福岡縣能古島係一座座落於博多灣上嘅小島，從姪濱渡船場乘搭渡輪約10分鐘即可到達、交通非常方便，難怪成為福岡縣民多年來嘅人氣休閒好去處！能古島亦作為賞花勝地而聞名，除咗繁花一年四季輪流盛放外，遊客亦可趁夏天時於島上體驗各式水上活動，好動好靜都一樣不愁無節目！
福岡賞花勝地「能古島」的介紹
福岡縣能古島係一座座落於博多灣上嘅小島，地理位置屬於福岡市西區。由於遊客從福岡市渡船場乘搭渡輪約10分鐘即可到達，因此能古島亦係唔少福岡市民假日休閒時會選擇嘅好去處。島嶼更係縣內首一首二賞花勝地，一年四季都有季節花卉輪流盛放，無論係咩時候嚟觀光都一定有收穫！
景點推介：能古島海島公園是人氣賞花好去處！
春天油菜花、夏天向日葵、秋天波斯菊、冬天則有水仙等等，隨著四季變換，能古島海島公園內一年都有繁花綻放，係相當受歡迎嘅人氣賞花景點。園內花田四周建有「Villa防人」與「防人之里」兩種類型嘅獨棟小木屋各5棟（合共10棟），為住客提供一個住宿期間能夠細心賞花嘅悠閒空間。
島上餐飲方面亦提供多種選擇，例如係餐廳、BBQ小屋、烏冬麵店與café，亦有商店販售古早味零食與懷舊玩具，以及能夠購買和風雜貨嘅手信店等等類型大不相同嘅4間店家，身處島上不忘行街購物樂趣！
除此之外，島上更有多種體驗活動如陶藝製作、樂燒陶瓷彩繪、能古槌球大賽及各項運動等等豐富戶外活動讓遊客同樂，仲有迷你動物園，等您能夠同兔仔、山羊、小馬嚟個近距離接觸！建議事先做定功課，搜集公園相關資訊擬定旅遊計畫喔。
景點資訊
- 地址：福岡縣福岡市西區能古1624
- 交通：能古島渡船場轉乘往「海島公園」方向之西鐵巴士約13分鐘
- 入場費：大人（高中生以上）1,200日圓、小童（中・小學生）600日圓、幼兒（ 3歲以上）400日圓
- 營業時間：週一至週六09:00 - 17:30、週日及公眾假期09:00 - 18:30
- 定休日：年中無休
景點推介：於能古島露營場飽覽無敵海景
想要飽覽能古島無敵海景？編輯部最推薦能古島露營場！7月初至9月底海水浴場開放季節內，露營場內嘅海水浴場、商店、餐廳就會開始營運，您可以搭香蕉船清涼一下，又或參與BBQ等，全身投入戶外活動。（露營村為一年四季開放入場）
能古島海邊有26間海邊小木屋提供住宿，就算兩手空空、無帶帳篷亦唔需要擔心「土地問題」，而冬天亦有「冬天露營」為您送上別開生面嘅冬天露營樂趣。唔單單只係住宿，就算係即日來回嘅遊客亦歡迎使用海邊小木屋，仲有特製BBQ菜式提供呢（冬天露營全採事先預約報名制）。
景點資訊
地址：〒819−0012 福岡縣福岡市西區能古2
交通：從能古島渡船場乘搭專屬免費巴士至露營村
- 營業時間：當天來回09:00 - 17:00 ，露營詳情需向能古島露營村洽詢
海邊小木屋住宿費用
大人（中學生以上）
A類型2層樓 平日：4,000日圓、六日及國定假日前一天：5,000日圓
B類型平房 平日：3,500日圓、六日及國定假日前一天：4,500日圓
C類型平房 平日：3,500日圓、六日及國定假日前一天：4,500日圓- 小學生：2,500日圓（六日及國定假日前一天亦相同）
- 3歲以上：2,000日圓（六日及國定假日前一天亦相同）
※需在14天前取消預約，否則將收取取消費用。
購物推介：Outlet購物中心「九州瑪麗諾亞城」
往來能古島與姪濱嘅渡船場對面，就偽九州最大規模嘅Outlet購物中心「九州瑪麗諾亞城」。內裡從流行服飾到室內裝飾等各種類型店舖都應有盡有，亦有一座高約60米嘅摩天輪。從能古島回程到姪濱時，大可沿途再去購物血拼一番喔。
景點資訊
- 地址：福岡縣福岡市西區小戶2-12-30
- 交通：博多站或天神站乘搭福岡市營地下鐵空港線至姪濱站，下車後於姪濱站南口轉乘昭和巴士約15分鐘
- 營業時間：商店與Food Court 10:00〜21:00、餐廳食肆 11:00〜23:00、摩天輪SkyWheel 10:00〜23:00
有關從福岡去能古島的交通
徙福岡「姪濱港」碼頭乘搭渡輪至能古島只約10分鐘。從福岡市中心前往姪濱港碼頭的話可以使用以下方法。
- 地下鐵：從博多站或天神站乘搭福岡市營地下鐵空港線至姪濱站駅，下車後於姪濱駅北口轉乘西鐵巴士至能古渡船場巴士站
- 巴士：博多站前A巴士站乘搭西鐵巴士至古渡船場巴士站，或天神高速巴士總站前巴士站乘搭西鐵巴士至能古渡船場巴士站
- 駕車：經由九州公速公路・太宰府I.C.、或福岡I.C.往福岡都市高速（福重・天神方面），於愛宕下車至姪濱渡船場
Comments