「萬座毛」位於沖繩本島中央—沖繩縣國頭郡恩納村嘅著名旅遊勝地，係去沖繩本島旅遊嘅時候，唔可以錯過嘅經典景點。今次FUN! JAPAN編輯部唔單止會介紹萬座毛，仲會介紹內行人先知嘅隱世絕景等資訊！另外，仲有全新開幕嘅設施都會一次過介紹畀大家！下次去沖繩嘅時候可以參考一下。
「萬座毛」係？
「萬座毛」擁有一大片珊瑚礁、翡翠綠嘅清澈海洋、琉球石灰岩嘅懸崖，係大自然鬼斧神工打造出嘅動人景色。觀光時，停車場落車，隔離就係一大片寬敞草地，號稱可以容納坐到成萬人嘅草原，再向前行就好快行見到懸崖峭壁。一靠近海邊，映入眼簾嘅就係令人屏息嘅遼闊海景。另外，要記住，喺靠近懸崖峭壁旁邊嘅絕景散步時候，係禁止跨越欄杆，跨越欄杆係相當危險嘅行為，千祈要小心！散步步道行大概50公尺，就可以見到激似象鼻嘅奇岩，一定唔可以錯過。
一入萬座毛入口，就有停車場可以停車。另外，由「萬座毛週邊活化設施」亦可以行到去萬座毛。
萬座毛厲害之處喺呢度！
就係呢個相當於六層樓高嘅懸崖峭壁。欣賞眼前一大片美麗海洋嘅同時，企喺呢個高度向下望嘅時候，可能會令人腳仔軟。另外，仲有萬座海灘嘅白色海灘與藍礁亦都唔可以錯過。可以眺望到突出喺海面上嘅夫妻岩對面，渡假酒店和白沙萬座海灘，仲可以欣賞到天然記念物嘅石灰岩植物群，並有種植同菠蘿非常相似嘅海菠蘿等等。
最佳觀賞時刻為日落時分！
萬座毛嘅夕陽景色遠近馳名。夕陽西沉時，海嘅顏色亦會跟住變色，絕美景色非常奪目耀眼。太陽漸漸消失喺海嘅另一端嘅魔幻時刻，醉人程度難以用筆墨去形容，天空顏色由紅色轉換到去紫色，可以欣賞天空變化嘅美麗。
2020年10月2日（五）全新設施開幕！
萬座毛旁設施新開幕，1樓係休息區以及地方手信特產賣場、2樓係餐飲、商店。設施裡面有提供用餐區，可以悠閒咁慢慢品嚐美食。3樓係免費觀景台，可以獨佔萬座毛、恩納岳景色。
景點資訊
- 名稱：萬座毛
- 地址：〒904-0411 沖繩縣國頭郡恩納村字恩納2767
- 交通方式：
- 從那霸機場：開車約1小時30分鐘
- 路線公車：從公車站「恩納村役所前」徒步約15分鐘
- 停此站的公車：20號名護西線（沖・琉）、120號名護西機場線（沖・琉）
- 門票： 100日圓（未上小學嘅兒童免費）
- 休息： 全年無休
- 營業時間：
- 1月〜 3月 8:00〜19:00
- 4月〜10月 8:00〜20:00
- 11月〜12月 8:00〜18:00
- 官方網站：https://www.manzamo.jp/
Comments