由布院一帶寧靜悠閒，更被日本OL票選為心目中第一名嘅旅遊勝地。如果您正有想去九州旅遊嘅諗法但又未去過大分縣由布院的話，不妨將由布院放入行程裡面，嚟一個溫泉朝聖之旅！今次將會為大家介紹FUN! JAPAN編輯部精選5間海外遊客都可以安心入住嘅由布院酒店及旅館，總有一間啱您所想～
由布院御三家之一「由布院 玉之湯」
於1953年開業嘅禪寺療養院，係一棟被3000坪樹林環繞嘅遠離塵世煩囂老字號旅館。「玉之湯」並未有過多繁複擺設與裝修，就連庭園都捨棄日式庭園風格，利用大自然裡自然生長茂密樹林，以及鳥語花香，營造出絕世嘅世外桃源風貌。
「尊重旅客私隱，提供零壓力服務」係玉之湯旅館待客之道。從旅館裡面任何一個角落都可以眺望到一大片綠色景致，整體畀人整潔大方、舒適又唔沉重嘅舒暢感。大浴場有天然採光加持，顯得更加明亮。而每間客房裡面亦配備掛流溫泉，浴池由木頭建造，打造出嘅環境令人舒適悠哉地度過。餐飲方面更全部用上新鮮、安心、安全食材，種類豐富，選用當地食材製成嘅田園料理，以炭火燒烤豐後牛為主，包括地雞與山菜等，期望賓客可以享用到精緻田園美味。
旅館資訊
- 旅館名稱：由布院 玉之湯旅館
- 地址：〒879-5102 大分縣由布市湯布院町湯之坪
- 交通方式：從JR由布院站、由布院站站前公車站步行約15分鐘，搭的士約3分鐘
- 住宿房價：36,450日圓起/1人(一晚附兩餐，為2人入住1房的情況)
- 對應語言：日文、英文
- 官網 : https://www.tamanoyu.co.jp/tw.html
※官網支援英文、韓文、繁中、簡中
湯布院月燈庵
湯布院月燈庵面積闊達約1萬坪面，場內共有18棟附設露天溫泉獨立客房。主屋由建築300年，歷史悠久古民家改建而成，由主屋行去住宿客房須先經過吊橋。所有客房全部都喺山林裡面，住客可以近距離吸收大自然芬多精。除咗有大浴場之外，每間客房亦有提供專屬露天溫泉，方便各位浸喺客房內慢慢享受露天溫泉，順便欣賞眼前氣魄十足由布岳雄偉英姿與有滿天璀璨星空！
旅館資訊
- 旅館名稱：湯布院月燈庵
- 地址：〒879-5102 大分縣由布市湯布院町川上295-2
- 交通方式：JR由布院站搭的士約7分鐘
- 住宿房價：平日1晚附兩餐 1人27,700日圓起
- 對應語言：日文、英文、韓文、中文、俄文
- 官網：https://www.gettouan.com/en/
※官網支援英文、韓文、簡中、泰文
名苑和名水之宿 梅園
「名苑和名水之宿 梅園」2021年3月1日改裝後重新開幕，增設用餐處包廂、仲有大浴池內湯。家庭包場溫泉唔單止免費，仲可以無數次咁浸，浸到心滿意足完全不是夢！有機會入住的話，記得要欣賞佔地約3000坪庭園四季美景，並品嚐使用當地美味食材與優質水源嘅創意日式宴會料理～
旅館資訊
- 旅館名稱：名苑和名水之宿 梅園
- 地址：〒879-5102大分縣由布市湯布院町川上馬場2106-2
- 交通方式：從JR由布院站搭的士約5分鐘
- 住宿房價：20,000日圓起
- 對應語言：日文、英文、韓文、尼泊爾文、越南文
- 官網：http://www.yufuin-baien.com/tw/
※官網支援日文、英文、韓文、繁中
由布院壽花之莊
由布院壽花之莊位於由布院中心地區，離主要街道有一段小距離，營造寧靜悠閒住宿環境。佔地2,000坪嘅庭園裡面，設有水池與彷如漂浮喺池面上嘅舞台。旅館地理條件優越，能夠眺望由布岳正面景緻。
旅館資訊
- 旅館名稱：由布院壽花之莊
- 地址：〒879-5102大分縣由布市湯布院町川上2900-5
- 交通方式：從JR由布院站步行約5分鐘
- 住宿房價：12,100日圓起(含服務費、含稅)
- 對應語言：日文、英文
- 官網：http://hananosho.co.jp/
※官網支援英文、韓文、繁中、簡中
湯布院山水館
湯布院山水館係一間創業110週年老字號旅館。山水館有和室與洋室可供選擇，部分房型喺房間裡面就可以欣賞到由布岳絕景。山水館另一個賣點係溫泉，館內有兩個溫泉區，分成室內與露天，只要係房客都可以免費浸溫泉。從露天溫泉可以飽覽由布岳絕景。順帶一帶，旅館嚴選當地山珍海味所烹調嘅懷石料理屬必食！
旅館資訊
- 旅館名稱：湯布院山水館
- 地址：〒879-5196大分縣由布市湯布院町川南108-1
- 交通方式：從JR由布院站步行約8分鐘
- 住宿房價：15,000日圓起 (依淡旺季及使用人數有所變動)
- 對應語言：日文、英文、韓文、中文
- 官網：https://www.booking.com/hotel/jp/yufuin-sansuikan.en-gb.html
※官網支援英文、韓文、繁中、簡中、泰文 - 客服電話(提供多國語言)：0977-84-2102
Comments