指宿溫泉位於日本九州最南端鹿兒島縣，由於使用沙灘湧出溫泉加熱砂子嘅「砂蒸溫泉」非常稀有少見，因此令指宿溫泉聞名全國。喺呢篇文章內，FUN! JAPAN編輯部將為大家介紹指宿溫泉歷史、必睇必去景點、以及砂蒸溫泉入浴方式與功效，當然仲有不可或缺嘅美食資訊！第一次去指宿旅行嘅朋友，記得千祈唔好錯過～
指宿溫泉之旅～行前須知之1 指宿溫泉簡介
指宿溫泉位於鹿兒島薩摩半島南方錦江灣入口處。其地名由來源自以前豐富泉量嘅「湯豐宿」記載而來。指宿溫泉特徵為「砂蒸溫泉」，即遊客橫躺於沙中，再使用從海岸天然湧出嘅溫泉加熱砂子從而大量流汗，尤其對美容有顯著功效！想要體驗一下呢種有別於普通浸溫泉嘅獨特「砂蒸溫泉」的話，推薦前往歡迎即日來回嘅「砂蒸會館砂樂」。
另外，JR指宿站亦有足浴可浸，乘搭JR觀光嘅遊客記得唔好錯過！
指宿溫泉之旅～行前須知之2 砂蒸溫泉入浴方式
「砂蒸會館砂樂」為指宿最大砂蒸溫泉設施，備有大浴場與休憩處等完善設施。於櫃台支付入場費用後領取浴衣，並於更衣室更換浴衣後，就可以立即往海岸出發！躺於熱砂上，會館員工會將砂子完整覆蓋您全身，此時您會慢慢感受到砂子重量與熱度，您需要做嘅只有好好享受！眼前就大大個海景，「背景音樂」則有一陣又一陣海浪聲，保證無論身心都能徹底療癒放鬆！
遇到大潮潮漲、潮退，或浪高、天候欠佳時，砂蒸溫泉體驗再移師至附設屋簷嘅砂蒸場內。由於溫泉源頭溫度非常高，退潮時沙灘將會冒出一陣又一陣蒸煙，場面將會非常夢幻呢。
指宿溫泉之旅～行前須知之3 砂蒸溫泉功效
砂蒸溫泉最大功效為具有排毒效果。熱砂覆蓋身體時所排出嘅汗水有助新陳代謝。另外，相傳累積於當地地底深處嘅古代水為「神秘之湯」，能夠舒緩身體發炎，增進皮膚代謝功能。
指宿溫泉之旅～行前須知之4 指宿溫泉美食與土產
提到指宿溫泉必食當地美食，「溫泉蛋丼」必定榜上有名！溫泉蛋由當地「薩摩芋蛋」放入砂蒸溫泉源泉蒸成，放上丼飯後可謂色香味俱全！出產「薩摩芋蛋」嘅雞隻以混合番薯、鰹魚魚頭碎肉與碎骨嘅飼料為主，因此生下嘅雞蛋營養非常豐富。
第二樣推薦嘅，則有添加咗指宿名產「柴魚」所煮成嘅地道拉麵「指宿拉麵」。另外，用蠶豆製成嘅甜品「蠶豆銅鑼燒」、「蠶豆大福」等等多款特別甜品亦係必試之選～
景點資訊
- 名稱：指宿溫泉
- 地址： 〒891-0497 鹿兒島市指宿市指宿溫泉
- 交通方式：博多站乘搭新幹線，約1小時20分鐘至JR鹿兒島中央站。轉乘觀光特急「指宿玉手箱號」，約1小時15分鐘抵達JR指宿站。
景點資訊
- 名稱：砂蒸會館砂樂
- 地址：鹿兒島縣指宿市湯之濱5-25-18
- 交通方式：從JR指宿站開車約3分鐘、徒步約20分鐘、或乘坐巴士約5分鐘
- 營業時間：8:30～12:00、13:00～21:00 ※櫃檯停止服務 20:30 （週末、公眾假期12點至13點照常營業）
- 門票：
- 砂蒸入浴費用／只浸溫泉入浴費用：成人（高中生以上）1,100日圓／620日圓；小童（小學生以下）600日圓／310日圓 ※門票包含浴衣使用費用
- 其他：紀念毛巾200日圓（販售）、浴巾200日圓（出租）
Comments