福岡縣太宰府自古以嚟就係九州行政、外交與防衛嘅中心地，令太宰府擁有一片繁榮光景，再加上豐富文化史蹟，因此每年吸引無數遊客去朝聖，甚至更有人會專程去祈求學問之神庇佑。FUN! JAPAN編輯部今次，就要為大家介紹福岡必去太宰府天滿宮與九州國立博物館，喺參拜學問之神嘅同時，不妨順便增廣見聞，出發去一趟福岡知性之旅喔～
參拜學問之神，祈求學業進步
於西元7世紀後半設置嘅太宰府，曾經係相當重要嘅行政機關，負責外交、防衛之外，仲負責成個九州、壱岐、對馬、大隅諸島等行政管理。而擁有以上歷史背景嘅太宰府市，就坐擁太宰府天滿宮等豐富史蹟，每年吸引遊客超過上千萬人。
太宰府天滿宮主要祭祀菅原道真。西元845年出生於京都貴族家嘅菅原道真，自細天資聰穎，擅長詩歌，擁有豐富學識，於宇多天皇、醍醐天皇統治時期，深受朝廷重用、擔任要職。可惜喺政治鬥爭之下被冤枉流放至太宰府，並於西元903年逝世埋葬於太宰府。後來，真相還畀菅原道真一個清白，朝廷贈與「天滿大自在天神」神位，此後菅原道真被暱稱為「天神さま」深受日本人崇拜，作為「學問、誠實、除厄」之神備受信賴。
參拜太宰府天滿宮嘅時候，首先要先去參拜道旁邊嘅「手水舍」淨化身心。利用手水舍淨化身心有特定步驟，大家可以Mark低。
- 右手拎起盛有清水嘅長柄杓，清洗左手。
- 轉用左手拎長柄杓，舀水淋喺右手清洗。
- 再轉用右手拎長柄杓，舀起少少水，捧喺左手手掌心裡面，再含入口中漱口。要記住，唔可以直接用嘴去觸碰到長柄杓，亦唔可以將水吞落肚。
另外，參拜嘅時候亦有一定步驟。喺手水舍清心淨身之後，再前往御本殿。日本人認為參拜道正中央專屬神明通行，所以參拜嘅時候切記唔可以行喺正中間，要留畀神明通行。團體遊客亦謹記必須保持安靜，唔可以大聲喧嘩。參拜步驟係「二拜二拍手一拜」，記住呢個口訣就唔怕唔記得喇。
- 企喺神明前面，立正企好，微微鞠躬。
- 立正企好，九十度鞠躬2次。
- 喺胸前拍兩下手，再合掌祈禱。
- 最後放低雙手，再一次90度鞠躬。
除咗參拜之外，太宰府天滿宮亦擁有歷史悠久嘅建築與寶物可供欣賞。隨著四季亦會舉辦唔同嘅祭典與活動，人人都可以參加。想要知道更多資訊，可以參考太宰府天滿宮官網。
太宰府天滿宮及藝術淵源
太宰府天滿宮唔單只係「學問之神」，自古以嚟被奉為「文化之神」而深受崇拜，多年亦透過向神明奉獻和歌、連歌、歌舞伎、書畫等加深與藝術嘅關係。
獲上述歷史與藝術背景加賜，太宰府天滿宮喺2006年開始「太宰府天滿宮藝術計畫」，藝術家會去到太宰府採訪、於太宰府度過一段時光，尋找創作靈感，製作作品並發表自身作品。
九州國立博物館嘅設立亦與太宰府天滿宮有深切淵源。第36代宮司高達信巖曾經喺1873年至1875年3年間舉辦「太宰府博覽會」，對外展示神社等相關寶物，令大家都可以近距離地接觸藝術，亦因此獲得唔少關注。
其後，有人提議喺太宰府建造「鎮西博物館」，延續博覽會核心理念。雖然獲得政府許可，但由於爆發中日戰爭，計劃遲遲未能實現。1971年福岡縣贈與太宰府天滿宮一塊5萬坪土地作為博物館用地，九州國立博物館終於喺2005年正式開幕。
前往太宰府天滿宮交通方式
- 地址：福岡縣太宰府市4丁目7番1號
- 交通：從西鐵太宰府站步行約5分鐘
- 開門時間：春分之日至秋分之日為6：00、其他日子為6：30
- 關門時間：
- 4、5、9、10、11月於19：00關門
- 6～8月於19：30 關門
- 12月至隔年3月於18：30關門
＊12月31日於6：30開門，1月1日～3日24小時開放。1月4日夜晚依參拜狀況關門。
以亞洲史觀點探索日本文化形成「九州國立博物館」
九州國立博物館係繼東京、京都、奈良之後，第4座落成嘅國立博物館。建築物位於太宰府天滿宮旁邊，於2005年於正式開幕，以「以亞洲史觀點探索日本文化形成」為概念，展示內容以日本與亞洲各地域之間文化交流嘅總總歷史為主。
常設文化交流展覽室內展示著舊石器時代至江戶時代相關文物，一共分為5大主題，基本展覽再加上11間關聯展覽室嘅空間。展示品經常更換，輪流交替展出文化交流相關嘅眾多文物與資料。
另外，館內仲有一個「亞洲吧」體感型展覽，參觀人士能夠經由實際操作或觸摸展示品、樂器了解曾與日本交流嘅亞洲各國文化，係足以呈現九州國立博物館特色嘅展覽區。九州國立博物館館藏豐富，非常推薦鍾意遊走博物館嘅人去參觀。有關最新相關展覽內容，記得去博物館官網查詢～
九州國立博物館交通方式
- 地址：福岡縣太宰府市石坂4-7-2
- 交通：從西鐵太宰府站徒步約10分鐘
- 營業時間：09：30～17：00
- 定休日：週一（適逢假日、補假日則順延至隔日休館）
- 門票：文化交流展 成人 700日圓、大學生 350日圓 特展另外付費（持特展票根可免費參觀文化交流展）
- 售票口購買門票，可用信用卡或電子貨幣（asoview！網站購買之電子門票或LINE TICKET）
唔知大家覺唔覺得太宰府係一個相當充滿文學氣息嘅地方呢？除咗去深受海外遊客歡迎嘅太宰府天滿宮之外，可以深度了解日本與亞洲各國文化交流歷史嘅九州國立博物館更加係必去景點。下次有機會去太宰府一遊嘅話，一定要去行個圈增長見聞一下，出發一趟充滿知性嘅旅行喔。
Comments