歷史悠久嘅「天瀨溫泉」位於大分縣日田市，嚟到九州著名溫泉勝地之一，遊客可以感受到滿滿獨有日本風情－事關玖珠川兩岸有公共露天溫泉，亦有多個溫泉設施提供即日來回浸溫泉服務！以下，就等編輯部帶您出發一趟溫泉之旅，感受充滿懷舊氣息！
九州「豐後三大溫泉」之一
大分縣日田市「天瀨溫泉」與「別府溫泉」、「由布院溫泉」齊名，有「豐後三大溫泉」之美譽。「天瀨溫泉」已有1300年歷史，喺720年至740年所編寫嘅《豐後風土記》中已有記載，歷史相當悠久。其最大特色係泉質主要屬於硫磺泉、單純泉等等，浸落既溫和又不刺激，非常舒適。
淪流玖珠川嘅存在亦造就「天瀨溫泉」獨特吸引力。河川兩旁約有10間旅館，幾處零星露天溫泉，試想像一邊浸住露天溫泉、一邊欣賞眼前河川優美景緻，四周響起潺潺流水聲，簡直係人生一大享受！
必浸公共露天溫泉以及周邊即日來回浸溫泉推薦
「天瀨溫泉」擁有5個公共露天溫泉，亦係當地嘅著名景點，最令人意想不到嘅係溫泉嘅入場費竟然只需要100日圓？！不過小編溫馨提示大家，由於公共露天溫泉係屬於男女混浴，所以先要克服心理障礙去享受混浴體驗，對部分人而言難度或者稍高。不過有幾間公共露天溫泉就接受著住泳衣、溫泉浴衣或者包著毛巾落水，無需「坦誠相見」，女性或外國遊客都無需唔怕尷尬癌發作，可以安心體驗露天溫泉喔～
站前溫泉
- 營業時間：09：00〜21：00
藥師湯
- 營業時間：06：00〜24：00 可以著住泳衣、溫泉浴衣或者包著毛巾落水浸溫泉。
神田湯
- 09：00～22：00 可以著住泳衣、溫泉浴衣或者包著毛巾落水浸溫泉。
益次郎溫泉
- 16：00〜21：00
＊2021年8月現正整修中
鶴舞之湯
- 17：00〜21：00
大約15間溫泉設施有提供即日來回浸溫泉服務，想要盡情享受「天瀨溫泉」，建議入手售價1,200日圓嘅「天瀨溫泉護照」，裡面有1張溫泉券、商品兌換券以及天瀨農業公園門票，比起單買1張溫泉券更加抵玩。「天瀨溫泉」嘅獨特玩法莫過於可以體驗到自己入住嘅旅館溫泉之外，買套票仲可以體驗埋另1間有提供即日來回溫泉服務嘅溫泉，享受得到2種唔同溫泉嘅魅力之處。
＊截至2021年3月，「天瀨溫泉」旅館組合加盟宿14間當中有7間因2020年7月豪雨影響，現正暫停營業。
浸完溫泉，順便出發去睇瀑布！
「天瀨溫泉」附近有兩條瀑布，分別係「慈恩瀑布」以及「櫻花瀑布」。「慈恩瀑布」以大蛇・龍傳說而聞名，從JR天瀨站嘅下一站「杉河內站」徒步大約5分鐘。乘搭JR九州觀光列車「由布院之森」行經杉河內附近時，車掌會降低車速，等乘客可以仔細欣賞「慈恩瀑布」嘅壯觀景色。
「櫻花瀑布」從JR天瀨站沿著櫻花瀑布散步步道，行約10分鐘即可抵達。距離唔太短又唔太長，散步賞景啱啱好。
天瀨溫泉交通方式
- 天瀨溫泉位於JR九州久大本線「天瀨」站落車即抵達嘅位置，JR九州特急列車「由布號」和「由布院之森」都會停靠「天瀨」站。
- 自駕遊的話，可沿著國道210號線。從大分自動車道嘅天瀨高塚交匯處駕駛約20分鐘即可抵達。
Comments