【WFH良伴】食極都唔會肥嘅健康零食？有助改善鼻敏感嘅綠茶？靜岡縣特產大特集！

相信只要係日常有追蹤開FUN! JAPAN嘅讀者，都大概曾經喺Facebook見過編輯部推薦靜岡縣食材嘅報導—實不相瞞，由靜岡縣直送香港嘅特產現正默默人氣急昇中！先係有自動販賣機、期間限定出店，再有2021年1月舉行嘅商談會。正正係因為呢個無得去日本（想去都去唔到）嘅時期，所以只要能夠喺香港買到各式日本產品，都總算係心靈有返啲慰藉！有見及此，小編今次將會繼續為大家介紹靜岡縣特產，再介紹備受各位專業買手關注嘅話題產品。喺呢篇文章中登場嘅食物，話唔定今後將會喺香港爆紅…！？

陸續有嚟！靜岡縣特產連日本人都大推

喺過往嘅文章內，編輯部曾經為大家介紹過wasabi、沙律醬、調味料等各式各樣靜岡縣特產，但值得推薦嘅又點只得咁少吖！以下商品而家全部都可以喺網上輕鬆買得到，想要入手嘅朋友記得把握最後機會！

茶客大注目！話題「紅富貴」究竟係乜東東？

靜岡縣茶葉產量佔日本全國整體約40%，因此自古以來就係一處著名茶葉出產地。云云茶種當中，近年又以「べにふうき（紅富貴）」備受茶客注目。「紅富貴」屬紅茶・烏龍茶系品種，並獲「日本農林水產省」登錄認證。作為天然國產綠茶之一，「紅富貴」一律不含人工香料、著色劑、防腐劑等添加物。重點係有助改善季節性鼻敏感，「富貴」意頭亦夠晒好！

■紅富貴茶粉（條裝）

以紅茶茶葉輔以綠茶製法製成，味道有如紅茶般順滑澀口得來又帶點醇厚茶香。

條狀獨立包裝已為大家準備好1次沖泡分量，簡單沖水飲，即刻可以泡出好茶！

■紅富貴啫喱

靜岡縣「三日蜜柑」化身為包裝啫喱飲品！蜜柑口味爽口醒胃，內含成分對轉季時眼睛或身體疲勞非常有效。

同場加映：過一個充實嘅STAY HOME生活！日式料理愛好者必買煎茶與湯包

■Roasted Matcha 焙茶粉末茶 40g

茶葉於無農藥環境下種植而成，可愛動物包裝設計叫人耳目一新！

■高湯茶包（飛魚、西伊豆戶田鹽)

唔講唔知，原來高湯茶包而家正喺日本吹起一股熱潮—竟然係將日本酒加入茶包，然後一齊煲熱嚟飲！

就如日本會將河豚魚鰭炙燒後放入清酒飲用，魚介類鮮味完美融入日本酒，今後將會有更多日本餐廳提供新穎飲法！

零罪悪感！？有呢堆健康零食就唔怕肥啦！

話詁小編身邊有唔少著重健康意識嘅香港朋友，都會以「有益健康」為大前提挑選一日三餐及零食。如果您都係著重飲食嘅健康寶寶，咁下面呢堆由小編為您精心挑選嘅零食就fit晒！

■伊豆須崎產心太三杯酢（左）
■伊豆須崎產心太抹茶蜜與紅豆餡（右）

可能大部分香港人都對「心太（ところてん）」（海藻食品）唔太熟悉，但其實「心太」喺日本係被視為健康效果極高嘅食材，而且冰涼口感就最適合香港一年四季都咁熱嘅天氣！「心太」內含豐富水溶性・不溶性食物纖維，不單只有助改善便秘，重點係卡路里接近零，可謂360度無缺點嘅減肥人士福音♥另外仲設有wasabi口味𠻹。