2020年動漫《咒術迴戰》於日本各地爆紅，更於全球多個國家掀起風潮，主角虎杖悠仁與咒術高等專門學校嘅同學走勻各地消滅詛咒，粉絲們又有無諗過一齊跟著主角們腳步朝聖呢？一於就等FUN! JAPAN編輯部帶著大家去一探動漫中出現嘅實際場景啦！
原宿（東京）
原宿場景出現喺《咒術迴戰》動畫第3集當中，五條老師與虎杖等人相約喺原宿站集合，迎接從盛岡到東京就讀東京咒術高等專門學校嘅釘崎野薔薇，順便喺原宿行咗一陣街。原宿必睇特色除咗有原宿站、竹下通，仲有釘崎野薔薇拉著虎杖悠仁、伏黑惠穿插人潮擁擠嘅時尚街道一閃而過嘅多間店舖場面，五光十色非常壯觀。
竹下通
- 交通：JR原宿站徒步即達
新宿（東京）
新宿係第5集嘅亮點場景，一大群詛咒聚集喺一間家庭餐廳裡面，討論有關消滅人類、戰勝咒術師嘅方法，而呢間家庭餐廳就係「Gusto（ガスト）新宿靖國通店 」。《咒術迴戰》裡面改名叫做「RICE」，外觀以「Gusto（ガスト）新宿靖國通店 」為藍本製作，有機會不妨懷著一顆《咒術迴戰》熱血之心去朝聖，開啟《咒術迴戰》模式融入故事當中，望望隔離檯坐嘅究竟係人類，定係詛咒？
Gusto（ガスト）新宿靖國通店
- 地址：東京都新宿區歌舞伎町1-1-17
- 交通：從東京Metro副都心線的「新宿三丁目」站徒步約5分鐘
- 營業時間：07：00～23：30（因應疫情狀況，營業時間可能有所變動）
吉祥寺（東京）
唔知大家仲記唔記得《咒術迴戰》幼魚與逆罰篇當中，高中生「吉野順平」喺戲院度與真人相遇，仲殺咗3個喺呢間戲院睇電影嘅不良高中生嘅故事情節？吉野順平與真人相遇嘅戲院現實場景就係「吉祥寺Plaza」。「吉祥寺Plaza」雖然面積細細，但坐落感覺非常舒適，不妨入去睇返場電影，用另一個角度去感受《咒術迴戰》嘅魅力！
吉祥寺Plaza
- 地址：東京都武藏野市吉祥寺本町1-11-19
- 交通：從JR吉祥寺站徒步約6分鐘
「吉祥寺棒球打擊場」相信係《咒術迴戰》粉絲印象非常深刻嘅場景之一。七海健人同虎杖悠仁喺「吉祥寺棒球打擊場」共同對抗咒靈，七海喺戰鬥之餘亦不忘訓練虎杖，令人睇到相當熱血沸騰。一場嚟到「吉祥寺棒球打擊場」除咗一定要影相打卡之外，仲推薦您順便入去揮動球棒，親身感受「吉祥寺棒球打擊場」嘅樂趣！
吉祥寺棒球打擊場
- 地址：東京都武藏野市吉祥寺本町1-11-19
- 交通方式：從JR吉祥寺站徒步約5分鐘
- 營業時間：11：00～18：50
千光寺（岐阜）
《咒術迴戰》主要劇情裡面，關於附身於「虎杖悠仁」體內嘅詛咒之王「兩面宿儺」兩者間嘅關係相信大家應該非常熟悉，但您又知唔知詛咒之王「兩面宿儺」居然係真有其人？！根據《日本書紀》中，最早記載到「兩面宿儺」係嚟自飛驒，即係而家嘅岐阜縣。岐阜縣高山市就有一間寺廟「千光寺」供奉著「兩面宿儺」，從4月開始特別開放民眾參觀供奉「兩面宿儺」嘅「宿儺堂」，如今成為熱愛《咒術迴戰》粉絲們必去朝聖景點之一，開放參觀直至2021年11月底為止。
千光寺
- 地址：岐阜縣高山市丹生川町下保1553
- 交通方式：從JR高山站搭的士約20分鐘
- 開放時間：09：00～17：00（全年無休）
- 供奉兩面宿儺的「宿儺堂」內部特別開放參觀：4月3日～11月28日（只會喺六日以及假日開放參觀）
Comments