【香港讀者限定】數量限定！免費派發！立即去自動販賣機將日本岡山環保袋拎返屋企啦♪

※2021年8月17日更新※
感謝各位讀者踴躍參與是次活動，由於反應非常熱烈，各自動販賣機環保袋已宣告全數派發完畢，感謝各位支持！
FUN! JAPAN現正舉行岡山縣人氣抽獎活動，網上即可輕鬆參加！
活動日期至2021年9月30日為止，記緊把握機會！

香港讀者們，好消息！由即日起至2021年8月底，只要去設置於指定地方嘅AI自動販賣機，就可以將日本岡山縣環保袋免費拎返屋企！

有直飛航班從香港前往嘅岡山縣坐擁豐富自然與古早老街及建築物，觀光資源數之不盡，而且岡山出產嘅水果更係以品質優良見稱，唔單只日本國內、就連喺海外都極受歡迎！廢話少講，到底要點先拎到岡山縣環保袋呢？馬上就話您知！

日本岡山縣觀光特色多籮籮！

提起岡山縣，別名「烏城」嘅岡山城、「日本三大庭園」之一嘅後樂園、倉敷美觀地區、有「備中小京都」美譽嘅備中高梁地區等等，唔單只縣內處處都係洋溢古早味與歷史情懷嘅特色觀光景點，而且岡山縣同時亦北朝中國地區山地、南望瀨戶內海，上山下海一樣咁好玩！

岡山縣位處西日本中心，從東京、名古屋或大阪乘搭新幹線出發皆無需轉車即可輕鬆抵達，交通非常方便！而從香港直飛岡山嘅遊客，從岡山桃太郎機場乘搭巴士前往岡山站亦僅需30分鐘。景色豐富大自然、風韻猶存歷史景點，再加上數之不盡嘅新鮮水果與地道美食，難怪大受香港遊客歡迎啦！

岡山縣降雨量少、放晴日子多，因此被日本人稱為「晴天之國」。先天溫暖氣候結合後天當地農家智慧，有助岡山栽種出葡萄、水蜜桃等多款優質水果，當中又以香印提子（麝香葡萄）、貓眼提子（比歐內葡萄）、白桃最享負盛名，作為高級水果聞名日本全國。

毎年呢個時候，都係香印提子（麝香葡萄）、貓眼提子（比歐內葡萄）與白桃嘅當造季節，識食一定係揀呢個時期食！

為感謝各位FUN! JAPAN香港讀者支持，現正向100名讀者送出日本岡山精美環保袋，先到先得！

味睇環保袋折疊狀態下呈三角形、的的骰骰，但其實攤開後就超大容量！A4文件夾、書籍雜誌、購物戰利品等都一一夠位放，而且袋身採用輕巧物料，拉鏈部分附有扣環，出外攜帶超級方便！設計方面，環保袋表面印有岡山桃太郎機場、飛機與桃太郎圖案，有內在美亦有外在美～

日本已於2020年7月1日起引入膠袋收費制度。小編喺到溫馨提示各位，下次嚟日本旅行時記得帶埋環保袋跟身啊～

重點嚟喇—要點先拎得呢個咁得意嘅岡山環保袋呢～？

※每人只限領取1個
※不設選擇顏色，還望見諒
※尺寸：高39cm（不包括手柄部分）、闊36cm

第一步，請去到放有「Productoring」自動販賣機嘅地點。（詳細地點請參閱本文最下方）

「Productoring自動販賣機」係出售限定日本產品嘅最新型自動販賣機。即使暫時無得親身飛去日本，都可以透過自動販賣機買到由日本直送嘅各種商品，超！級！方！便！

而今次介紹嘅岡山環保袋，就會於2021年8月6日（五）至8月31日（二）期間，喺下列6部自動販賣機以數量限定方式派發。名額合共100名，先到先得、手快有手慢無呀！

① 九龍灣企業廣場⼀期
地址：九龍九龍灣常悅道9號企業廣場⼀期電梯大堂

② 粉嶺海聯廣場商場
地址：新界粉嶺和睦路9號海聯廣場商場地下

③ 東涌海堤灣畔一座（設有2部）
地址：大嶼山東涌海濱路8號海堤灣畔會所1/F中庭休憩區或私人會所運動區旁

④ 屯門景新臺
地址：新界屯門景新徑2號屋苑正門旁

⑤ 尖沙咀中港城
地址：九龍尖沙咀廣東道33號中港城2/F

sponsored by Okayama Prefecture