相信第一次到九州嘅遊客，都一定會馬上愛上呢到嘅自然環境、友善居民以及悠閒生活節奏。該區頻繁嘅火山活動除咗帶嚟廣闊山脈與蒼翠茂盛森林等種種美景外，亦為九州送上絕佳觀光景點及日本一大傳統文化：溫泉。
溫泉係指地底自然湧現嘅泉水，內含對皮膚有益嘅礦物質、有舒緩疲勞之效。而日本最有人氣又最傳統嘅溫泉鎮之一，就係黑川溫泉（Kurokawa Onsen）喇。
https://www.flickr.com/photos/alberth2/4114350391/
觀光資訊
黑川溫泉座落於九州中部，位於阿蘇火山北邊約20公里處。黑川溫泉擁有逾300年歷史，因此遊客能夠喺區內欣賞到高雅木製建築、石階以及森林、河流等自然景觀。喺黒川溫泉觀光旅館協同組合嘅保護下，小鎮現時雖然發展成觀光客渡假勝地，但仍堅拒大型旅館進駐，亦不見任何類似擺放於高度商業化別府市內嘅廣告看板。
相反地，黑川溫泉街上有嘅係一排排設有澡堂嘅日式旅館。溫泉街佔地不大，只靠徒步即可輕鬆行完整個溫泉鎮。正因為係咁，遊客能夠靠雙腳造訪各家旅館並體驗各處溫泉，亦能夠隨意於鎮上商店、Cafe及神社閒逛。喺旅館投宿嘅遊客甚至能夠穿著浴衣及傳統木屐下馱探索溫泉鎮，體驗真正日本風情！
黑川共有29處溫泉可供選擇，遊客可以選擇於各家旅館渡過一晚，但旅館溫泉同時亦會對外開放。就算您唔係投宿客人，都可以畀500日圓進內使用旅館澡堂。官網上有提供黑川旅館、溫泉及景點嘅完整名單：
http://www.kurokawaonsen.or.jp/eng_new/ryokan/
溫泉浸個飽
黑川溫泉最吸引人嘅地方，就係大多數旅館都有提供露天風呂（露天澡堂），好讓旅客能泡喺熱氣騰騰嘅溫泉之中一邊小酌清酒、一邊細聽小河潺潺流水聲。
黑川溫泉亦提供以木板製成嘅溫泉通票「入湯手形」，遊客可以先到旅客中心以1,300日圓購買入湯手形及溫泉巡禮手冊。持有入湯手形嘅遊客能夠憑券造訪3家唔同嘅露天風呂，旅館會喺旅客入場時於手形上蓋上特殊店章。黑川共有24家旅館歡迎旅客透過入湯手形使用露天風呂，如果唔想一日去盡3家溫泉都無所謂，因為入湯手形使用期限為6個月，各位可以依照自己步伐選擇先去一兩家都得。
溫泉禮節
1. 將所有衣物及飾品放於置物區，而且唔好穿著泳衣浸溫泉。旅館一般都會提供小條毛巾畀旅客遮掩下身。遊客雖然唔能圍著毛巾走入溫泉，但就可以於置物區跟浴池區走動時使用。
2. 先到浴池沖身，並於洗澡區用浴盆以及旅館提供嘅沐浴露將身體洗乾淨。沖身係浸溫泉一個非常重要嘅步驟，日本人係唔會喺身體未洗乾淨嘅情況下就浸溫泉，而係先沖身、再浸溫泉好好放鬆一番，因此記得千祈唔好未做以上步驟就跑去浸溫泉！此外，記緊亦唔好喺溫泉內使用番梘或洗頭水。
3. 浸完溫泉之後，部分人會習慣再去仲一次身。不過由於溫泉含豐富礦物質、對皮膚有益，因此亦會有部分人覺得唔好再沖身比較好。
除非有另外規定，否則浴池區禁止攜帶任何食物或飲料進內。口渴的話，您可以喺大廳休息室購買飲品。
✓重要小提醒：大多旅館嘅溫泉都會依照性別分區，男性及女性用嘅浴池入口都會有清楚標示，所以請注意門上標誌為「女性」定係「男性」。部分旅館會提供家庭用浴池又或男女混浴，有興趣嘅旅客可以事先去遊客中心或各家旅館查詢，確認店家有否提供上述服務。
於溫泉旅館過夜
雖然好多旅客都目的只係浸溫泉、享用美食或參加溫泉巡禮，但其實亦可以選擇喺旅館過夜、享受更特別體驗。黑川溫泉旅館一晚價位普遍為1萬4,000至2萬日圓，價錢已包括旅館一泊二食。投宿旅館嘅旅客趁機享用到豐盛嘅傳統日式料理。此外，旅館外亦有幾家餐廳可供遊客選擇。
https://www.flickr.com/photos/alberth2/4115189618/in/photostream/
如何前往黑川溫泉
揸車：
同其他地方相比，九州嘅大型交通工具網絡較為不便，因此最簡單又最彈性嘅方式，就係自駕遊。如果由熊本市出發，您可以經由前往阿蘇嘅國道57號，再沿著火山口經由國道212號及442號抵達黑山溫泉。
巴士：
每日會有3班從熊本車站出發嘅巴士，單程車資為2,060日圓。由黑川回熊本嘅尾班車會於下午4點25分開出。
由福岡市出發的話，可以選擇喺博多巴士總站或西鐵天神高速巴士總站（西鉄天神バスターミナル駅）乘搭每日運行嘅巴士，單程票價約3,000日圓。
Comments