廚房用品已成為現代人日常生活不可或缺一部分，不過除咗重視安全性與機能之餘，相信唔少人都非常在意外觀設計吧？FUN! JAPAN編輯部今日將為追求外在美又講究內在美嘅您，介紹日本製「Toffy」可愛廚房家電，為您在家下廚時光更添繽紛色彩！重點係以下款款皆為2021年全新發售，仲唔快啲嚟睇睇日本最新時尚廚房家電究竟有幾犀利？
Size啱啱好，唔驚整完食唔晒！「Toffy 半份熱壓三文治機」
有咗呢部「半份熱壓三文治機」，您只要將一片多士對折，就可以超輕鬆整出「半份熱壓三文治」，對於食量較細嘅女生或小朋友嚟講，份量啱啱好，唔使驚食唔晒！放上多士之後，再夾入自己心水餡料，一瞬間半份熱壓三文治就熱騰騰出爐！尺寸精巧之餘仲可以直放收藏，就算係香港蝸居都方便收納～
三文治機一共提供「淡青藍」、「灰白」、「淡粉紅」三色，色系復古典雅、形狀圓潤順手。佢唔單只會係您每日早餐時光嘅好幫手，下午茶時段或假期brunch都一樣可以派上用場～
商品資訊
- 商品名稱：Toffy半份熱壓三文治
- 型號・顏色：K-HS3-PA（淡青藍）/ K-HS3-AW（灰白）/ K-HS3-SP（淡粉紅）
- 售價 ：4,950日圓（含稅）
- 尺寸：約167(W)×96(H)×220(D)mm
- 重量 ：約750g
- 電源：AC100V 50-60Hz
- 消耗功率：500W
- 電源線長度：約0.7m
「Toffy 多士切片模具」想食幾厚就切幾厚，厚多士由您話事！
一部「Toffy 多士切片模具」在手，人人都可以切出自家焗麵包機、甚至係多士專門店級數嘅厚度均勻多士！用家可以依照個人喜好與用途切出5片、6片、8片或12片，最貼心係底部輔有輔助盤防滑，唔使怕切多士時突然移位，切薄片或切到後面時都能夠固定操控，使用夠晒安全！摺置設計亦方便收納，適合放喺廚房以備不時之需。
使用方式非常簡單，只要調整好需要切嘅厚度標示，放上整塊多士，手持麵包刀從模具溝縫緩緩切下即可！模具本身亦防滑，有助避免切片時跣手喔。
- 步驟1: 將多士托盤拉開，調整成需要切嘅厚度。
- 步驟 2: 將多士放於托盤上，再將多士推至厚度托盤，設置好即可。
- 步驟 3: 將麵包刀嵌入模具溝縫，前後緩緩移動刀子切片。
商品資訊
- 商品名稱 ：Toffy 多士切片模具
- 型號・顏色：K-KU8-PA（淡青藍）
- 售價 ：1,760日圓（含稅）
- 尺寸 ：約165(W)×190(H)×60(D)mm ※收納時
- 重量：約240g
「Toffy 醃漬罐 1.6L」輕鬆享受手作醃漬樂趣♪
簡單將藍蓋好、輕鬆轉一下，就可以簡單享受親手製作醃漬物嘅樂趣！醃漬罐利用彈弓板反作用力，令蔬菜均勻受壓，能有效地簡單醃漬蔬菜；輕巧扁平設計亦方便用家輕鬆放入雪櫃，完全唔會佔用空間！尤其適合自製保存期限較長嘅沙律，食出食材原汁原味，並培養每日攝取蔬菜嘅健康習慣。如果選用色彩繽紛嘅蔬菜，醃漬成品外觀亦會多彩繽紛，點綴每日早午晚餐就係咁easy～
簡簡單單三步驟，就可以品嚐好食醃漬物。將食材平均放入容器內，蓋好罐蓋，順時針轉一轉蓋上轉盤，令彈弓擋板往下壓好食材，最後放入雪櫃冷藏等待即可！係唔係超簡單先～。
商品資訊
- 商品名稱 ：Toffy 醃漬罐 1.6L
- 型號・顏色：K-KU6-PA（淺青藍）
- 售價 ：2,200日圓（含稅）
- 尺寸 ：約190（W）×140（H）×120（D）mm
- 重量 ：約400g
- 容量 ：1.6L
「Toffy 抗菌砧板」銀離子抗菌既衛生又安心
「Toffy 抗菌砧板」所含銀離子有效抗菌，既安全又衛生，而且厚度適中，擁有相當穩定度，重量大概先得330g，十分輕巧！砧板兩面四個角落皆設有止滑設計，切菜時唔使驚突然砧板跣走切到手。另外，砧板可使用洗碗機、烘碗機清潔烘乾，亦可使用漂白劑消毒，可謂每日煮餸不可缺少嘅工具！
砧板耐熱溫度90℃，兼可以用洗碗機、烘碗機清潔烘乾，讓每日清洗整理更簡單。配合漂白水使用，就更能時常保持清潔。
商品資訊
- 商品名稱 ：Toffy 抗菌砧板
- 型號・顏色：K-KU9-PA（淺青藍）
- 售價 ：2,090日圓（含稅）
- 本體尺寸 ：約300（W）×220（H）×13（D）mm
- 重量：約330g
「Toffy 閃亮亮流水麵機」輕鬆重現日本夏季必食流水素麵☆
日本夏天代表美食「流水素麵」以冰涼涼口感見稱，夏日時嚟一碗保證透心涼！有咗呢部附帶LED燈嘅流水麵機，您都可以在家輕鬆享受日本夏天氣氛，隨時上演一場流水素麵派對。閃亮亮華麗流水素麵，保證會令家族聚會、親朋好友相聚派對更加熱鬧♪
放入蕃茄、青瓜等夏日蔬菜，或水果、珍珠嚟個水果派對，各式各樣創意發揮都同清爽口味嘅素麵十分合拍！睇見眼前色彩鮮豔嘅食材，係咪想即時打卡post上IG呃like先～？
商品資訊
- 商品名稱 ：Toffy 閃亮亮流水麵機
- 型號・顏色 ：K-NS2-PA（淺青藍）/ K-NS2-AW（灰白）
- 售價 ：4,000日圓（未稅）
- 尺寸 ：約415(W)×100(H)×280(D)mm
- 重量 ：約1,080g（不含電池）
- 電源 ：本體：1號鹼性乾電池×2顆（另售）
- 持續運作時間 ：30分
- 電池驅動時間（估計）：約3小時
- 流水托盤容量 ：約3L
Comments