※本篇文章為刊登於2017年1月之版本※
長野縣松本市（Matsumoto）可能唔係每個旅客到日本嘅首選必遊行程，但其實松本市亦係日本中一個值得去探索嘅地方。如果您想盡情飽覽環抱日本阿爾卑斯山景致，咁松本就絕對係一個好選擇。呢座小鎮座落於山谷之中，四周被蜿蜒山景包圍，如果您喺東京或大阪逗留幾日後想短暫離開一下大城市，松本不失為一個轉換旅遊步伐嘅好去處！
如何到松本
如果您想要造訪松本市，其實有多種交通方式可供選擇。
松本市內僅有一個機場，只設有往來國內札幌、大阪與福岡嘅航班。但機場僅距松本市區20分鐘路程，要前往市區都非常方便。
另一個空路選擇係，首先飛到靠近名古屋嘅中部國際機場（Chubu Centrair International Airport ），然後搭火車到名古屋轉車，大約花 3 小時就可以抵達松本。
若從東京出發，您可以從成田機場啟程，於新宿轉乘 火車5 小時到達松本。
或者您亦可以從新宿乘搭直達火車到松本，需時約3小時，費用約 7,000日圓；如果乘搭連接東京與松本嘅長野新幹線，車程剛只需約2小時，費用為 8,500日圓。
更平嘅選擇，您可以考慮乘搭從新宿出發嘅巴士，費用為 3,460日圓。
旅遊景點
松本城（Matsumoto Castle）
松本主要景點為以日本最古老木製城池而聞名嘅松本城。由於好多古城都曾經於火災中被燒毀而要重建，因此木製城池可以話係即使喺日本亦相當罕見嘅景點，被認為係日本頂級古城之一嘅松本城絕對值得您一到。矗立於風景如畫湖泊中心嘅古城旁座落著一道著名紅橋，需要先過橋先能夠進城亦係此處一大特色。
松本民俗博物館（Matsumoto Folkcraft Museum）
松本民俗博物館面積雖小卻非常有趣。如果您想參觀嚟自松本當地嘅藝術與手工藝品樣品，就絕對不容錯過。館內收藏品皆來自藝術與手工藝愛好者嘅個人收藏，由作者捐贈到城市再聚集眾多作品而促成博物館誕生。 入場費為300日圓。
日本浮世繪博物館（Japan Ukiyo-e Museum）
浮世繪即傳統日本印刷版畫。日本浮世繪博物館內收藏咗超過 10,000 份令人驚豔嘅藝術展品，部分收藏品歷史更可追溯到 200 多年前，惟博物館一次最多只會展出約 40 幅版畫。
中町商店街（Nakamachi-dori）
中町商店街靠近松本城，地理位置便利。如果您想了解呢座城市往日嘅景色，中町商店街就係一個好去處，因為街道上建築物都得以精心保存，部分白色外牆嘅建築更係走土藏或倉庫風格，定能帶畀您其他商業地區無法搵到嘅特色。遊客亦可以沿著道路發掘如日式旅館，餐館以及精品店等其他古時商店街特色。
購物及免稅店
繩手商店街（Nawate-dori）
繩手商店街為松本市最著名購物街之一。街上保留著古老風格，精品店主要售賣古董、紀念品以及二手書等物品，足以令您花上幾個小時參觀、又或尋找便宜又精美嘅紀念品。值得一提嘅係，街道吉祥物係一隻青蛙，所以經過時一定要睇睇呢到嘅武士青蛙雕像！
PARCO購物中心
如果您想搵更現代嘅購物選擇，咁城市中最大嘅購物中心之一 PARCO就會係你首選。您可以喺到搵到服飾，鞋款與配件等所有流行大型日本品牌。
建議到訪時間
春季：
松本櫻花季為春天，因此大約四月造訪就啱啱好。尤其松本城更係以盛開櫻花而聞名，景色非常美麗，每年都會吸引大批遊客湧至。
夏季：
六月過後幾個月，松本氣溫較為和暖，但與此同時亦正值雨季，因此要有經常落雨嘅心理準備。
冬季：
松本冬天為十一月到一月期間，屆時天氣會較凍，但亦係前往日本阿爾卑斯山門戶嘅時機。幸運嘅係，松本雪季並不會為您旅途增添障礙，您可以依舊如同其他季節般輕鬆地享受城市美景。
Comments