「軍艦島」係位於長崎港西南方約19公里處嘅島嶼，正式名稱為「端島」，因為外型與舊日本海軍軍艦「土佐※」相似而被稱為「軍艦島」。江戶時代後期，島上被發現豐富煤礦資源，其後於明治23年（西曆1890年）起正式因為海底煤礦而繁榮一時。目前雖然礦山已被關閉，惟無人島現時仍作為見證著歷史遺跡嘅景點而深受遊客歡迎，並僅向開放參加旅行團嘅團客等登島。而家，一於就跟著FUN! JAPAN編輯部腳步，一齊嚟睇睇長崎軍艦島到底有咩必睇之處以及跟團行程內容啦！
※土佐：大正11年（西曆1922年）華盛頓海軍條約中，約定停止建造之舊日本海軍戰艦。
跟團內容之一：未出發先興奮！登陸軍艦島前必睇地標
未出發先興奮！從長崎港出港後至抵達軍艦島前嘅一段航程，已經有唔少值得一睇嘅地方。例如係獲選為「世界新三大夜景」嘅長崎知名景點「稻佐山」、充滿異國風情嘅「哥拉巴園」，您都可以從船上一一目睹各處熱門旅遊景點嘅的風采。而喺航程中，您仲可以欣賞到因優雅外型而出名嘅「女神大橋」、以造船聞名嘅「長崎」象徵之一—日本大規模造船廠「三菱重工長崎造船所」等當地地標。
跟團內容之二： 登上軍艦島後，遺跡就在您眼前！
結束航程，係時候準備登島！跟著導遊一齊沿著參觀步道開始參觀，第一站首先會嚟到「第一見學場」，參觀「儲煤場」、「員工住宅」以及第2豎坑櫓（豎井井架）遺跡等。「第二見學場」嘅部分，則可以參觀到用紅磚瓦建造嘅綜合事務所、被用作礦工員工宿舍使用嘅30號棟公寓及游泳池。身處島上時，不妨想像一下舊時礦工們嘅生活狀況，悠閒地踏上一場趟歷史之旅吧。
跟團內容之三：從船上欣賞軍艦島周圍
結束島上參觀行程之後，接落嚟就係坐船參觀島嶼周圍。遊客可以從船上眺望到於島上參觀時無法欣賞到嘅礦坑員工宿舍公寓呢！
軍艦島歷史
軍艦島於江戶時代後期被發現煤礦之後，從明治23年（西曆1890年）開始正式因為海底煤礦而繁榮發展。島嶼闊約160米，長約480米，面積唔算大，不過採礦全盛時期期間，就約有5,200人居於島上，因此當時人口密度可謂世界第一高呢！
直至大正5年（西曆1916年），島上興建日本首座鋼筋混凝土高樓層集體住宅，其後多座高樓層公寓亦相繼落成。除咗中、小學之外，仲有餐廳及戲院等娛樂設施呢。
作為一座因煤礦繁榮發展嘅煤礦都市，軍艦島因能源轉換政策影響而終於昭和49年（西曆1974年）封山。平成27年（西曆2015年）7月5日正式被列入世界文化遺產「日本明治時代的工業革命遺產-鋼鐵、造船及煤礦產業 」，成為當時話題之一。
想參觀就只可以跟團！軍艦島尚未開放個人登島參觀
軍艦島全面禁止個人登島參觀，想一睹軍艦島風采，就一定要透過各間船公司軍艦島登島旅行團先能夠參觀。遇上天氣欠佳日子時，或會有無法登島情況，所以記得要事先確認一下天氣狀況。旅行團行程內容以及出發時間等詳細資訊因船公司而異，從港口到軍艦島大約需要45分航程，登島參觀時間則大約為1小時。行程大多分為上午與下午兩時段供遊客選擇。費用大約為3,000~4,000日圓不等。
景點資訊
- 景點名稱：軍艦島（端島）
- 所在地：〒851-1315 長崎縣長崎市高島町端島
- 交通方式：從長崎港搭乘軍艦島旅遊船、約45分鐘
- 費用： 因各船公司而異
- 公休日： 因各船公司而異
- 出發時間： 因各船公司而異
預約資訊可參考下列各網站
- 軍艦島コンシェルジュ：https://www.gunkanjima-concierge.com/ (日文、英文)
- やまさ海運：http://www.gunkan-jima.net/ (日文、中文)
- シーマン商会：https://www.gunkanjima-tour.jp/ (日文)
- 軍艦島上陸クルーズ：http://www.gunkanjima-cruise.jp/ (日文、英文)
Comments