上至細細品嚐抹茶、下至café綠茶輕食等等，日本「茶道」如今已經成為世界各地習以為常嘅飲食選項，一提起綠茶就會諗起日本，可以話係日本代名詞之一！但其實日本茶葉品種裡面，唔單只得綠茶、抹茶，仲有麥茶、烏龍茶等多款，您又知道幾多種呢？品茶種類會隨著季節變化、環境與地區不同，飲茶對日本人嚟講，已經係日常生活不可或缺嘅一部分！
日本茶
茶葉喺1300多年前由中國傳入日本，最初只有上流社會人士先有資格享用。禪宗創始人榮西禪師從中國返到日本後，向國民介紹綠茶粉用法，從而令到綠茶粉喺京都宇治開始盛行。隨著時間流逝，品茶變得普及，並經常出現喺家庭聚會、社交場合裡面，茶道亦發展出一套獨樹一格嘅美學。
雖然綠茶係由中國傳入日本，但日本製茶過程與味道截然不同。主要差別在於茶葉嘅處理方式，中國係用鍋炒，而日本係用蒸菁。蒸菁方式會令到茶葉產生草味，味道亦會比中國綠茶多少少苦澀。雖然紅茶喺日本亦相當受歡迎，但論受歡迎程度佞然比唔上綠茶。除綠茶類飲品之外，麥茶、昆布茶，甚至有茶葉加入日本米嘅玄米茶等茶種，亦非常受國民歡迎喔。
綠茶種類多多 您鍾意飲邊一款？
日本綠茶有好多種，顏色、口味等等都唔一樣，當中最具人氣嘅，無疑就係抹茶！或者您飲過好多種抹茶，但卻唔太了解原來抹茶亦歸為綠茶呢個大分類？以下，就等編輯部就為您介紹各種分別！
抹茶
抹茶唔單只係綠茶，更被視為一種超級食品，被廣泛地用於世界各地飲品與料理當中。抹茶係由綠茶茶葉製作而成嘅細緻粉末，喺日本已經有幾千年歷史。最初屬於皇宮貴族先可以品嚐嘅高級品，但隨著時代演進，最終普及至一般百姓人家，至今成為熱門飲品。正統茶道之中，品嚐抹茶可謂一門優雅學問。
抹茶茶葉多數種植於陰涼之處，呢個做法會令茶葉喺生長過程中產生更多葉綠素，令茶葉顏色呈現亮綠色。茶葉採收後，會經過蒸菁、乾燥、磨碎等過程製成抹茶。即使而家已經有機器可以減省磨碎茶葉時間，但高級抹茶所用嘅茶葉仍然係用石臼磨碎。
玉露
玉露喺日本屬於最高級嘅綠茶，只用第一次採收嘅嫩葉，並經過精緻嘅製造過程。玉露味道清雅、帶有一股花香與芬芳，喺採收之前會覆蓋茶葉至少20日，提升茶胺酸含量，令味道多一份甘甜。要沖出一杯好飲嘅玉露，最好用50~60°C左右嘅水沖泡。
煎茶
煎茶係日本最普遍飲用嘅綠茶，經常會於餐廳等日常飲食中提供。煎茶呈淡綠色、味道輕盈，飲落會覺得口氣即時變得清新。煎茶一般以水沖泡，隨著唔同季節，更會有適合當季嘅品種。
「新茶」係指當年度採收嘅頭幾批新鮮茶葉，味道鮮嫩美味；「八十八夜煎茶」則係立春第88日所採收嘅茶葉。沖茶時嘅水溫亦會影響茶葉味道，溫度太高會令茶味變得苦澀，而65-75°C嘅溫度係可以品出煎茶味道最適合溫度。
番茶
番茶即普通茶葉，喺日本茶當中等級唔算高，採收過程屬於比較後段，喺摘收煎茶用茶葉之後，剩低比較大塊嘅葉與莖用嚟製作番茶。因此味道比較強烈、濃厚，比較常用於配搭食物一齊享用。
焙茶
焙茶大約起源自一個世紀前嘅京都，將番茶或莖茶（使用葉莖、葉枝製作嘅茶）再次烘烤之後製成。烘烤之後，顏色變紅，帶一股清爽風味，幾乎無苦澀味。根據品牌和地區烘烤溫度都會有所不同。
玄米茶
玄米茶係喺煎茶裡面加入糙米，有一股明顯堅果味。糙米經過烘烤之後，內含澱粉令茶味更鮮甜、更飽滿。由於添加糙米嘅關係，降低玄米茶嘅生產成本，屬於大眾茶，咖啡因含量比較少，適合各種年齡層享用，喺寒冷季節裡，最適合飲返杯暖吓身子。要沖出好飲嘅玄米茶最理想溫度係80～85°C。
「和紅茶」—日本紅茶
自19世紀以來，日本大量生產紅茶，多數用於出口。紅茶與綠茶雖然係用一樣嘅葉，但採摘與加工過程唔同，因此最終製造出唔同種類產品。
紅茶將茶葉萎凋之後，乾燥、氧化，改變咗茶葉嘅化學成分和味道；而綠茶則經過蒸或炒，防止氧化，產生淡雅味道。當然綠茶用茶樹嘅栽培與紅茶略有不同，而綠茶茶樹製作嘅紅茶，令和紅茶與眾不同，充滿獨特溫和。沖泡和紅茶嘅最佳溫度大約90°C。
日本其他受歡迎茶品
日本除咗熱門嘅綠茶，另外仲有好多其他茶品亦相當受歡迎。
麥茶
麥茶係烘烤大麥製成嘅茶品，不含咖啡因，無論男女老幼都鍾意，更係夏天消暑解熱嘅人氣之選。蜜茶被視為有抗氧化、滋潤效果，餐廳經常喺夏天會免費提供飲用，亦係便利店、自動販賣機嘅暢銷飲品。
昆布茶
昆布茶（康普茶）近年突然聲名大噪，廣泛地被視為有助排毒嘅健康飲料，與日本傳統昆布茶非常唔同，淨係用熱水和昆布粉或者乾燥昆布沖泡而成，略帶鹹味。不含昆布，而係用狀似蘑菇發酵紅茶菌等共生菌（SCOBY）製作而成。
烏龍茶
烏龍茶香氣馥郁，茶味介於紅茶與綠茶之間，清淡爽口。日本非酒精飲料首選就係烏龍茶。烏龍茶亦經常用嚟混搭，而水蜜桃烏龍特飲更係相當流行嘅低酒精飲料。
茉莉花茶
茉莉花茶係喺綠茶或烏龍茶中添加茉莉花，味道略帶茉莉花香及微甜香氣。茉莉花茶喺自動販賣機和便利店買得到，有某部分餐廳菜單上亦可以見到茉莉花茶嘅蹤影。
日本頂級茶葉產區
日本各地都有生產茶葉，但某部分地區因為當地種植嘅茶葉品質優良而聞名。
靜岡縣：日本最大產地
日本最知名茶葉產地就係靜岡，離東京距離唔算遠，非常適合一日遊與順便了解更多製茶相關知識。靜岡縣茶葉產量佔日本全國40％，主要出產煎茶。
鹿兒島縣：綠茶品種豐富
鹿兒島縣係日本第二大茶葉產地，綠茶品種種類繁多，由於氣候溫暖潮濕，每年茶葉產季多達五次！
京都宇治：日本歷史最悠久產茶區
位於京都郊區宇治，與日本茶葉歷史擁有最悠久關聯。宇治主要生產煎茶、抹茶以及玉露，並將茶葉銷售至日本與世界各地。從京都出發即可輕鬆抵達宇治嚟個一日遊。宇治同時亦因為其中一大觀光景點平等院鳳凰堂被使用作為日本十圓硬幣圖案而聲名大噪。
福岡縣八女：日本頂級玉露產地
福岡八女屬於寧靜地區，擁有肥沃土壤，加上涼爽溫度，栽培出嘅玉露十分美味。
日本茶道
日本茶道經常係遊客體驗日本文化嘅首選。參加者於優雅點茶儀式中，喺身著和服嘅老師教導之下，有機會學習抹茶點茶法以及茶道規矩與禮儀，再以刷好嘅抹茶配搭日本傳統和菓子齊齊享用，體驗一場日本文化洗禮。參加茶道體驗或欣賞茶道係日本相當流行嘅活動之一，有好多茶室都有安排相關活動。如果想喺充滿日式氛圍環境之中品嚐抹茶，可以參觀眾多寺廟或庭園嘅茶室，以上設施嘅茶室通常會提供抹茶和菓子套餐，價位落在500~1000日圓之間，亦係相當人氣嘅旅遊行程。
Comments