鹿兒島縣坐擁櫻島、霧島、以及以沙蒸溫泉聞名嘅指宿溫泉等人氣觀光點，而鹿兒島機場就正係進出鹿兒島嘅空路大門。但您又知唔知，鹿兒島機場原來唔單只係機場咁簡單，仲可以品嚐當地美食、甚至浸足浴呢？以下，一於就等FUN! JAPAN編輯部帶大家一齊探索鹿兒島機場嘅特色啦！
關於鹿兒島機場
鹿兒島機場位於鹿兒島縣霧島市，距離鹿兒島市東北方約30公里。由機場乘搭機場巴士往鹿兒島中央站需時車程約45分鐘，交通方便。除日本內陸航班外，亦有國際線航班，可飛往香港、首爾、台北、上海等地方，由海外去鹿兒島一樣咁方便！
※為預防新冠肺炎疫情擴散，國際線航班已暫時停飛。
鹿兒島機場玩法之1：勁擦鹿兒島豐富美食！
國內線Terminal 1樓至3樓以及國際線Terminal 2樓開設多間餐廳，遊客等上機前或落機後皆可品嘗到鹿兒島當地特色美食，為旅程揭開完美序幕或留下一個完美句號。下面列出部份餐廳，歡迎各位參考～
國內線
- １樓 北側 ／Wing餐飲區／提供豬骨拉麵、烏冬、蕎麥麵、黑豚強棒麵、黑豚炒飯等料理
- ３樓／FUKU福 ／炸黑豚里肌肉排、炸黑豚腰內肉排等料理
- ３樓／薩摩廚房／黑豚炸肉餅、特製咖哩等料理
- ３樓／ROYAL SKY GARDEN CAFE／黑毛和牛、黑豚漢堡肉等料理
國際線
- 2樓 南側／SORA TERRACE 鹿兒島機場店／選用當地食材之和牛涮涮烏冬、黑豚涮涮烏冬、咖哩豬排飯等料理
※為預防新冠肺炎疫情擴散之影響，或會出現菜式內容、臨時休業、調整營業時間等等調整店舖營運之狀況。
鹿兒島機場玩法之2：登上3樓觀景台眺望靚景
時間充裕嘅話，可以由國內線Terminal嘅中央扶手電梯前往3樓，右面會有觀景台方便遊客近距離欣賞大小型飛機，而且仲有遠處霧島山脈為背景！天氣晴朗時，您仲可以於機場內買個便當或飯糰，帶去觀景台一邊眺望景色，一邊野餐，相當悠閒享受！
鹿兒島機場玩法之3：日本國內首創機場浸足浴！天然溫泉足湯「OYATTOSA」
於鹿兒島機場國內線航廈1樓通道嘅3號出入口側面，設有足湯，而且仲係相當正宗嘅足湯！足湯旁有座仿照櫻島、霧島打造而成嘅石頭小山，溫泉由小山流出，屋簷、樑柱等木造裝潢皆使用鹿兒島縣產木材。天然溫泉有舒緩燙傷、慢性皮膚病效用！場內設有10張兩人座位長凳，適合三五知己與一家大細齊齊浸足浴。營業時間由9時至19時半，依季節或有變動。
鹿兒島機場玩法之4：眺望玻璃窗外櫻島美景！「油菜花休息室」等服務設施
收費休息室「油菜花休息室」內提供免費飲品、新聞及雜誌等，亦提供無線網路上網，不妨可以趁上機前空檔時間於休息室眺望窗外櫻島。另外，國際線航廈3樓內亦設有祈禱室（國際線航廈1樓詢問處可租借祈禱用墊子），2樓ROYAL咖啡廳旁邊則有一條鹿兒島機場藝術長廊，展示並售賣鹿兒島內外藝術家作品。
除此之外，機場內嬰兒休息室就方便爸爸媽媽媽幫小朋友換尿布、餵奶等，仲有煮滾水設備可以沖奶畀小朋友飲；國內線航廈及國際線航廈1樓內設有投幣式儲物櫃；而國內線航廈3樓觀景台旁邊，則有一個鹿兒島機場航空展示室「SORA STAGE」，內裡展出咗鹿兒島機場歷史以及現時提供服務嘅航空公司介紹等，不愁無節目打發時間～
景點資訊
- 名稱：鹿兒島機場
- 地址： 鹿兒島縣霧島市溝邊町麓822
- 交通：要前往鹿兒島市區可搭乘機場利木津巴士，往天文館車程約50分鐘。另外前往指宿、山川方面，加世田、枕崎方面，加治木、姶良方面，霧島方面，日吉、湯之元方面，川內方面，阿久根方面，栗野、鹿屋方面，垂水方面，國分方面，志布志方面等其他地區的機場巴士亦提供載客服務
※受新冠肺炎疫情影響，可能停止行駛或調整班次時間。
Comments