曾被美國CNN電視台選為「日本最美景點31選」嘅河內藤園，毎年藤花盛開嘅時間啱啱好撞正日本嘅黃金週（日本人嘅長假期）期間重疊，所以經常都有好多遊客。但如果你喺4月底至5月中去福岡縣旅遊嘅話，咁就一定唔可以以錯過啦！
河内藤園簡介
原本只係山林中嘅私人地方，開墾土地後於1977年4月開園。每年4月底至5月中係藤花盛開時期。園內共種植有22種藤花，數量之多令人驚奇。其中樹齡最老嘅係超過120年嘅大藤。
河内藤園嘅藤花隧道
約3,305平方米嘅園內有著大藤棚同藤花隧道，仲有好高人氣嘅影相打卡景點。藤花隧道有成80米㗎，影出嚟嘅相一定好靚！
開園時間
開放時間為每年4月中至5月頭嘅08:00至18:00，僅有喺藤花季節限定開放園區。此外，每年11月中至12月頭嘅09:00至17:00，可以欣賞到秋季紅葉景色，亦有開放入園。其他時期則不開放。
入園門票及購票方式
入園門票費用為成人（18歲以上）1,500円，而每位成人（18歲以上）購票者可攜帶最多2名高中生以下孩童免費入場。但係需要事先喺日本國內嘅便利店（7-Eleven 或 FamilyMart）購票。
- 喺便利店可以買到基本門票，價格為1張500円。
- 但依開花狀況唔同，入園門票價格亦會改變。所以入園嘅時候，有機會要喺入口補差價（500至1,000円）。
- 於便利店購買之票券為「指定日期時間入園券」，若無法於特定時間入園，無法退票或作出變更。
- 僅有當日遇到不可抗力之天災等影響而閉園時，可於另外日子使用。
- 便利店購買之票券為間隔2小時入園時間嘅特定門票。
FUN! JAPAN 編輯推薦
紫藤隧道靚到我都詞窮喇，但真係美不勝收！有著紫色、粉紅、白色嘅花朵，加上誘人嘅花香，彷彿置身於童話世界一樣。只不過因為有水窪，所以路面稍微濕滑，觀賞時可能要注意一下地面以免跌倒呀。同埋唔好靠太埋啲花，小心蜜蜂以免被咬。
溫馨提示：如果係自駕遊嘅話可能會遇到塞車，建設朝早7點出發應該可以避開車潮。仲有可能有點難搵位泊車。
因為小編去嘅前一日有落雨，所以停車場有啲積水。如果著波鞋嘅話會比著高踭鞋易啲行。
景點資訊
- 名稱：河內藤園
- 地址：〒805-0045 福岡縣北九州市八幡東區河内2-2-48
- 交通：JR八幡站乘搭免費接駁巴士約15分鐘（僅有事先喺便利店買門票者才可乘搭）
- 可否使用信用卡：不可
Comments