【影片食譜】日本女兒節代表美食！在家輕鬆DIY「散壽司」

日本每年嘅3月3日係屬於祈求女孩子健康長大嘅傳統節日「女兒節」。（有關「女兒節」簡單介紹，可參考「日本傳統活動：祈求女孩健康長大「女兒節」）

為慶祝女兒節，日本家庭一般都會食「散壽司」（將各式各樣食材放於一碗醋飯上嘅一種壽司食法）以及飲蛤蜊湯。今次 FUN! JAPAN編輯部嘅小廚娘，就要嚟教大家點樣花少少功夫，就可以在家簡單整出「散壽司」！各位讀者不妨都跟住一齊DIY吖～

材料 (1人份量):

<道具>

• 壽司壓飯模具

<壽司飯>

• 約150g 白飯
• 約150g 粉紅色飯
• 1至2茶匙 壽司醋
• 適量 櫻花色肉鬆

<日式燒玉子>

• 1隻 雞蛋
• 1茶匙 砂糖
• 少量 鹽
• 5至6片 吞拿魚 (刺身用)
• 適量 三文魚籽
• 3塊 紫蘇葉
• 適量 青瓜
• 女兒節用和菓子或糖果 (隨個人喜好)

事前準備：

*日式燒玉子

1. 將全部食材攪勻。
2. 將食材於平底鑊上鋪成如可麗餅般嘅厚度並煎熟。
3. 切成細絲狀。

*青瓜

• 切去頭尾兩端後再垂直對半切薄片。

做法：

1. 將白飯倒進碗內，並加入壽司醋。用飯勺快速攪拌後，用扇子等撥涼醋飯。為防止醋飯變乾，請先將過水擰乾嘅紗布鋪於醋飯上。
   
2. 將要製成粉紅色嘅白飯倒入另一隻碗內。逐少逐少加入櫻花色肉鬆，再攪拌均勻。
   
3. 將壽司壓飯模具放於盤上，然後一邊放入白飯一邊輕輕擠壓。將紫蘇葉蓋於白飯上後，將吞拿魚刺身放上，最後再鋪上粉紅色白飯。
   
4. 從上方拎起模具，同時注意壽司有否散開並按情況隨時輕壓。
   
5. 將切成細絲狀嘅日式玉子燒鋪於上方，然後撒上三文魚籽，最後放上已事先切好嘅青瓜。
   
6. 按個人喜好，於周圍以和菓子或糖果作裝飾，令成品賣相更加精緻！