福岡必買名產辣味明太子食法多多，除咗撈白飯永無失手，撈意大利粉或蛋黃醬等食法亦非常過癮。當您去到福岡想買當地辣味明太子做手信嘅話，記得參考以下FUN! JAPAN編輯部精心挑選嘅5間必買名店，保證唔會中伏！
5間福岡辣味明太子必買名店
島本博多站前店
所謂「明太子」，其實即係阿拉斯加鱈魚魚卵。「島本」辣味明太子完美示範出阿拉斯加鱈魚極致美味宸口感，其最大特色就係味道樸實溫和。除咗全年都可以買到嘅經典口味，仲有只限梅花盛開時販售嘅「梅香辣味明太子」等各種唔同季節口味嘅限定商品。
店舖資訊
- 店名：島本博多站前店
- 地址：福岡縣福岡市博多區御供所町2-63
- 交通：福岡市地下鐵機場線祇園站下車1號出口右前方
- 營業時間：09：00〜19：00
- 電話號碼：092-291-2771
- 定休日：週日、假日照常營業（僅盂蘭盆節、新年元旦休息）
- 付款方式：現金之外，可使用信用卡與各種電子支付
弘商 太宰府店
「弘商」從創業之時，就對明太子原料嘅魚卵非常講究、有自己一套嘅堅持，只會用喺北海道近海所捕獲嘅阿拉斯加鱈魚卵去製造辣味明太子。北海道近海捕獲嘅阿拉斯加鱈魚卵數量唔多，只佔全國產量約10%，可以話係相當稀有珍貴嘅高質魚卵。遊客除咗可以喺「弘商 太宰府店」揀選心儀辣味明太子商品做手信之外，仲可以買到即場就可以食得到嘅辣味明太子商品，商品種類齊全任君挑選。
店舖資訊
- 店名：弘商 太宰府店
- 地址：福岡縣太宰府市宰府3-2-65
- 交通：從西鐵太宰府站步行約1分鐘
- 營業時間：10：00〜17：00
- 電話號碼：092-928-5100
- 定休日：全年無休
- 信用卡付款：可（VISA、Mastercard萬事達卡、JCB、AMEX美國運通、Diners大來卡、 Discover發現卡）
- 電子支付：可（Kitaca、Suica、PASMO、toICa、manaca、ICOCA、SUGOKA、nimoca、福岡市地鐵IC快捷卡、Apple Pay、iD、Quick Pay、支付寶、PayPay、微信支付）
福sa屋 本社商店
「福sa屋（福さ屋）」所使用嘅阿拉斯加鱈魚卵，係由20年來練就精準眼光嘅員工精心嚴選，粒粒品質優良。調味方面，品牌會將魚卵浸泡喺特製醬汁裡面，經過三日三夜細心醃漬、熟成而成，所使用嘅特製醬汁係由魚露以及辣而帶勁又帶點甜，可謂甜辣兼具嘅辣椒為基底去製作。經過相當費時費功夫嘅精心製造過程，卞２因此造就福sa屋美味無比嘅辣味明太子！
店舖資訊
- 店名：福sa屋 本社商店
- 地址：福岡縣福岡市博多區博多站中央街5-14
- 交通：從JR博多站步行3分鐘；從福岡市營地下鐵機場線祇園站步行約13分鐘
- 營業時間：09：00〜17：30
- 電話號碼：092-461-2983
- 公休日：全年無休
- 付款方式：現金、信用卡、電子支付（僅限交通系IC卡）
福屋 中洲本店
日本明太子嘅歷史係由「味之明太子」開始，福屋創始人川原俊夫對喺韓國釜山食過嘅「泡菜醃鱈魚卵」難以忘懷，為咗重現當時記憶中嘅味道，經過不斷地研究製作並重複改良之下，最終成功打造出「味之明太子」。福屋出品嘅明太子同樣選用阿拉斯加鱈魚卵巢，將創始味道傳承至今，美味由始至終堅持不變。
店舖資訊
- 店名：福屋 中洲本店
- 地址：福岡縣福岡市博多區中洲2-6-10
- 交通：從地下鐵中洲川端站一號出口出來，在「庄屋」的路口走進中洲中央通，過了派出所和紅綠燈所在的路口，位在左手邊第二棟大樓
- 營業時間：平日08：30〜24：00、週日及公眾假期09：00〜19：00
- 電話號碼：092-261-2981
- 信用卡付款：可（VISA、Mastercard萬事達卡、JCB、AMEX美國運通、Diners大來卡）
※因疫情影響隨時可能變更營業時間，敬請見諒，詳情請洽店家客服諮詢。
YAMAYA 太宰府店
「YAMAYA」辣味明太子嘅製作程序不單相當費時且費工序，而且製法亦係自創業以嚟堅守至今、使用長年累月追加嘅陳年「工匠醬汁」，耗費168小時醃漬熟成而成。商品內混合各種辣椒，入口時只會感受到「前辣」、口中不留餘味。同場仲有加入九州產香橙提味，打造出口感優雅清爽嘅辣味明太子。
店舖資訊
- 店名：YAMAYA 太宰府店
- 地址：福岡縣太宰府市宰府3丁目1-1
- 交通：西鐵大牟田線 太宰府站步行約1分鐘
- 營業時間：09：30〜17：30
- 電話號碼：092-918-5085
- 定休日：全年無休
- 信用卡付款：可（VISA、Mastercard萬事達卡、JCB、AMEX美國運通、Diners大來卡、銀聯卡）
- 電子支付：可（PayPay、交通系IC卡）
Comments