日本「七夕」於每年西曆7月7日，雖然節日由中國傳入日本，但喺日本發展出獨特文化，七夕時，大家會將願望寫喺五顏六色嘅「短冊」上，然後掛喺竹樹上裝飾，再向星星許願。呢個習慣喺日本各地廣為流傳。亦有部份縣市並非於7月7日慶祝七夕，而喺8月7日舉行七夕祭，例如：宮城縣仙台、北海道等…。FUN! JAPAN編輯部今次就會介紹日本七夕嘅意義，以及各種裝飾嘅意思。
七夕於哪一日？
七夕原本係有「7月7日傍晚」嘅意思。喺日本，雖然大多數人都認為七夕係西歷7月7日，但「仙台七夕祭」等七夕祭典，有好多喺8月舉行，因為其實七夕原本係農曆7月7日。
七夕傳說
相信大家都知道有關牛郎織女嘅故事，呢個故事喺日本亦廣為人知。傳說中織女擅長紡織，住喺銀河西岸，而牛郎・彥星就住喺銀河東岸，兩人喺織女父親—天帝嘅推薦下結婚。但結婚後二人卻沉迷自己嘅兩人世界，完全放棄工作。天帝因此憤怒，就用將兩人拆散。被拆散後嘅兩人終日悲傷度日，一樣都係唔工作。為咗激勵兩人努力工作，天帝就允許兩人於七夕夜晚可以相見。所以每年到咗七夕，兩人便乘坐奉天帝命令而來嘅喜鵲跨過銀河，一年見一次面。
日本特有的七夕習俗
七夕裝飾
七夕的裝飾有唔同形狀，每種都代表了唔同的願望。
- 紙衣：祈求提升女性裁縫技藝
- 巾着：祈求累積財富
- 漁網：祈求漁獲豐收
- 屑籠：整理、整頓、祈求珍惜物品
- 風幡：希望裁縫技藝能如同織女一樣卓越
- 紙鶴：祈求家人長壽
- 短冊：希望願望實現、寫字能變漂亮
將心願寫喺短冊，然後掛於竹樹上裝飾
裝飾竹葉係日本獨有習俗。咁點解會用竹葉呢？因為古時候竹葉被認為係神聖植物。大家認為朝著天空筆直生長嘅竹葉，有強靭嘅生命力中，係寄宿著精靈同神明。而相傳七夕裝飾起源，原本係於竹葉上掛上五色紡織線。後來就改掛絲綢布，而呢個習俗開始喺一般庶民間廣泛傳開，據說家家戶戶門前都會種植著一排竹樹，但因為當時絲綢布係屬於高級貴格品，一般平民難以入手，所以就改用紙張代替。亦係現今「短冊」嘅由來。
七夕的傳統食物「素麵」
雖然有人認為七夕食素麵嘅習俗，係源自於「素麵睇喺嚟似銀河」；但大多數人相信嘅起源係另一個說法，喺七夕由中國傳入日本時，同時傳入咗一種叫「索餅」嘅食品。索餅係中國嘅捲曲型點心，相信當時中國有「七夕時向神明供奉索餅以祈求無病止災」嘅風俗習慣。塗上油扭乾後嘅索餅同而家嘅素麵形狀相似。而且據說因為素麵會令人聯想到織女嘅紡織線，所以後來大家就漸漸改為供奉同食素麵，成為習俗。
現今，牛郎織女一年一度見面嘅七夕夜晚，日本全國各地都會舉辦於笹竹葉上掛上色彩斑斕裝飾，以及寫上願望「知冊」嘅七夕祭典。可謂「日本夏季的風物詩」。如果喺七夕時期造訪日本，值得體驗一下呢項日本特有嘅文化，或者有時間去逛逛七夕祭典都好推薦♪
Comments