「春分」，即係晝夜時間長度相等嘅日子。當長期冬眠嘅動物們紛紛睡醒開始活動，民眾亦充滿幹勁之際，每年3月日本都會有一個名為「春分之日」嘅公眾假期，旨在感謝大自然，祝福春天來臨。只不過「春分之日」到底係一個點樣嘅節日呢？節日又喺日本有乜嘢含義呢？馬上就等我哋來介紹一下「春分之日」啦！
何謂「春分之日」？
「春分」，就即係香港所講嘅「立春」。「春分之日」係日本於1948年訂定嘅公眾假期，原意為「歌頌自然，憐愛眾生萬物」，而呢一日現時則普遍被認為係正式宣告春天來臨，春分過後天氣就會逐漸回暖。被制定為公眾假期之前，「春分之日」原本係被稱為「春季皇靈祭」嘅國家祭祀節日。當日，天皇會喺宮中舉行祭祀儀式，拜祭歷代天皇之靈。直至現時，每年仍然都會分別舉辦兩次祭祀儀式，春分之日為「春季皇靈祭」，秋分之日則為「秋季皇靈祭」。
從天文學角度出發，「春分」即「當太陽到達春分點（太陽直射地球赤道）之時，晝夜時間相等」，大約係3月20日至3月21日之間嘅其中一日，每年都會有所不同。因此，內閣會議就會喺每年2月1日根據國立天文台所製作嘅「日曆年表」嚟決定下一年嘅「春分之日」。
2025年的春分之日是哪一天？
2025年的春分之日是3月20日（星期四）。這一天是日本的公眾假期，日本的大多數公司都會放假。
「春分之日」去掃墓？
「春分之日」前後一週亦被稱為「春彼岸」。由於秋天同樣有「秋分之日」，因此日本人就會用「春彼岸、秋彼岸」作區分。「彼岸」原本係佛教用語，意指「從充滿煩惱嘅世界解脫，達到涅槃境界」，簡單啲嚟講就係「過世祖先靈魂所居住嘅世界」。因此，當地人為祭拜與供養祖先亡靈，每年「彼岸」期間都會去掃墓。
與「秋分之日」之不同
上文提到，春秋各有彼岸時期，「春分之日」屬於公眾假期，因此「秋分之日」亦照辦處理。但兩者有無分別呢？「春分之日」係夜晚時間開始變短嘅分界，而「秋分之日」則相反，過後夜晚時間就會開始變長，日照時間越短。
「春分之日」品嚐牡丹餅
牡丹餅係「彼岸」代表性食物之一，「秋分之日」則會再有荻餅。牡丹餅外觀荻餅基本上一模一樣，兩者其實就係同一種食物，只不過因季節不同而有唔同叫法。牡丹餅由來為春天牡丹，而荻餅則來自秋天胡枝子（日文為：萩）。日本人相信紅豆嘅紅色有驅魔之效果，因此就用佢用嚟作為掃墓嘅供品，希望能夠驅除邪氣。
「春分之日」係一個宣告春天來臨、迎接春天到訪嘅日子。以後若果有機會喺呢段時間去日本旅行，一定要好好用心去感受一下日本大自然與四季變化嘅美態啊！
Comments