每到春天， 日本櫻花綻放，各地都可以欣賞到櫻花盛開美景。今次，編輯部就編要同大家分享幾個非一般嘅賞櫻好去處！您可以從電車車窗眺望，或置身於車站月台欣賞櫻花絕景。當電車駛過「櫻花大道」，眼前唯美春天景色絕對係您不可錯過嘅美景之一。
御殿場線「山北站」漫天櫻花隧道
橫跨神奈川縣與靜岡縣嘅JR御殿場線「山北站」四周，種植著大約130棵染井吉野櫻。當櫻花盛開嘅時候，自然而然就會形成一條櫻花隧道，更會舉辦「山北櫻花祭」等多項活動！活動期間，當地會從晚上6點開始點燈，令春天夜裡嘅櫻花增添一份唯美氛圍，極之浪漫。
賞櫻景點
- 地點：JR御殿場山北站周圍
- 交通：JR御殿場線山北站
- 往年賞櫻時期：3月下旬～4月上旬
福島會津鐵道「湯野上溫泉站」與「蘆之牧溫泉南站」
福島縣隱藏著一個擁有茅草屋頂嘅車站，就係行駛於福島縣內嘅會津鐵道「湯野上溫泉站」。每到櫻花盛開嘅時候，遊客都可以喺充滿古樸韻味嘅茅草屋頂車站附近欣賞到櫻花盛開嘅景致，別有一番日本風情。而另一個會津鐵道嘅櫻花絕景打卡車站「蘆之牧溫泉南站」，則從月台延伸出一段櫻花隧道之餘，更會喺櫻花季嘅夜晚於月台點燈，相當吸睛。其實會津鐵道沿線車站與行經路線都隱藏著唔少不為人知嘅私房賞櫻景點，下次有機會推薦大家去搭返轉會津鐵道嘅電車，出發一場電車賞櫻之旅，感受一下令人難忘嘅絕美景色。
賞櫻景點
- 地點：會津鐵道「湯野上溫泉站」、「蘆之牧溫泉南站」、「蘆之牧溫泉站」等
- 交通：從會津鐵道「會津若松站」或「會津田島站」乘搭
- 往年賞櫻時期：4月中旬～5月上旬
欣賞SL列車與櫻花盛開美景！靜岡縣「大井川鐵道」
行駛於靜岡縣內嘅大井川鐵道沿線有多個賞櫻景點，例如「家山站」附近嘅國道沿線，就種植著約1公里長嘅櫻花樹，每逢櫻花盛開嘅時候，一排排櫻花樹就會化身成一條粉色隧道，令人目不暇給。另外，沿線「田野口站」亦擁有懷舊嘅木造車站建築，與櫻花隧道相映嘅場景更係美不勝收。從「駿河德山站」嘅月台，更可以捕捉到SL列車與櫻花同框嘅畫面，各站各有不同迷人櫻花風情。大井川鐵道沿線多個地點都可以欣賞得到櫻花動人景致，要盡情打卡完全不是夢！
賞櫻景點
- 地點：大井川鐵道金谷～千頭
- 交通：從大井川鐵道 金谷站乘搭
- 往年賞櫻時期：3月下旬～4月上旬
油菜花與櫻花二重奏 千葉縣「夷隅鐵道」
行駛於千葉縣內嘅夷隅鐵道最著名嘅莫過於可以一次過飽覽油菜花與櫻花景色。當一大片金黃色嘅油菜花田，遇上盛開嘅粉嫩櫻花所交織出嘅夢幻絕景，簡直靚得令人想即刻跳車（笑）！如果大家要一睹「當油菜花田遇上櫻花時」嘅動人場面嘅話，推薦去「新田野站」以及「東總元站」附近喔。
賞櫻景點
- 地點：上總中野站～大原站
- 交通：JR外房線「大原站」轉搭夷隅鐵道
- 往年賞櫻時期：3月下旬～4月上旬
最強賞櫻勝地「京都嵐山」！乘搭「嵯峨野小火車」眺望保津峽櫻花
京都嵐山一年四季景色都相當迷人，係唔少人心目中嘅旅遊首選之一。講到嵐山，不得不提行駛於嵯峨站至龜岡站嘅嵯峨野小火車，單程約25分鐘，沿著保津峽行駛時車窗一幕幕風光無一不叫人陶醉。每逢櫻花盛開嘅時候，置身於嵯峨野小火車嘅開放式空間即可當沿途櫻花嚟個近距離接觸，列車與車外櫻花擦身而過之時，距離近到就好似伸手即及！當小火車緩慢穿越櫻花隧道之際，亦可以安坐車廂內即可慢慢欣賞櫻花美景，體驗與眾不同嘅賞櫻樂趣。
小編提提大家，櫻花季嘅嵯峨野小火車車票絕對係一票難求。如果想要安排一場小火車賞櫻之旅嘅話，記得一定要事先預約喔！
賞櫻景點
- 地點：嵯峨野小火車嵯峨站～龜岡站
- 交通：從嵯峨野小火車嵯峨站搭乘
- 往年賞櫻時期：3月下旬～4月上旬
Comments