位於九州南部嘅宮崎縣風光明媚，當中宮崎市東南方海岸上有個叫做青島嘅島嶼更加係宮崎縣必去景點。
青島除咗周邊有大量亞熱帶植物茂密生長，環境充滿南國風情之外，自古以來亦與神話淵源甚深，更被譽為「神話的故鄉」，擁有多個令人驚艷嘅秘景！今次FUN! JAPAN編輯部就會為大家完整介紹青島必睇特色！
青島歷史與概要介紹
距離宮崎縣宮崎市青島嘅車站係九州旅客鐵道（JR九州）日南線青島站。由於JR青島站周邊嘅日南線西邊曾經有被認為係繩文時代後期嘅貝塚（亦稱作貝丘）出土，由此可知自古就有人類喺青島生活過；782年時，亦發現有關青島神宮嘅相關文章記載。隨後，青島附近開始築起幾座城堡，於1587年左右成為飫肥藩領土。
青島必睇位之1 ：被蒲葵樹包圍嘅神秘「青島神社」
青島神社坐落於青島正中央，神殿被蒲葵樹包圍，充滿神秘感。神社主要祭祀於神話中登場嘅山幸彥夫妻，對祈求結緣、安產、航海安全都非常靈驗。
範圍內一共有10個祈願、占卜運勢場所，當中投擲「天之平瓮」就絕對係不可錯過嘅神秘體驗。將被稱為「天之平瓮」嘅細圓碟，投入供奉信仰嘅岩石「盤境」裡面，相傳成功投入「天之平瓮」就代表心想事成；如果「天之平瓮」裂開就代表開運、除厄，大家有機會記得去體驗一下喔。
景點資訊
- 名稱：青島神社
- 地址：宮崎縣宮崎市青島2丁目13番1號
- 交通方式：JR日南線青島站徒步約10分鐘，從青島站至青島神社（島上）約800米
- 門票： 免費
- 定休日：全年無休
- 參拜時間：早上6點至日落
青島必睇位之2：透明度極高！「青島海水浴場」
獲選為「日本海水浴場百選」嘅青島海水浴場海水清澈透明，係宮崎具代表性景點之一。
嚟到青島海水浴場，您除咗可以大玩特玩衝浪等水上活動，亦可以沿著海灘散步小徑，一邊漫步、一邊欣賞大海怡人景致，順便吹吹海風、聽聽海浪聲。順帶一提，青島海水浴場亦已被指定為宮崎市天然紀念物「赤蠵龜」嘅產卵地。
青島必睇位之3：從遠處望，海浪就好似變成岩石一樣！？「鬼之洗衣板」
宮崎縣神秘絕景鬼之洗衣板是怎麼煉成的？
青島至南邊嘅巾著島之間，有一條長約8公里嘅海岸線。此處嘅海岸岩石長時間受到海浪侵蝕，形成一大片好似洗衫板模樣嘅波浪岩石，因而得名「鬼之洗衣板」。於700萬年前，喺海底形成嘅硬沙岩與軟泥岩交互重疊，累積成地層「沈積岩（水成岩）」而隆起，長時間經過海浪洗禮下變成只剩硬砂岩層，令到「鬼之洗衣板」望落就好似凹凸不平嘅洗衫板。想要好好欣賞如此驚人景色嘅話，就要睇準退潮時機，事關呢一大片「鬼之洗衣板」喺退潮時先至會出現喔！
景點資訊
- 名稱：鬼之洗衣板
- 地址：宮崎縣宮崎市青島
- 交通方式：從JR青島站徒步約10分鐘
青島必睇位之4：種植亞熱帶植物「宮交植物花園青島」
前往青島嘅路上，仲可順道遊覽宮交植物花園青島。花園內種有約200種、超過5,000棵植物，當中包含被指定為特別天然記念物嘅青島亞熱帶性植物群落，於島嶼裡自然繁衍嘅蒲葵、加拿利海棗、女王椰子、九重葛、木槿花等等27種亞熱帶植物。
園內嘅拋物線Café（10時至17時），則為遊客提供宮崎縣產嘅新鮮水果所製成嘅木瓜奶昔、芒果芭菲雪糕，以及宮崎縣日向夏鮮搾果汁等等。熱帶果樹溫室裡面，仲有種植菠蘿、木瓜、楊桃等等，全場都充滿濃厚南國氣息！
景點資訊
- 名稱：宮交植物花園青島
- 地址：宮崎縣宮崎市青島2丁目12-1
- 交通方式：從JR宮崎站乘搭日南線，車程約30分鐘，於青島站落車徒步約10分鐘
- 門票：免費
- 定休日：全年無休
- 營業時間：08:30～17:00、大溫室、熱帶果樹溫室 09:00～17:00
Comments