沖繩擁有藍天碧海及豐富美食，除咗口味偏接近香港之外，仲有夢幻之豬「阿古豬（アグー、AGU）」以及入口即溶嘅石垣牛。今次就為大家推薦5間沖繩地道餐廳，齊齊去品嘗夢幻肉類美食啦！
關於「阿古豬」與「石垣牛」
「阿古豬（アグー、AGU）」係沖繩本土種黑豬，屬於當地特有品種，據說約600年前從中國傳到日本。阿古豬同其他豬肉相比，最大特點係肉質甜美，堪稱相當優質嘅豬肉品種。由於飼養數量稀少，價值尤其珍貴。
「石垣牛」則係指於八重山郡內生產、飼育，出生超過20個月經過肥育管理嘅純種黑毛和牛。牛隻飼養喺氣候宜人嘅南國風土上，經過細心照顧，唔會畀牛隻感受到任何壓力地成長，因而培育出肉質脂肪比例均勻嘅牛牛，清爽而不油膩，既鮮甜又充滿豐富層次，相當美味。
1. 沖繩料理 島豬屋 恩納店
沖繩縣內提供阿古豬嘅餐廳之一，店舖招牌菜式係蒸籠料理。「蒸籠套餐」包括「山原島豬阿古豬」在內，一共有8道菜式，算係豪華得嚟又抵食嘅套餐組合。透過品嘗蒸籠清蒸，可以食到「山原島豬阿古豬」豐富嘅甘甜，最純粹原始嘅好味道。
除此之外，店內仲有多款沖繩經典美食任君選擇，例如沖繩炒苦瓜、沖繩東坡肉等等，可以嘆盡沖繩當地美食。
店舖資訊
- 店名：沖繩料理 島豬屋 恩納店
- 地址：沖繩縣國頭郡恩納村字恩納6369-1
- 交通方式：從沖繩高速公路道屋嘉交匯處揸車約5分鐘
- 電話號碼：098-966-1450
- 營業時間：17:00～24:00 （料理最後點餐時間23:00／飲品最後點餐時間23:30）
2. 島涮涮鍋NAKAMA
「島涮涮鍋NAKAMA」特別講求食材新鮮，選用精心講究嘅湯底，配搭石垣牛、阿古豬、島上蔬菜等多款沖繩食材，畀您慢慢「烚吓烚吓」，品嘗食材最極致美味。除咗美食，仲可以品嚐得到泡盛等等沖繩當地美酒喔。
店內裝修充滿沖繩風格，再加上身穿沖繩傳統服飾嘅員工熱情款待，令人感到賓至如歸。
店舖資訊
- 店名：島涮涮鍋NAKAMA
- 地址：沖繩縣那霸市久茂地3-3-1 ニューサンパルコビルB1
- 交通方式：從國際通縣廳北口十字路口徒步約1分鐘；從沖繩都市單軌電車縣廳前站徒步約3分鐘
- 電話號碼：098-917-1529
- 營業時間：11:30～15:00（最後點餐時間14:00）、17:00～23:00（最後點餐時間 22:00）
- ※視新冠肺炎疫情狀況，可能調整營業時間
3. 鐵板燒牛扒餐廳 碧
充滿居家風格嘅鐵板燒餐廳，提供豐富套餐料理，食客能夠盡情品嚐沖繩縣產牛肉與沖繩食材美味。每張餐檯都會配置一位專門廚師，喺你面前處理熱騰騰又香噴噴嘅鐵板燒美食，並直接送上檯，等您可以品嘗到最美味嘅瞬間。
另外仲有一個特色，就係店內員工均為女性，親切溫柔且細緻講究嘅服務廣受好評。
店舖資訊
- 店名：鐵板燒牛扒餐廳 碧 東町本店
- 地址：沖繩縣那霸市東町19-25
- 交通方式：從沖繩都市單軌電車旭橋站徒步約3分鐘
- 電話號碼：098-917-3205
- 營業時間：11:30～22:00（最後點餐時間20:30）
店舖資訊
- 店名：鐵板燒牛扒餐廳 碧 國際通松尾店
- 地址：沖繩縣那霸市松尾1-2-9
- 交通方式：從沖繩都市單軌電車縣廳前站徒步約1分鐘
- 電話號碼：098-941-1129
- 營業時間：11:30～22:00（最後點餐時間20:30）
4. 沖繩炸豬扒食堂島豬屋 久茂地店
「沖繩炸豬扒食堂島豬屋 久茂地店」對每一項食材都精心講究，「山原島豬阿古豬」炸豬扒係必食之選，就連用作炸豬扒嘅麵包粉都係由天然酵母嘅麵包所製作，再配上阿古豬油調製嘅油，炸出酥脆多汁嘅炸豬扒，絕對係食一次就會上癮嘅好滋味。
同場仲有提供涮涮鍋，利用「山原島豬阿古豬」熬煮嘅精華湯頭相當鮮味。另外以低溫烹調阿古豬腰內肉所製作嘅沙律亦係推薦之一。
店舖資訊
- 店名：沖繩炸豬扒食堂島豬屋 久茂地店
- 地址：沖繩縣那霸市久茂地2-10-20 白馬公寓 101
- 交通方式：從沖繩都市單軌電車縣廳前站徒步約5分鐘
- 電話號碼：098-988-3909
- 營業時間：11:30～15:00、17:00～23:00
5. 牛扒屋88
創立於1955年嘅牛扒老店，至今喺沖繩縣內擁有多間分店，係當地居民家喻戶曉嘅著名牛扒餐廳。菜式選項豐富，單單係扒餐就有超過20種選擇提供，可以品嘗到石垣牛牛扒及漢堡扒！
店舖資訊
- 店名：牛扒屋88 辻本店
- 地址：沖繩縣那霸市辻2-8-21
- 交通方式：從沖繩都市單軌電車旭橋站徒步約8分鐘或縣廳前站徒步約8分鐘
- 電話號碼：098-862-3553
- 營業時間：11:00～凌晨02:00（最後點餐時間凌晨01:00）
- 提供英文、中文菜單
Comments