難時，除咗受災狀況備受關注之外，仲有一個現象特別受到各國媒體關注，就係日本人即使遭遇前所未有嘅大災難，依然能夠保持冷靜並重視禮節，其井然有序、臨危不亂嘅姿態。

颱風、豪雨、洪水、土石流、地震、海嘯、火山爆發等等... 日本係一個經常受到各種自然災害影響嘅國家。因此日本將每年9月1日訂為「防災日」，以下落嚟，小編將會為大家講解「防災日」究竟係咩日子。

何謂「防災日」？

儘管日本國土面積僅約37.8萬平方公里，僅佔全球嘅0.28％，但地震和颱風卻頻繁地發生。另外，由於日本係一個島國，當自然災害發生時，容易受到海嘯影響。

為求加深人們對各種災害嘅認識，並能於萬一災害發生時能順利進行疏散並將損害減到最低，喺1960年6月11日嘅內閣會議上，將防災之日定立為9月1日，並設立「防災日」。但防災日並非公眾假日。

點解以9月1日定為日本「防災日」？其由來為1923年9月1日發生嘅「關東大地震」。

關東大地震，為已現代化嘅首都地區帶來唯一巨大地震，震央包括埼玉縣、千葉縣、東京都、神奈川縣、山梨縣，震度更高達6級。此外，北海道南部至中國和四國地區範圍內，亦觀測到5級至1級嘅震度，呢場災難所帶嚟嘅傷害和社會影響可謂空前絕後。

另外，「防災日」嘅週被稱為「防災週」。

防災日以及防災週期間將舉行各種活動，當中包括為普及防災知識而舉辦嘅講座、展覽會等，實施防災訓練，並表揚防災貢獻者等相關活動。

此外，全國各地嘅學校和企業，皆會進行避難訓練。

各學校、企業和地方團體都會進行避難訓練等相關活動。

避難訓練係假設喺建築物內發生災害，參與者接受避難路線嘅說明並進行模擬演練。

由於各地區受災情況不同，因此除咗地震外，仲會進行海嘯等情況嘅避難訓練，並模擬火災情況，進行消防器材嘅使用教學等訓練。

近年來不斷增加大人小朋友玩樂嘅同時能加深防災知識嘅「防災節」等活動，亦吸引唔少人參加，場面非常熱鬧。

除咗以展示中嘅消防車、救護車等作背景，影相留念之外，仲可以參與透過喺起震車體驗地震嘅搖晃感等體驗，從玩樂中學習。

防災用品係指於災害時使用，或用於恢復正常狀態時使用嘅物品，包括緊急食品、水、手電筒、急救用品、衛生用品、睡袋、收音機等。

近年來，緊急食品種類變得更加豐富，而且味道亦得到改善，只要選擇日常生活中會食用嘅食物，於災害時亦能輕鬆食用。

天災發生嘅時間、地點都無法預測。通過防災日嘅活動，可以增進對災害嘅了解，並且從小開始定期接受避難訓練等機制，日本人從日常生活中便為緊急情況做好準備。

日本人經常用「有備無憂」去形容事前做足準備嘅情況，或者亦因為日常各種努力，成為日本人喺緊急時刻亦能保持冷靜嘅關鍵所在。