沖繩擁有南國海島嘅熱情以及海天一色嘅美景，氛圍吸引唔少人專程去沖繩入住度假酒店、暫離都市煩囂，體驗一場夢幻嘅度假生活，因此成為唔少人心目中嘅度假勝地之一。當中，沖繩度假酒店選擇多多而且愈開愈多，花多眼亂唔知點揀至好？編輯部已經為您精選出5間沖繩本島度假酒店，大家下次去沖繩嘅時候不妨入住嚴選清單裡面嘅其中一間，享受一個最極致嘅度假時光。
1. 虹夕諾雅 沖繩
星野集團喺沖繩讀谷村盛大開幕嘅頂級奢華度假村「虹夕諾雅 沖繩」，其主要設計概念係以沖繩古琉球城堡（Gusuku，即「城堡」琉球語）為概念，並將琉球時代與現代風格完美融合。「虹夕諾雅 沖繩」沿海岸而建，一抵達就會望見一道長長嘅外牆，令人聯想到琉球時代嘅城牆，酒店員工亦身穿琉球時代服飾，為旅客帶嚟充滿沖繩特色嘅住宿體驗。
「虹夕諾雅 沖繩」度假村範圍裡面除咗有一大片農田，仲可以喺充滿沖繩特色嘅景觀當中，參加道場訓練等體驗活動，融合沖繩當地生活所營造出嘅度假氣氛非常過癮。由於「虹夕諾雅 沖繩」客房沿著海岸線建造，因此每間客房都有緊鄰大海嘅絕佳視野，間間都係無敵海景房！餐廳內提供嘅美食以同樣被大海包圍嘅西西里島為靈感來源，將意大利西西里烹調技巧與精隨融入當地嘅沖繩食材，經過精心設計所打造出煥然一新嘅沖繩美食，令人大飽口福。下個旅程，不妨去充滿琉球風情氛圍「虹夕諾雅 沖繩」，享受一個難忘嘅度假好時光！
酒店資訊
- 酒店名：虹夕諾雅 沖繩
- 地址：沖繩縣中頭郡讀谷村儀間474
- 交通：
從那霸機場沖繩高速公路出發揸車約60分鐘 或 從那霸機場搭往虹夕諾雅沖繩方向利木津巴士 - 電話號碼：050-3786-1144
- 官網：https://hoshinoya.com/okinawa/zhtw/
2. 百名伽藍
位於沖繩縣南部嘅「百名伽藍」，背山面水、沿著海岬尖端地形而建，係一間位於海邊嘅沖繩絕景酒店。「百名伽藍」使用赤瓦、琉球石灰岩、草木等沖繩特色素材，將和風與琉球風配搭得淋漓盡致，完美呈現出昔日沖繩風情。「百名伽藍」本館一共有17間客房，當中14間係行政套房、3間係頂級豪華特別套房，並於最頂層設置6間包場露天溫泉；別館則規劃成一整間特別房型，為房客提供一個可以度過寶貴私人時光嘅地方。
「百名伽藍」本館只限13歲以上入住，別館就無年齡限制，歡迎12歲以下嘅小朋友入住，非常適合三代同堂齊齊出遊。
「百名伽藍」設計低調奢華，無任何遮掩物阻擋視線，方便住客可以盡情欣賞到夕陽及日落、浪漫星空美麗以及迷人月光景致。置身於「百名伽藍」，讓身心沈浸於一片大自然之中，保證您可以享受一個與大都會截然不同嘅「純淨無瑕」好時光！
酒店資訊
- 酒店名稱：百名伽藍
- 地址：沖繩縣南城市玉城字百名山下原1299-1
- 交通：從那霸機場出發揸車約35分鐘
- 電話號碼：098-949-1011
- 官網：http://www.hyakunagaran.com
3. 沖繩麗思卡爾頓酒店
「沖繩麗思卡爾頓酒店」坐落於沖繩本島中央嘅名護市喜瀨高地上，四周環抱大自然，住客可以眺望名護港或鄰近沖繩著名嘅高爾夫球場，屬當地一大高爾夫球＆SPA度假村勝地。除咗有海景房可以飽覽沖繩海景、仲有可以享用美食嘅餐廳、悠閒嘆下午茶嘅Lounge，舒適悠靜嘅SPA等等，帶畀大家一個舒適寧靜嘅入住體驗。入住「沖繩麗思卡爾頓酒店」即可輕鬆享受一段逍遙好時光，而且酒店員工嘅貼心服務亦非常加分！
酒店亦提供專屬「THE CLUB EXPERIENCE」住宿行程，您可以喺專屬Lounge辦理Check-in與Check-out手續，並選用一日提供5餐以及包含酒精飲品嘅供應服務，仲有專屬人員為您提供介紹以及預約代訂服務。另外，仲可以參加「Good Travel with Marriott Bonvoy (萬豪旅享家美好旅程)」行程，等下一代可以喺自然環境之中學習大自然嘅相關知識，守護環境種植珊瑚嘅體驗活動，相當有意義。
酒店資訊
- 酒店名稱：沖繩麗思卡爾頓酒店
- 地址：沖繩縣名護市喜瀨1343-1
- 交通：從那霸機場出發揸車約75分鐘
- 電話號碼：0980‑43‑5555
- 官網：https://www.ritzcarlton.com/jp/hotels/japan/okinawa/hotel-overview
4. 沖繩萬豪Spa度假酒店
「沖繩萬豪Spa度假酒店」坐落於高地上，住客可以將東海嘅遼闊海景盡收眼簾之餘，所有客房裡面都配備一大片落地玻璃窗，蔚藍色海天一色與夕陽餘暉籠罩嘅黃金海面相當療癒！除此之外，「沖繩萬豪Spa度假酒店」裡面亦設置沖繩縣內最大規模嘅花園泳池，可以直接從涼亭位置落水，深度約2.5米，另外仲有緩坡泳池，以及一條超長嘅滑水道，要盡情享受沖繩美好嘅夏日情懷話咁易！
※夏天泳池營業期間係3月20日～10月30日
另外，家庭旅客仲可以參加「Good Travel with Marriott Bonvoy (萬豪旅享家美好旅程)」行程，藉由種植珊瑚嘅體驗活動，學習大自然當中嘅相關知識，守護珍貴嘅地球環境。想要喺遠離塵囂嘅度假村裡面，徹底放鬆身心，度過舒適美好時光嘅話，「沖繩萬豪Spa度假酒店」絕對係最佳選擇。
酒店資訊
- 酒店名稱：沖繩萬豪Spa度假酒店
- 地址：沖繩縣喜瀨1490-1
- 交通：從那霸機場出發駕駛約70分鐘／搭利木津巴士，車程約100分鐘
- 電話號碼：098-840-1179
- 官網：https://www.marriott.co.jp/hotels/travel/okamc-okinawa-marriott-resort-and-spa/
5. 阿拉馬海納度假村
2019年開設喺沖繩美麗海水族館附近嘅公寓型度假酒店「阿拉馬海納度假村」所有客房都屬於海景房，附設完善廚房與餐廳設備。最頂樓設有觀景大浴場，您可以將沖繩美麗蔚藍嘅海景一覽無遺，絕對係最佳嘅睇景位。重點係，「阿拉馬海納度假村」內嘅室外泳池係無邊際泳池，身處其中就好似與眼前遼闊嘅大海融為一體，感覺超級夢幻！順帶一提，「阿拉馬海納度假村」亦有提供長期住宿服務，非常適合想要去LONG STAY嘅人，盡情享受沖繩當地生活。
酒店資訊
- 酒店名稱：阿拉馬海納度假村
- 地址：沖繩縣國頭郡本部町山川1421-1
- 交通：從那霸機場出發駕駛約100分鐘／搭快速巴士，車程約2小時10分鐘
- 電話號碼：0980-51-7800
- 官網：https://www.ala-mahaina.com/tw/
Comments