炎炎夏日，梗係要想買一對透氣好著嘅休閒涼鞋、或者一對方便出門嘅懶人救星迎接全身暑假！最近Au BANNISTER聯乘花生漫畫所推出嘅超人氣crossover潮物，就喺櫻花妹之間掀起一股搶購潮，堪稱係2021夏季史上最萌穿搭神隊友！！！
Au BANNISTER×PEANUTS 繼小白鞋後又放大絕
成功令到官方網站被塞爆嘅「元兇」（笑），其實就係日本鞋履品牌「Au BANNISTER（オゥバニスター）」！品牌從幾年前開始就已經係《花生漫畫（PEANUTS）》crossover常客，舊年年底曾推出過爆款「史努比小白鞋」，點知過咗大約半年時間後又再度出手，今次更唔只得萬人迷史努比，仲令難得一見嘅隱藏版角色通通出鏡呢～
Au BANNISTER×PEANUTS史努比crossover① 黑白超百搭涼鞋
新一批限定系列以『PEANUTS FRIENDS』為主題，回顧以往聯名系列都只有Woodstock、Charlie Brown、Lucy等中心角色有戲份，今次居然佛心地幫唔太常現身嘅角色加戲！首先「運動風涼鞋」厚底鞋墊，就貼心地加上魔術貼扣帶又內建增高效果，驟眼睇百搭黑色、白色基本款…其實內裡隱藏住超低調嘅「花生漫畫家族成員」呢。
Au BANNISTER×PEANUTS史努比crossover② 輕鬆出門懶人鞋
繼上次全白帆布鞋，今次亦有「小白鞋」負責攻陷大家嘅荷包（笑）！聯乘系列分別推出2種版本史努比聯名懶人鞋，無論係黑白或彩色配色，都直接將可愛角色神還原於腳尖，尤杜拉、富蘭克林、阿五…甚至連稀客史努比妹妹「BELLE（貝兒）」都一一登場！
Au BANNISTER×PEANUTS史努比crossover③ 雙面實用帆布袋
粉絲唔單只可以將史努比與好友「著」上腳，仲可以「揹」住一齊出街街！聯名環保帆布袋採用雙面設計，一面印有滿滿角色排排企，另一面則係史努比雙手玩著玩偶角色扮演，正面反面都充滿療癒感，超萌又百搭嘅外形一上架，立刻就被櫻花妹買到缺貨（戰力驚人…），香港嘅粉絲們要買嘅話貌似就唯有靠代購…？
© 妞新聞 www.niusnews.com
Comments