位於沖繩縣豐見市嘅DMM Kariyushi水族館於2020年盛大開幕。以為佢又係一般水族館？少年，你太年輕了。
除咗可以觀賞水槽裡面嘅海洋生物之外，遊客仲可以體驗得到運用最新映像與空間表現技術，將真實與虛擬完美結合下更生動地呈現於眼前嘅海洋自然風光等景色。DMM Kariyushi水族館裡面有成190種、共5,000隻生物。除咗「睇」之外，更可以體驗與生物們接觸嘅雙向互動。從2樓入場後沿著路線行去1樓嘅觀賞過程，就好似從亞熱帶森林潛入海底世界一樣，相當過癮！
入場前先從手機下載專屬APP應用程式
識得玩，就梗係要download 「DMM Kariyushi水族館」嘅手機APP應用程式，咁就可以隨時查詢有關「DMM Kariyushi水族館」各項資訊，更加可以透過APP裡面嘅樓層圖面顯示，了解身處所在位置！水族館裡面有多個地方都有設置專屬標示，只要開啟手機APP嘅同時，用手機觸碰專屬標示板面，就會顯示出眼前嘅水槽中所展示嘅魚類學名與分類等相關資訊，仲有水族館內嘅Café優惠券可以使用𠻹！
全身投入！用五官感受多個豐富景點
「DMM Kariyushi水族館」嘅「迎賓劇場」裡面設有一大片180度巨大螢幕及環迴立體聲系統，為觀眾帶來嚟充滿臨場感嘅精彩體驗。
「迎賓劇場」會播放有關沖繩「水」與「生命」嘅故事，影片以4D影像系統配合影像播放，動態壯觀非常逼真。影片播放期間，觀眾仲會感受得到海風吹過，充滿魄力嘅真實感令人難忘（※劇場內禁止攝影）！睇完劇之後，下一站就會經過一片以沖繩森林為構想設計嘅亞熱帶氣候綠色森林。沿途撲鼻而來嘅森林獨特香氣加上山原森林嘅生物鳴叫聲，令人就好似身歷亞熱帶森林其境一樣。
打卡呃Like 靚相想點影就點影！
「DMM Kariyushi水族館」2樓有一個玻璃地板區域，當您喺玻璃上走動嘅時候低頭俯瞰約6米高嘅水槽，即時就會有種好似喺水面上漫步嘅奇妙感覺！1樓嘅水母區域則由多個巨型圓筒水槽所組成，大片水母世界會隨著時間而產生不同變化嘅光影，加上水母輕盈舞姿嘅身影，360度都瀰漫著一股夢幻神秘嘅氣氛。
日頭同夜晚完全係兩個世界！？
「DMM Kariyushi水族館」館內嘅燈光照明設備會隨著館外亮度聯動產生變化，當太陽開始落山、漸漸西沈至晚間嘅同時，館內嘅影像與燈光照明亦會跟著轉換，營造出黃昏、夜晚嘅氣氛，令人情不自禁地好想從早玩到晚，去體驗水族館晝夜不同嘅魅力！
原創獨特周邊商品應有盡有！
「DMM Kariyushi水族館」所推出嘅零食、tote bag、文具用品等等嘅周邊商品設計獨特又趣緻，啱晒買嚟做手信同親戚好友開心Share！其中最具人氣嘅周邊商品必定要數到企鵝同魔鬼魚公仔，非常kawaii呢～
另外，館內Café所提供嘅菜式全部都係用沖繩縣縣產嘅食材製作而成，如果想喺食嘅同時嘆返杯靚啤嘅話，推薦您飲沖繩嘅精釀啤酒，飲飲食食都夠晒地道沖繩味！
景點資訊
- 景點名：DMM Kariyushi水族館
- 地址：沖繩縣豐見城市豐崎3-35（iias沖繩豐崎內）
- 交通方式：從那霸機場揸車約20分鐘／從那霸巴士總站搭巴士至「豐崎美麗陽光海灘前」站落車行約150米，車程約40分鐘
- 門票：成人（18歲以上）2,400日圓、13歲～17歲 2,000日圓、4歲～12歲 1,500日圓
- 營業時間：10：00～21：00（最終入場時間為營業結束前90分鐘）
- 定休日：全年無休
- 官網：https://kariyushi-aquarium.com/tc/
Comments