九州大分縣由布院溫泉擁有悠久歷史，泉水湧出量以及泉源數量位居全日本第二，而且多處溫泉皆適合所有年齡層，任何人都可以盡情享受溫泉樂！隨時隨地都可以輕鬆浸溫泉不在話下，亦可以順便同當地居民交流，一舉兩得～
由布院溫泉 泉水湧出量及泉源個數位居日本第二
由布院溫泉位於相近日本九州大分縣中心位置，位於由布院盆地地區且有悠久歷史。據說早於公元720年至740年左右撰寫嘅《豐後國風土記》內，就已經有提及由布院溫泉。其泉水湧出量、泉源個數僅次於同縣別府溫泉，為日本全國第二，約900處泉源每分鐘合共湧出38,600公升泉水！由布院街上有多間公共浴場，當中部份浴場仲係由江戶時代已經開始經營，保持至今時今日呢。
由布院溫泉嘅泉質多為單純泉或者鹼性單純溫泉。單純溫泉泉質特色係較少刺激性，適合廣泛年齡層以及從未浸過溫泉嘅外國人。至於溫泉功效方面，則有舒緩疲勞，抒緩自律神經失調及失眠症狀等；鹼性單純溫泉則有助去除肌膚老舊角質及護膚，作為「美肌之湯」而大受歡迎。
由布院即日來回溫泉設施
由布院內多間酒店、旅館或者溫泉設施都有提供浸溫泉服務，唔使入住過夜都可以浸溫泉。今次為大家介紹其中三間設施，喺由布院街上散步時，突然想浸溫泉都可以即刻滿足心願。
乙丸溫泉館
公共溫泉設施靠近由布院站，係當地居民常用嘅公共浴場，當然觀光客亦歡迎使用。館內祭祀咗溫泉守護神「藥師如來「，只要將入浴費用放入藥師如來香油箱就可以入場。泉質屬於弱鹼性單純泉。
- 地址：〒879-5102 大分縣由布市湯布院町川上2946-1
- 交通：JR由布院站徒步5分鐘
- 門票：200日圓
- 營業時間：06:30～22:00 （時間會有所變動）
- 休業日：每月第三個星期四
湯布院健康溫泉館 Kuaju由布院
湯布院健康溫泉館Kuaju由布院由德國引進溫泉療養方式，唔單止可以浸溫泉，仲設有運動設施。喺需要穿著泳衣嘅浴池區內，有9種不同功能浴池，包括運動浴、定點沖打浴、冷水浴等等。貼心嘅係，設施內可租借泳裝，兩手空空入場亦無問題。而於分開男女浴嘅大浴場入面，就鋪有SGE礦石，據聞有細胞活化作用。館內仲設置咗露天溫泉，非常進薦去體驗一下與別不同嘅溫泉體£。
- 地址：〒879-5102 大分縣由布市湯布院町川上2863番地
- 交通方式：由JR由布院站步行約10分鐘
- 門票：成人（高中生以上）830日圓、兒童（中小學生）620日圓
（只泡溫泉：成人、兒童皆520日圓） - 營業時間：10:00～21:30（櫃檯服務至21：00）
- 休業日：每月第二及第四個星期日（如為連假，則順延至翌日）
湯之壺溫泉
湯之壺溫泉係一間位於進湯之坪街道上、背靠大分川沿岸而建嘅公共浴場。溫泉亦曾出現喺江戶時代嘅文獻資料之中，惟現址建築物係於1995年改建。浴池邊緣使用檜木，而浴室地板同腰壁就使用御影石（即花崗石）。管理人每日都會打掃幾次，保持整潔乾淨狀態。溫泉泉質係屬性溫和單純泉。
- 地址：〒879-5102 大分縣由布市湯布院町川上1087番地1
- 交通方式：從JR由布院站步行約15分鐘
- 門票：200日圓
- 營業時間：10:00～18:00 （時間會有所變動）
- 休業日：無
Comments