日本中部地區依山傍海，美景綿延不絕，例如靜岡縣與三重縣緊鄰蔚藍海洋，而岐阜縣則環抱蔥鬱山林。想盡情享受當地得天獨厚嘅絕色靚景？乘搭極具當地特色、展現極致美學嘅度假型觀光列車就係最佳方式！以下，編輯部將為您介紹5大日本中部地方必搭觀光列車，保證會為您嘅中部之旅錦上添花！
1. 享受四季如畫絕美景色「特急Wide View飛驒」
「特急Wide View 飛驒」將座位加高、玻璃車窗加大，令乘客安坐車廂內時，能夠份外享受窗外景色。春天粉櫻、初夏新綠，秋天紅葉，冬季雪景，無論係邊個季節，「特急Wide View 飛驒」都總會為您帶來四季變換醉人景致。列車沿途會經過「下呂溫泉」、有飛驒小京都之稱嘅「高山」等知名觀光景點；而如果您想再玩盡周邊地區，可以考慮於JR高山站落車轉乘巴士，前往奧飛驒溫泉鄉，以及夢幻度破表嘅世界遺產「白川鄉・五箇山」合掌村聚落，將岐阜縣觀光名勝一網打盡！
列車基本情報
- 行駛區間：大阪・名古屋站⇔岐阜站⇔高山站・飛驒古川站・富山站
- 行駛期間：全年，每天來回10班
- 網址：https://www.jr-odekake.net/train/hida/
2. 奔馳於清流長良川沿線嘅紅色列車「Nagara」
「Nagara」以一身尊爵紅色車廂造型見稱。列車緩緩地行駛於翠綠山野與潺潺溪流之間，顯得格外地醒目。車輛內裝大量使用岐阜縣產木材，打造出饒富地域特色嘅舒適空間；而選用當地食材所製成嘅精心料理及甜品套餐，則更會係每位乘客旅途中嘅一大亮點。地道特色味覺配搭窗外迷人風景，想要度過一段美好鐵道旅行時光就係咁易！
列車基本情報
- 行駛區間：美濃太田站⇔北濃站
- 行駛期間：全年約150天左右，以週五、週六、週日為主，每天來回1班
- 所需時間：單程約2小時15分鐘～2小時37分鐘
- 票價：成人乘車券1,720日圓＋乘車整理券510日圓（另有附車上膳食方案，詳情請參考官網。）
- 網址：http://www.nagatetsu.co.jp/nagara/
3. 一路奔向伊勢志摩嘅極致奢華列車「Shimakaze」
如果您打算從名古屋、大阪、京都等各主要車站前往三重縣「賢島」、「伊勢志摩」，推薦您一定要乘搭特急觀光列車「Shimakaze」。一邊享受只有乘搭鐵道先能夠親眼目賭嘅美景，再一邊享用令人垂涎三尺嘅美食，特急觀光列車Shimakaze令「坐車」本身亦成為一種樂趣。附帶電動躺椅機能嘅真皮座椅，讓您坐得舒服又舒適；宛如高級私人座駕般嘅三排座位配置，為每位乘客座位之間確保前後間隔達約125cm嘅寬敞空間。此外，車內更設有景觀座位與各式包廂座位，滿足乘客各種需求。於咖啡廳車廂享用飲料之餘，您亦可同場品嚐到海鮮雜燴飯、松坂牛肉咖哩、海鮮味噌拉麵等「Shimakaze」特色車上料理！
列車基本情報
- 行駛區間：近鐵名古屋 / 大阪難波 / 京都⇔賢島
- 行駛期間：全年，每日來回1班（實際行駛期間請洽官網）
- 所需時間：單程約2小時～2小時50分鐘
- 票價：費用包含乘車券與特急費用，乘車券票價依搭乘區間而異
- 近鐵名古屋⇔4,700日圓／大阪難波⇔賢島5,040日圓／京都⇔賢島5,680日圓
- 使用和式、西式包廂時，需另加特別包廂費用，1間1,050日圓
- 網址：https://www.kintetsu.co.jp/（近畿日本鐵道官網）
https://www.kintetsu.co.jp/senden/shimakaze/（Shimakaze官網）
4. 復古蒸汽火車絕景鐵道之旅「大井川鐵道SL」
「大井川鐵道」係日本國內唯一、一年之中超過300日都有SL蒸汽火車行駛嘅人氣觀光鐵道。鐵道最大魅力，就必定要數到1930年～1942年製造嘅復古車廂以及英氣十足嘅火車頭。坐上復古列車一刻起，乘客就彷彿穿越時空般，聯同窗外大井川沿岸秀麗風景打造一趟令人心馳神往嘅鐵道旅程。座落於新金谷車站對面嘅「Plaza Loco」內有出售鐵道便當與大井川鐵道限定週邊商品，館內則展示出已退役嘅蒸汽火車頭及車輛，自問係鐵道迷嘅您實屬不容錯過！
列車基本情報
- 行駛區間：新金谷站⇔千頭站
- 行駛期間：每日行駛
- 所需時間：單程約1小時20分鐘
- 票價：成人乘車券1,750日圓（新金谷～千頭）+SL急行費用820日圓+座敷、展望費用310日圓；小童乘車券及急行費用半價
- 網址：http://oigawa-railway.co.jp/
5. 尤如浮在島上嘅車站！？大井川鐵道井川線（南阿爾卑斯阿布特線）
「大井川鐵道」井川線（又名「南阿爾卑斯阿布特線」）係日本唯一行駛於溪谷沿線嘅「阿布特式列車（Abt system）」。列車將行經高斜度達90千分率嘅日本第一斜坡、日本最高鐵道橋樑，以及宛如浮於靜岡縣接岨湖上嘅「奧大井湖上站」等。咪以為紅色車身嘅列車走懷舊路線，其實自然資源與IG打卡元素同樣兼備！
列車基本情報
- 行駛區間：千頭站⇔井川站
- 行駛期間：每日行駛
- 所需時間：單程約50分鐘
- 票價：成人乘車券1,340日圓； 孩童半價
- 網址：http://oigawa-railway.co.jp/
※因新冠肺炎(COVID-19)影響，部分觀光列車最新行駛情況請上官網查詢。
Comments