「由布院溫泉」（又稱湯布院溫泉）位於日本九州大分縣，係一個日本屈指可數嘅溫泉小鎮。由布院坐擁豐沛溫泉水量，水量全日本排名第二，加上未曾進行過任何大規模開發工程，因此區內保留著最純樸原始風貌，處處充滿濃厚日式風情，遊客可以在此體驗到選用當地食材嘅講究美食，又或欣賞得到金鱗湖等多個風景名勝。
由布院歷史
由布院溫泉位於由布院範圍內，四周有由布岳等群山環繞，擁有自然山林景緻，風景相當怡人。
由布院古老傳說
從前，由布院係一座大湖。有一日，由布院女神「宇奈岐日女神」俯瞰凝視著湖面：「如果將呢一座大湖嘅湖水抽乾，就係一片土壤相當肥沃嘅良田，能夠令更多人豐衣足食安居樂業。」，於是命令底下嘅魁武神明權現：「權現，因為你係個大力士，因此我命令你劈開湖岸」。權現聽從「宇奈岐日女神」命令踢裂湖水嘅一角，因此湖水從被踢裂開嘅一角流出，流成大分川，而湖水流乾之後，由布院範圍就出現。
然而，喺呢一座湖裡面住著一條巨龍，早已經以湖為家，巨龍同女神講想要有一個安居之所，並與女神訂下約定，如果能夠得到棲息之處，巨龍就會讓清水湧出，並且永遠守護著這個村莊，女神答應巨龍嘅懇求，留低一座「金鱗湖」。
現今嘅由布院
由布院溫泉係一座恬靜，充滿鄉土風情嘅溫泉勝地，從未設置過大型旅館酒店以及繁華街道。直至1960年代後期，當地居民開始摸索由布院自我溫泉風格，每年夏天會舉辦電影節或音樂節等活動。雖然1980年代尾日本泡沫經濟之下曾嘗試推行大型開發計畫，惟受到當地居民反對聲之下最終未能實現，由布院獨特景色反而卻保留至今。
由布院必遊觀光景點
金鱗湖
前段傳說中出現過嘅金鱗湖，係由布院數一數二嘅知名觀光景點，亦係著名嘅能量景點。據聞金鱗湖嘅湖底湧出嘅唔只係清水，仲有溫泉，因此金鱗湖湖水維持著高水溫。清晨之時，遊客可以欣賞得到湖面瀰漫著霧氣嘅夢幻景色，湖畔四周設置完善嘅散步道，最適合一邊繞湖漫步，一邊欣賞動人迷幻景緻。金鱗湖亦係知名賞紅葉景點，踏入秋天，金鱗湖一帶就會逐漸染成一大片紅葉景色，美不勝收。
- 交通：從JR由布院站步行約20分鐘
宇奈岐日女神社
宇奈岐日女神社供奉著六尊神明，根據720年左右完成嘅日本歷史書《日本書紀》中記載，國常立尊等六尊神明喺開天闢地之時最早出現嘅神明。因此宇奈岐日女神社又被稱為「六所宮」。古老傳說中，由布院原本係一個非常大面積嘅湖，鰻魚被喻為沼澤精靈被人們信奉和祭祀，據聞就係宇奈岐日女神社嘅由來。
- 交通：從JR由布院站步行約20分鐘
狹霧台
狹霧台位於由布岳山腳，登上海拔約680米高嘅觀景台，您即可以將由布院景色盡收眼簾，欣賞大自然嘅四季不同景色。 遊客亦有機會於寒冷清晨時分欣賞得到由布院幻想般嘅晨霧絕景，因而聞名。
- 交通：自駕遊嘅話，從由布院交匯處，約15分鐘
觀光辻馬車
觀光辻馬車從30幾年前開始經營，至今己經成為由布院旅遊名勝之一。馬車路線從JR由布院站出發，行經佛山寺、宇奈岐日女神社再返回車站，乘搭時間約60分鐘，從乘搭當日09:00開始即可預約。
- 乘搭人數：9〜10人
- 營運日期：3月2日至12月為止
- 營運時間：
- 3月〜11月 09：30〜16：00、
- 12月 09：30〜14：30
- 票價：成人（高中以上）1,800日圓、小童（4歲以上）1,300日圓
- 官網：http://www.yufuin.gr.jp/ride.html
由布院必食美食推薦
遊客去到由布院，可以品嚐到多款美食，以下為大家精選2間最具代表性嘅必食餐廳。
由布院餐廳 由布まぶし 心 金鱗湖本店
「由布まぶし 心 金鱗湖本店」提供由布院知名美食「由布釜飯三食」，白飯選用由布院產「一見鐘情（ひとめぼれ）」，並根據每日嘅白米使用量去精米（即磨米過程，意思係將收割後去除外殻後嘅糙米表皮米糠磨走變白米。），而且白飯係即叫即煮，客人落單之後以每人份量炊煮白米，確保客人能夠品嚐到最佳狀態嘅「一見鐘情」。
店內亦提供「豐後牛」、「由布院產軍雞」、「九州產鰻魚」三種釜飯選擇，記得要嘗試招牌三食嘅食法。最後，鍋底嘅鍋巴淋上茶湯攪拌後品嚐，美味程度相當驚艷！除咗金鱗湖本店之外，湯布院站站前亦有分店，一鍋釜飯三種享受，絕對不能錯過。
店舖資訊
- 店名：由布院餐廳 由布まぶし 心 金鱗湖本店
- 地址：大分縣由布市湯布院町川上1492-1
- 交通：從金鱗湖步行約1分鐘
- 營業時間：10：30〜18：30
- 電話號碼：0977−85−7880
- 定休日：週二
- 價位：豐後牛三食 2,454日圓＋消費稅
- 接受預約訂位
Milch本店
「Milch本店」經典招牌商品係新鮮出爐即焗即食嘅「半熟芝士蛋糕」，零油炸冬甩「Milch Krapfen」亦係人氣商品之一。「Milch本店」百分之百使用由布院所生產嘅牛奶去製作甜品，提供嘅飲品全部使用當日新鮮榨嘅鮮牛奶，期間遊客可透過玻璃窗參觀甜品製作過程。除咗日本國內，喺台灣、泰國亦有分店，即使大家有喺日本以外嘅地方品嚐過Milch嘅甜品，日本當地嘅「Milch本店」亦絕不可錯過，有機會一定要去試一試。
店舖資訊
- 店名：Milch本店
- 地址：大分縣由布市湯布院町川上3015-1
- 交通：從JR由布院站步行約9分鐘
- 營業時間：9：30〜17：30
- 電話號碼：0977-28-2800
- 定休日：不定期公休
- 價位：半熟芝士蛋糕 180日圓／個
前往由布院之交通方式
- 大分機場：乘搭龜之井巴士，在由布院站前巴士中心落車
- 博多站：從博多站搭「特急由布院之森」在由布院站落車
- 福岡自駕遊：經由福岡交匯處進入高速公路再前往由布院交匯處
Comments