《鬼滅之刃》動畫自從2019年播出旋即爆紅，全球掀起一股「鬼滅風潮」。故事劇情緊湊、情感描寫紮實，無論係人抑或係「鬼」，每個角色都有值得同情嘅悲慘故事，難怪「成功爭取」唔少粉絲嘅熱淚，《鬼滅之刃》原作漫畫更成為有史以嚟最暢銷嘅漫畫之一！2020年所推出嘅電影《鬼滅之刃劇場版：無限列車篇》喺世界各地締造驚人紀錄，聲勢銳不可擋，全球各地都可見「鬼滅」嘅存在。
《鬼滅之刃》主角竈門炭治郎為求令妹妹禰豆子變返人類嘅方法而加入鬼殺隊踏上滅鬼之旅，足跡踏遍各地，日本各地美景紛紛融入《鬼滅之刃》幕幕經典場面。鍾意《鬼滅之刃》嘅粉絲，不妨跟著小編「全集中」，出發一趟《鬼滅之刃》朝聖之旅，重溫動畫與漫畫中經典場面啦！
岡田神社（北九州）
位於北九州八幡西區嘅岡田神社成為《鬼滅之刃》風潮當中嘅人氣景點，特別受小朋友歡迎！因為神社附近有間叫做「有川影相館 岡田神社Studio」嘅影相館，提供鬼殺隊服裝道具租借服務，畀《鬼滅之刃》嘅小粉絲可以瞬間化身為鬼殺隊成員，喺度影相留念。
「有川影相館 岡田神社Studio」喺日本傳統節日「七五三」專門為3歲、7歲女孩和5歲男孩提供特別服務，會喺當日免費提供鬼殺隊服裝道具，以及獨特佈景，化身為鬼殺隊成員嘅小朋友除咗會企喺佈景前面，影返幾張鬼殺隊成員記念相，仲可以喺日本傳統神社以及四周範圍內大影特影，增添《鬼滅之刃》嘅氣氛，為小朋友「七五三」節日締造美好嘅回憶。
有川影相館 岡田神社Studio
- 地址：福岡縣北九州市八幡西區岡田町1-46（位於神社範圍內)
- 交通：乘搭鹿兒島本線或福北豐線至JR黑崎站步行約7分鐘
- 營業時間：10：00～17：00（定休日:星期三)
莊八幡神社（北九州)
另外一間值得一去嘅神社就係莊八幡神社。莊八幡神社有一舊名為「鈴石」嘅巨大岩石，高3米、直徑闊6米，唔單止巨大，岩石仲被裂開分成兩半，激似主角炭治郎修行時用刀劈開嘅巨石，吸引唔少嚟自各地嘅粉絲專程到訪。
因為鈴石而前去到訪嘅粉絲，有人會COSPLAY成炭治郎，喺岩石前擺好POSE，重現炭治郎一刀劈開巨石嘅經典場景。
莊八幡神社
- 地址：福岡縣北九州市小倉南區中貫本町3-1
- 開放時間：10：00～17：00（定休日:星期三）
SL群馬蒸汽火車（群馬）
2020年電影《鬼滅之刃劇場版：無限列車篇》故事舞台發生喺蒸汽火車裡面，推薦乘搭行駛於群馬縣水上與橫川之間嘅SL群馬，體驗相似場景。SL列車分別由「D51 498」以及「C61 20」兩種蒸汽機關車頭牽引，不妨兩種都坐坐，比較當中差異！小編亦推薦可以乘搭經過改造、擁有1938年至1955年之間嘅復古外觀內裝列車，與炎柱煉獄杏壽郎坐上滅鬼嘅無限列車！
足利花卉公園（栃木）
《鬼滅之刃》粉絲們應該仲記得鬼殺隊最終選拔裡面出現嘅紫藤花海場景吧？雖然最終選拔場地「藤襲山」純屬虛構，但係日本栃木縣足利花卉公園亦可以欣賞到美麗無比嘅紫藤花。一排又一排懸掛喺藤架上嘅紫藤花，盛開時嘅美麗花景，吸引唔少旅客專程到訪，夜晚仲會舉辦點燈活動，營造出與白天截然不同嘅奇幻氛圍，望落更加神似《鬼滅之刃》當中令人驚嘆嘅美麗藤花海場景。
足利花卉公園
- 地址：栃木縣足利市迫間町607
- 交通：從JR兩毛線至「足利花卉公園」站，步行約2分鐘
- 營業時間：08：00～20：30（星期五為07：00～21：00）
淺草（東京）
最後為大家介紹東京知名嘅淺草地區，亦係《鬼滅之刃：淺草篇》嘅故事舞台。原作所繪製嘅淺草時代背景雖然係1912年至1926年嘅大正時代，但淺草地區保留唔少昔日傳統風情，當您望見淺草寺嘅雷門，漫步於仲見世商店街，就好似置身於炭治郎初遇「鬼舞辻無慘」嘅經典場景，回想炭治郎兩兄妹與珠世、愈史郎相遇之後，隨後遇上朱紗丸與矢琶羽襲擊，陷入一場激烈嘅戰鬥。
淺草寺雷門
- 地址：東京都台東區淺草2-3-1
- 交通：東京Metro銀座線淺草站步行約1分鐘
- 開放時間：24小時
Comments