位於大分縣西南部山林間嘅「長湯溫泉」，係一個歷史悠久又面積細細嘅溫泉地，最大特色為泉質屬於高濃度嘅「碳酸泉」。除咗可以嘆返個靚溫泉之外，仲可以欣賞得到具設計感、出自代表日本嘅建築師之手嘅溫泉館。今次FUN! JAPAN要同大家介紹長湯溫泉以及溫泉館嘅特色，下次出發前就可以先做足功課計劃參觀行程啦！。
長湯溫泉以碳酸泉聞名全國！
長湯溫泉位於大分縣西南部竹田市直入町，四周有九重連山、阿蘇外輪山、祖母山等群山環繞，為九州最先實行「源泉放流宣言」嘅溫泉地。。當地自江戶時代就係岡藩藩主與藩武士嘅療養溫泉，屬於相當古老嘅溫泉景點。長湯溫泉同時以溫泉湧出量與高濃度碳酸聞名，碳酸氣體會經由皮膚被身體吸收，刺激毛細血管擴張、促進血液循環，亦被認定為日本百名湯之一！
長湯溫泉泉水含高濃度二氧化碳，泉質屬於碳酸氫鹽泉、鹼性泉，有助舒緩神經痛，改善心臟病等作用，由於泉水含有天然礦物質碳酸氣體，因此亦有助舒緩腸胃疾病，改善便秘。長湯溫泉區內亦設有多處提供泉水飲用嘅地方。
參觀獨特建築風格溫泉館
長湯溫泉裡面，除咗充滿懷舊復古風情嘅溫泉旅館相當吸引之外，出自代表日本嘅建築師之手所設計，建築風格別具一格嘅長湯溫泉嘅公共溫泉館亦不容錯過。以下3間溫泉館都係出自代表日本嘅建築師之手，浸溫泉之餘亦可以順便出發一場建築藝術之旅。
長湯溫泉療養文化館 御前湯
「長湯溫泉療養文化館 御前湯」1樓與3樓都有設置大浴場，亦有提供全家包場嘅溫泉服務(露天溫泉、2間和式、1間西式)。文化館內設有免費休息室、按摩室、Café等齊全配套，浸完溫泉之後仲可以喺度好好放鬆一下。其建築設計更係出自曾經設計過沖繩名護市廳舍等建築物而聞名嘅象設計集團呢。
景點資訊
- 景點名：長湯溫泉療養文化館 御前湯
- 地址：大分縣竹田市直入町長湯7962-1
- 營業時間：06：00〜21：00
- 定休日：每月第3個週三
- 門票：成人500日圓、小童200日圓、未滿6歲免費，全家包場泡湯1次50分鐘 2,000日圓（最多容納4名）
- 官網：http://www.gozenyu.com/index.html
Lamune溫泉館
「Lamune溫泉館」嘅源泉分為「碳酸泉」（每1公升泉水當中含有超過1,000毫克嘅二氧化碳）以及泉水內含嘅二氧化碳不足1,000毫克嘅「碳酸氫鹽泉」共2種。「Lamune溫泉館」裡面嘅大浴場劃分成內湯及外湯(露天)，露天外湯附設桑拿室與淋浴間。一家大細想要好好享受一下歡樂浸溫泉時光嘅話，就可以揀全家包場浸溫泉嘅浴池，邊嘆溫泉邊眺望氣氛一流嘅中庭，悠閒地享受一家人嘅親密時光。
「Lamune溫泉館」嘅設計係出自建築風格別具一格，以強調建築物本身與周遭自然環境結合協調、共存嘅設計理念而聞名嘅藤森照信之手。
景點資訊
- 景點名：Lamune溫泉館
- 地址：大分縣竹田市直入町長湯7676-2
- 營業時間：10：00～22：00
- 定休日：每月第1個週三（1月和5月為第2個週三）
- 門票：成人500日圓、小童(3歲〜小學生)200日圓、未滿3歲免費，全家包場浸溫泉1小時2,000日圓
- 官網：http://www.lamune-onsen.co.jp/
Kur Park 長湯
2019年6月盛大開幕、由世界級建築大師坂茂設計嘅複合型溫泉療養設施「Kur Park 長湯」，係一座結合日本濃度最高嘅長湯溫泉碳酸泉、餐廳及住宿嘅健康與休閒設施。設施四周群山圍繞、空間開放，坂茂以一貫設計手法，使用硬紙板管與木頭打造出融入田園風光嘅溫泉SPA公園，成為舒緩身心嘅新聖地。
「Kur Park 長湯」由以下三棟建築構成，分別係Kur．House(溫泉棟)、Kur．Restaurant(餐廳棟)、Kur．Hotel(住宿棟)。溫泉棟溫泉設施相當豐富，例如有成50米長嘅溫泉步道、寢湯、露天溫泉、按摩浴池等等應有盡有。溫泉棟1樓需要穿著泳衣先可以入場。先喺溫泉棟入口購買門票之後，沿著步道上樓，從2樓更衣室入場。
餐廳棟所提供嘅蔬菜全部都係直接搵當地農家入貨，並用內含矽素嘅泉水清洗，洗去上頭微量嘅銫與農藥。餐廳所販售嘅杏仁豆腐、胡桃、餅乾等等自家製點品亦相當受歡迎。
入住住宿棟15：00辦理Check-in手續，10：00辦理退房Check-Out手續，房間附設實木觀景平台嘅小木屋，當中2棟係單人房、12棟係雙人房(其中8棟係閣樓類型)。
景點資訊
- 景點名：Kur Park 長湯
- 地址：大分縣竹田市長湯3041-1
- 營業時間：10：00～20：30
- 定休日：全年無休
- 門票：成人500日圓、小學生200日圓、租借泳裝500日圓
- 官網：https://www.kur-nagayu.co.jp/
長湯溫泉交通方式
- 從JR豐肥本線「豐後竹田站」自駕約20分鐘。
- 從大分機場自駕約1小時30分鐘。
- 從熊本機場自駕約1小時40分鐘。
- 從JR大分站自駕約1小時。
- 從大分自動車道「由布院交匯處」自駕約40分鐘。
- 從中九州橫斷公路「竹田交匯處」自駕約20分鐘。
Comments