【最新版】日本知名品牌最新電飯煲5選 Panasonic Toshiba Hitachi

日本電飯煲因為功能多又可以煲出甘香、口感軟硬適中嘅米飯，有人去日本旅行時都可能會買日本電飯煲帶返屋企。要買就梗係想揀品質優良、耐用嘅電飯煲啦。而日本製「MADE IN JAPAN」電器有品質保證，使用上安全、令人安心，獲得世界各地青睞。2021年已經接近尾聲，今次FUN! JAPAN編輯部就同大家介紹日本知名品牌所推出嘅五大全新機種，即刻去睇睇日本電飯煲已經進化到去咩程度啦！

1. Panasonic樂聲牌：IH電子鍋「對流舞動烹調」SR-VSX1系列

Panasonic樂聲牌喺2021年6月1日推出SR-VSX1系列「對流舞動烹調（おどり炊き）」呢款蒸氣保溫及可變壓力IH電飯煲。無論係今個年度收割嘅「新米」，抑或係買完之後放咗一段時間嘅「舊米」，只要有呢款電飯煲，就可以煲出晶瑩飽滿嘅米飯，令新米同舊米食落都一樣咁好味。另外，仲可以用APP（應用程式）更新當年度出產嘅米種品牌同煲煮方式，令用家每年都可以煮出粒粒靚飯。不過呢個功能，可能對海外種植嘅米唔太適用？

使用「自動精準烹調（おまかせ見極め炊き）」模式時，電飯煲更可以精準檢視米粒狀態，自動調整大火力IH、可變壓力、高溫蒸氣三大功能，以最適合方式煲出美味米飯。一般嚟講碾過嘅米粒喺常溫保存狀態下，大約2星期後就會失去水分，變得乾燥，失去原有鮮度。無論係新米定舊米，只要用呢款電飯煲就可以煮出更勝從前嘅美味。

依照米粒狀態，電飯煲本身會判別係新米定係舊米，喺「再次烹調（追い炊き）」階段調整蒸氣溫度，去除新米多餘水分，令米飯更有咬口、更美味；又或抑制舊米乾燥口感同流失甜度，令米飯煮得無咁乾。

另外，可能都有唔少人試過唔小心煮太多飯之後，會煩惱唔知就咁保溫、放落雪櫃定擺入冰箱好。為解決以上煩惱，深受好評嘅「蒸氣保溫（スチーム保温）」功能亦再進化，令隔夜飯嘅口感同味道可以同啱啱煲好嘅飯一樣咁好味。仲全新加載「雪藏飯加熱（冷凍用ごはん）」模式，可以加熱雪冰咗嘅飯。

商品資訊

• 商品名：蒸氣保溫＆可變壓力IH電飯煲（スチーム＆可変圧力IHジャー炊飯器）
• 型號：SR-VSX101／SR-VSX181
• 可炊煮容量（白米）：0.09～1.0 L／0.18～1.8 L

2. TOSHIBA東芝：採用「炎匠烹調」電飯煲 全系列共6款

日本米每年增加新品種，品牌化亦漸漸成為趨勢，所以配合適合嘅烹調方法去煮唔同品種米嘅需求亦越來越大，呢個時候電飯煲嘅功能就顯得更加重要。TOSHIBA所推出嘅電飯煲系列「炎匠烹調（炎 匠炊き）」，除咗原有嘅「口感烹調模式（食感の炊き分け）」，仲新增可以根據米品種去烹調嘅模式。

各系列機種特色

• RC-VXR系列：電飯煲搭載全新「品牌烹調（銘柄炊き分け）」模式，新搭載以耕種面積比較大、同比較多人購買嘅品牌為主，提供適合7大品牌嘅烹調方式，可以品嚐到品牌米嘅極致美味。
• RC-VSR系列：利用業界頂級1420W火力熱能直達米芯，縮短「本釜（本かまど）」模式嘅烹調時間，能夠根據個人口感喜好，烹調唔同軟硬度嘅米飯，仲增加咗「偏硬」、「鬆軟」等，總共有5種口感烹調模式。
• RC-VRR系列：同樣利用業界頂級1420W大火力熱能直達米芯，縮短「本釜」模式嘅烹調時間。能夠根據個人口感喜好，烹調出美味嘅飯。設計上刪減咗蒸氣口部分嘅構造（蒸氣蓋、蒸氣閥），每次煮完飯只需清洗內蓋同內膽，令電飯煲保養更簡單，煲飯煲得更輕鬆。

商品資訊

• 商品名稱／最多可烹調容量：
• 真空壓力IH電飯煲（真空圧力IHジャー）：
• RC-10VXR：1.0 L
• RC-18VXR：1.8 L
• RC-10VSR：1.0 L
• RC-18VSR：1.8 L
• 真空IH電飯煲：
• RC-10VRR：1.0 L
• RC-18VRR：1.8 L
• 色系：黑白兩款

3. HITACHI日立：IH「飽滿米飯御膳」電飯煲

根據日本調查顯示，消費者選購電飯煲嘅時候除咗功能之外，仲會希望具有「好用」、「希望可以煲出好食嘅飯」、「清洗保養方便」等優點，而HITACHI日立「IH飽滿米飯御膳（IHジャー炊飯器ふっくら御膳）」電飯煲，就可以滿足晒以上咁多個願望。呢個電飯煲唔單止好用，喺清洗保養步驟上亦十分輕鬆、簡單。另外，無論係平時食開嘅白飯，抑或係壽司飯都無問題，喺屋企就可以輕鬆煲出日本高級料理店嘅美味。

商品特色

1. 「極致烹調（極上ひと粒炊き）」模式精心烹調每一粒米，令煲出嚟嘅飯非常飽滿，一咬就感受到一粒粒白飯外硬內軟，甘甜滋味喺口逐入面散開嚟。電飯煲利用最高1.3氣壓嘅壓力同最高107℃高溫蒸氣烹調白飯，就好似日式高級御膳提供嘅白飯一樣，令人大飽口福。
2. 配合喜好、用途可供選擇嘅「頂級烹調（極上コース）」模式中，搭載全新「頂級壽司飯（極上すしめし）」模式，喺屋企就可以品嚐到京都老字號店鋪「米店八代目儀兵衛」所製嘅美味壽司飯。
   
3. 由於喺煮飯過程中，幾乎唔會冒出蒸氣，所以唔使擔心擺放位置。可以將電飯煲收納喺滾動式拉櫃入面，非常方便。
   

商品資訊

• 商品名稱：IH「飽滿米飯御膳」電飯煲（IHジャー炊飯器「ふっくら御膳」）
• 型號、色系：
• RZ-W100DM：冷調黑
• RZ-W100DM：珍珠白、金屬紅
• 可烹調容量：1.0L

4. MITSUBISHI三菱：本炭釜智慧型電飯煲「KAMADO」

搭載IoT（物聯網）連網嘅頂級機款「本炭釜智慧型電飯煲（本炭釜 KAMADO）」於2021年5月21日（五）發售，喺屋企就可以品嘗到炭火煮嘅美味白飯！

商品特色

1. 搭載IoT連網功能，可以連上網絡，透過專屬APP應用程式，進行各式各樣操作，例如聲控設定煲飯嘅「聲控功能」、可以知道保溫咗幾耐或者仲有幾耐先煲好飯等等嘅「資訊通知」、可以遙距了解電飯煲情況嘅「家電分享」等等，搭載多項先進功能。
2. 使用「品種芳潤烹調（銘柄芳潤炊き）」模式可以享用到多款唔同嘅烹調方式（共有50種品種、9種口感可供選擇）。另外，透過APP應用程式亦可以隨時更新、追加新嘅日本白米品種。
3. 「喜好名人」模式能為您自動調整，烹調出符合個人喜好嘅美味靚飯。只要用手機回答品嚐過上次烹調成品嘅感想，就可以自動為您設定好下次烹調模式，唔需要了解過於細膩嘅操作或調整水量，簡簡單單就可以享用到符合自己口味嘅飯！（FUN!編幫大家許願，開發外語功能！）

商品資訊

• 商品名稱：本炭釜 KAMADO NJ-AWBX10（本炭釜 KAMADO NJ-AWBX10）

5. Tiger虎牌：壓力IH泡火烹調電飯煲 強調即煮即出爐嘅美味

「壓力IH泡火烹調電飯煲（圧力IHジャー炊飯器＜炊きたて＞）」嘅內膽係獨家土鍋塗層製造嘅金屬內膽，可以增強火力，且蓄熱性佳。釜鍋底部亦有得以改良，令烹調過程中增加更多細微泡沫，而且增加底部面積能令大量泡沫覆蓋米粒，利用「泡火烹調（ご泡火炊き）」模式就可以煲出好似用土鍋煮咁香甜美味米飯，粒粒飽滿晶瑩。另外，仲有搭載全新「壓力清洗」功能，喺短時間內就能輕輕鬆鬆地將電飯煲內部洗得乾乾淨淨，非常好用。

商品特色商品

1. 使用蓄熱性與熱傳導性佳嘅優良材質塗層，打造出9層構造，沸騰時能夠維持強大火力。
2. 將喺土鍋壓力IH電飯煲研發出嚟嘅加熱程式應用「少量旨火烹調（少量旨火炊き）」模式搭載喺金屬釜上，即使係煮嘅飯量唔多，都可以烹調出美味好食嘅飯。
3. 將水倒入內鍋加熱後，利用加壓清洗，就可以迅速清潔電飯煲內部，去除污垢與味道。

商品資訊

• 商品名稱：壓力IH泡火炊電飯煲（圧力IHジャー炊飯器＜炊きたて＞ご泡火炊き）
• 型號、色系：
• JPI-G100：鏡面黑、米白
• JPI-G180：鏡面黑