喺日本，商店同購物中心嘅營業時間通常去到20:00~21:00左右。但係如果你喺呢個時候覺得全日嘅旅程仲未玩夠嘅話，不妨前往日本嘅不夜城——新宿，好好享受一趟夜遊之旅！新宿擁有多間酒吧、夜店俱樂部、夜總會、牛郎店等等，另外就算唔飲酒都有唔少好玩嘅地方。下次有機會去新宿，不妨享受返個特別嘅夜遊東京之旅吧！
※本文章所記載嘅店舖資訊和價格資訊，為截至2023年7月資訊。
來新宿酒吧乾一杯吧！仲有「Girls Bar」、「Gay Bar」等各不同風格酒吧添
新宿有多間不同風格嘅酒吧，例如以下3種風格。
風格①：可以悠閒地享受由調酒師親自調製雞尾酒、威士忌、葡萄酒等美酒嘅酒吧。
呢類酒吧主要分佈喺歌舞伎町周邊，呢個區域仲有飛鏢酒吧，以及配有螢幕可觀看體育賽事嘅運動酒吧。而位於歌舞伎町一角嘅「新宿黃金街」，更聚集超過280間小型酒吧，係一個充滿神秘魅力嘅獨特之地。
風格②：以「LGBT Town」聞名嘅新宿二丁目有「Lesbian Bar」、「Gay Bar」等同性戀者酒吧。
喺條長約240米嘅主要街道上，有約450間店舖林立。而呢度嘅店舖通常比較小巧，店主、員工和客人之間比較容易傾到計，亦為其特點之一。由於部分酒吧只接待男同性戀者，又或只限女性進入等，進店前記得要留意一下！另外，推薦前往無分性別或性取向，人人都可以入去狂歡嘅「MIX酒吧」，或者專門接待遊客嘅「觀光酒吧」，大玩特玩呀！
風格③：位於「新宿思出橫丁」、車站周邊嘅飲食街等各式各樣嘅小酒館、居酒屋、日式小酒吧「Snack Bar」等等。
喺居酒屋可以用實惠嘅價錢大嘆啤酒、日本酒、「Highball」（高球。威士忌配蘇打水）、「Lemon Sour」（檸檬沙瓦。檸檬酸味酒配蘇打水）等，日本居酒屋嘅經典飲品同料理。而日式小酒吧「Snack Bar」（スナック）唔單止供應酒水同小食，仲可以邊食邊飲邊同店員和其他客人傾計，互相交流，享受溫馨氣氛。
夜遊資訊
酒吧
- 主要分佈區域：歌舞伎町的「新宿黃金街」
- 平均預算：基本收費（座位費/開胃菜收費 ）約500～1500日圓+一杯酒約500日圓起
- 營業時間（平均）：20:00～翌日03:00左右
「Gay Bar」、「Lesbian Bar」
- 主要分佈區域：新宿二丁目
- 平均預算：三杯酒約3,000～4,000日圓
- 營業時間（平均）：20:00～翌日05:00左右
日本小酒館、居酒屋、日式小酒吧「Snack Bar」
- 主要分佈區域：歌舞伎町和「新宿思出橫丁」
- 平均預算：2,000～4,000日圓
- 營業時間（平均）：16:00～23:00左右
相關文章
日本夜遊必去「夜總會」與「牛郎店」
日本除咗有昭和復古風嘅小酒館和居酒屋之外，仲有日本牛郎店（ホストクラブ）、日本夜總會（キャバクラ）等獨特嘅晚間娛樂文化。
日本夜總會嘅營運方式係由被稱為「俱樂部孃」（キャバ嬢）嘅坐枱小姐，陪同客人坐喺座位上一齊飲酒兼傾計，使用方式係按時間收費。以1組時間規定為60分鐘嘅店舖為例，第一組時間結束後，若果想延長時間，就會產生額外嘅延長收費。另外，當客人揀選特定女性陪坐嘅時候，亦會產生「指名費用」。而其他費用包括坐枱小姐嘅飲食費用，以及超出套餐內嘅酒水費用等，亦需由客人支付。
另一方面，牛郎店係專為女性而設嘅晚間娛樂場所，由被稱為「牛郎」（ホスト）嘅男性，於客人座位上提供接待服務。其運作方式與夜總會相似，同樣採取按時間計費，而第一組嘅時間與收費會因應不同店舖而有所差異。另外，延長費、「牛郎」嘅飲食費用、指名費等，皆採用與夜總會相同嘅計費方式。雖然有時可能會被推銷昂貴嘅香檳等高價酒水，但切記，要喺能力範圍內享受晚間娛樂啊！
除此之外，喺夜店俱樂部「Night Club」（ナイトクラブ），就係無分性別、國籍，所有人都可以盡情享受音樂、舞蹈、美酒嘅晚間娛樂場所，亦係人氣嘅社交場所呢！
夜遊資訊
日本夜總會（キャバクラ）
- 主要分佈區域：歌舞伎町
- 平均預算：1組收費約5,000～10,000日圓。延長費用約30分4,000～8,000日圓左右。
※其他費用包括指名費（約2,000～3,000日圓左右）、飲食費用（一杯飲品約1,000日圓起。貴價酒水可達5,000～數十萬日圓以上）、服務費、稅金&消費税（費用嘅10%～40%）等 - 營業時間（平均）：20:00～翌日01:00左右（根據不同店舖而有所不同）
日本牛郎店（ホストクラブ）
- 主要分佈區域：歌舞伎町
- 平均預算：1組收費約3,000～7,000日圓。延長費用約1小時3,000～6,000日圓左右。
※其他費用包括延長費、指名費（約3,000日圓左右）、飲食費用（一杯飲品約1,000日圓起。貴價酒水可達5,000～數十萬日圓以上）、服務費、稅金&消費税（費用嘅10%～40%）等 - 營業時間（平均）：20:00～翌日01:00左右（根據不同店舖而有所不同）
夜店俱樂部（ナイトクラブ）
- 主要分佈區域：歌舞伎町
- 平均預算：男性約3,000日圓左右，女性免費或約2,500日圓左右（皆附送一杯飲品）
※入場費根據日子、時間而有所不同 - 營業時間（平均）：20:00～翌日05:00
相關文章
無論係一班人齊歡唱定係獨自高聲唱，都可以盡情地高歌！日本卡拉OK超過癮！
「卡拉OK」係日本發明嘅娛樂活動，大家會跟住機器播放嘅音樂伴奏高歌，亦係晚間娛樂活動中嘅經典選擇。喺日本，部分店舖會提供搖鼓和沙槌等樂器，等大家可以一邊享用美食和酒水，一邊用搖鼓和沙槌加油助興。除此之外，更有提供角色扮演服裝嘅店舖，等大家可以穿著角色扮演服裝高歌嘅獨特體驗。另外，一班人興高采烈地「唱K」固然興奮，但其實一個人獨唱嘅「單人卡拉OK」亦非常受歡迎呢！而日本主流嘅「DAM」和「JOYSOUND」點歌機型中，除咗日文歌之外，仲可以選擇英文和中文歌等歌曲。而「JOYSOUND MAX GO」呢款機型，仲有提供「羅馬字卡拉OK」，喺50首熱門歌曲嘅卡拉OK影像歌詞上，會顯示埋羅馬字拼音，非常貼心。
夜遊資訊
Karaoke Manekineko（カラオケまねきねこ）各店舖
- 店舖：Karaoke Manekineko 新宿東南口店、Karaoke Manekineko 新宿歌舞伎町1號店 等等
- 平均預算（夜間）：（按每30分鐘計算）約400～600日圓 或（Free Time）約2,000～3,000日圓 + 另需點一杯飲品
- 營業時間：24小時營業
JOYSOUND 各店舖
- 店舖：JOYSOUND 新宿西口店 等等
- 平均預算（夜間）：（按每30分鐘計算）約700～900日圓 或（Free Time）約2,000～4,000日圓 + 另需點一杯飲品
- 營業時間：11:00～翌日05:00
Karaoke Big Echo（カラオケ ビッグエコー）各店舖
- 店舖：Karaoke Big Echo新宿東口站前店、Karaoke Big Echo新宿西口店 等等
- 平均預算（夜間）：（按每30分鐘計算）約600～900日圓 或（Free Time）約2,500～4,000日圓 + 另需點一杯飲品
- 營業時間：10:00～翌日05:00
※「Free Time」即指定時間內任唱的時段。
※「需點一杯飲品」制度即指需要點一份料理或飲品。
※各分店收費標準可能有所不同，詳情請查閱各店舖相關資訊。
相關文章
好玩到令你流連忘返！既過癮又多元化的日本遊戲機中心「Game Center」
新宿嘅夜晚，就算唔飲酒都可以享受精彩嘅晚間娛樂！皆因有24小時營業嘅遊戲機中心等你大駕光臨。新宿有多間遊戲機中心，可以喺度夾公仔、玩音樂節奏遊戲、對戰格鬥遊戲等等，各式各樣嘅精彩遊戲等你嚟體驗。加上機台種類繁多，無論係遊戲定係獎品種類都非常多元化，令人花多眼亂，喪玩到停唔到手。呢度係一個可以令你忘卻時間、大玩特玩嘅好去處！
夜遊資訊
Taito Station（タイトーステーション）各店舖
- 店舖：Taito Station新宿東口店、Taito Station新宿南口GameWorld店 等等
- 平均預算：1局約100～200日圓 ※視不同遊戲而有所差異
- 營業時間：10:00～翌日01:00
GiGO（前身為SEGA）各店舖
- 店舖：GiGO新宿西口、GiGO新宿歌舞伎町 等等
- 平均預算：1局約100～200日圓※視不同遊戲而有所差異
- 營業時間：10:00～23:00或翌日凌晨01:00左右
相關文章
新宿夜晚必去購物天堂！24小時營業的「DONKI」唐吉訶德
新宿站周邊有兩間「DONKI」分店，如果想搵手信嘅話，小編推薦去「唐吉訶德新宿歌舞伎町店」，呢度有食品、日用品、服裝、品牌商品、家電等，約4萬至6萬種商品，從地下一樓擺到去地上四樓，可謂琳琅滿目。喺地下一樓食品區，可以搵到最啱買嚟做手信嘅零食糖果等食品，而喺二樓則有美容產品、香水、醫藥品等與美容和健康相關嘅商品。由於係24小時營業，當夜晚其他觀光設施經已關閉時，不妨喺度慢慢尋寶，享受悠閒購物嘅好時光。另外，呢度仲可以利用免稅服務，令人買得開心又划算。
夜遊資訊
唐吉訶德新宿歌舞伎町店
- 地址：東京都新宿區歌舞伎町1-16-5
- 營業時間：24小時營業
唐吉訶德新宿東南口店
- 地址：東京都新宿區新宿3丁目36-16
- 營業時間：24小時營業
相關文章
去棒球打擊練習場或保齡球場盡享運動樂趣
喺新宿嘅棒球打擊練習場可以盡情揮棒，並透過LED打擊區投手嘅影像體驗更真實嘅棒球打擊過程！另外，亦非常推薦適合一人或多人同樂嘅保齡球活動。喺新宿嘅保齡球場「COPA BOWL」，只需提前預約，便可享受邊用餐嘆美酒，邊打保齡球添！
夜遊資訊
新宿Batting Center（新宿バッティングセンター）
- 地址：東京都新宿區歌舞伎町2-21-13
- 平均預算：300日圓（球數：25球）※LED打擊區則20球
- 營業時間：10:00～翌日04:00
新宿COPA BOWL（新宿コパボウル）
- 地址：東京都新宿區歌舞伎町1-20-1 3・4 F
- 平均預算：1場遊戲700～800日圓 ※用餐和租用保齡球鞋需另外收費
- 營業時間：11:00～翌日06:30
去新宿的溫泉或水療中心舒緩疲憊的身軀吧！
想緩解白天觀光後嘅疲憊身軀？小編推薦去24小時營業嘅溫泉或水療中心！「東京新宿天然溫泉Thermae-Yu」提供來自中伊豆嘅天然溫泉，亦設有多種浴池、以及岩盤浴、美容護理、休息區等設施，等你可以喺度盡情鬆一鬆。
另外，「SOLA SPA新宿之湯」於浴後休息區設有漫畫區，可以喺度輕鬆地閱讀漫畫，放鬆心情。女性專用嘅化妝間更提供豐富嘅護膚用品，供來賓盡情使用，亦為其吸引之處喔。
夜遊資訊
東京新宿天然溫泉Thermae-Yu（東京新宿天然温泉テルマー湯）
- 地址：東京都新宿區歌舞伎町1-1-2
- 平均預算：（入場費）2,700日圓起
※深夜00:00～09:00期間停留，需收取額外費用。詳情請查閱官方網站。 - 營業時間：24小時營業
SOLA SPA新宿之湯（SOLA SPA新宿の湯）
- 地址：東京都新宿區歌舞伎町1-20-1 B1、B2
- 平均預算：（60分鐘）1,000日圓起
- 營業時間：24小時營業
喺漫畫咖啡店度過一個不一樣的晚上吧！
當你想悠閒地睇漫畫，又或者只係等車等飛機例如深夜開出嘅夜間巴士或清晨早班機，有必要喺新宿過夜時，咁就推薦去漫畫咖啡店或網吧等地方喔！皆因唔單止有躺椅、可以伸展雙腳嘅座位提供，亦有漫畫咖啡店會提供包廂服務，等你可以用宜人嘅價錢進行短暫休息。部分店舖更有提供可上鎖嘅獨立包廂，確保個人私隱。
夜遊資訊
GRAN CYBER CAFE BAGUS新宿店（グランサイバーカフェ バグース 新宿店）
- 地址：東京都新宿區歌舞伎町1-21-1 4F
- 平均預算：3小時方案 750日圓起
- 營業時間：24小時營業
CUSTOMA CAFE歌舞伎町店（カスタマカフェ歌舞伎町店）
- 地址：東京都新宿區歌舞伎町1-21-1 7F
- 平均預算：夜間8小時方案 1,980日圓起
- 營業時間：24小時營業
想夜遊新宿嘅話，不妨前往聚集多間經營至深夜嘅餐飲店、娛樂場所嘅「歌舞伎町」啦！
相關文章一覽
日本夜總會相關文章
- 日本精彩夜生活系列Vol.3 令日本男性流連忘返嘅「夜總會」
- 日本精彩夜生活系列Vol. 8：乜嘢係「指名預約」？要著乜嘢衫？深層探索日本夜總會
- 日本夜生活系列Vol. 9 : 埋單用現金定信用卡？深層探索日本夜總會
日本牛郎相關文章
日本「Girl's Bar」相關文章
日本「Boy's Bar」相關文章
其他相關文章
- 【日本東京】新宿站周邊推薦旅遊景點最新資訊：購物、美食、觀光、住宿，盡在新宿！
- 【日本東京】新宿站周邊美食指南：分別介紹東口、南口、西口出口的搵食好去處！
- 全面睇東京新宿新名勝「東急歌舞伎町Tower」: 從早到晚都可以樂在其中的娛樂設施！
- 東京新宿新景點「東急歌舞伎町Tower」：吸睛餐廳＆美食選擇大公開！
- 【日本東京】愛酒人士必收美食景點！擁薦東京邊行邊暢飲「橫丁」5選
Comments