大家耳熟能詳嘅SABORINO懶人面膜又有新商品登場！為咗令平日工作忙碌嘅朋友，都可以夜晚早啲上床瞓返個「美容覺」，因此品牌就推出呢款全新晚安面膜系列基本商品。除咗目前已上市嘅洋甘菊柑橘香滋潤舒緩款之外，貪靚一族從此又多一項新選擇「溫和款蘆薈蜜桃香」！新商品已經喺2月8日率先於日本上市，而台灣同香港據聞都會有計畫上架，以下就一齊嚟睇睇今次嘅新商品有咩特別之處啦～
肌膚狀態唔穩定？「SABORINO 晚安面膜 溫和款蘆薈蜜桃香」幫到您！
呢款名為「溫和款蘆薈蜜桃香」嘅晚安面膜，非常適合於肌膚唔穩定嘅狀態下使用，能夠有效集中滲透至角質層並滋潤肌膚，而且內裡添加咗桃葉及蘆薈等溫和不刺激成分，亦不含酒精及薄荷醇，更通過日本敏感肌膚測驗，屬於敏感肌膚嘅朋友都可以安心使用！只要夜晚沖完涼後敷上面膜，60秒就可以完成化妝水+乳液+美容液+乳霜+面膜，絕對係一眾懶人嘅慳時間保養救星。
※若使用後有任何過敏現象發生，請立即停止使用，並詢問皮膚科醫生。
SABORINO懶人面膜系列 榮獲100項化妝品獎項
除咗發佈新商品面世之外，品牌同時亦宣布另一項好消息，就係SABORINO懶人面膜系列從2015年推出以來，共榮獲100項化妝品獎項殊榮。至今為止，全球出貨量已達5億片，相信大家應該都有用過最基本嘅黃色早安面膜吧。懶人面膜系列共通特色就在於，除咗洗臉、化妝水、乳液一次搞掂之外，亦有效改善夏天脫妝問題。
早安面膜基本款有黃色包裝嘅元祖「水果草本清香的滋潤清爽款」、桃紅色「綜合莓果香濃厚保濕款」，以及白色包裝「柑橘草本香的舒活植物款」。晚安面膜基本款則係前面提過嘅深藍色包裝「洋甘菊柑橘香的滋潤舒緩款」，以及今次新上市嘅「溫和款蘆薈蜜桃香」。
招牌商品以外，品牌每年春天亦會推出櫻花限定款，秋冬則會推出奢華保濕款。
SABORINO品牌宗旨
「令未來嘅我變得更輕鬆」係SABORINO面膜系列嘅宗旨。考慮到為咗想變得更靚，但又無辦法花好多時間於保養肌膚嘅用戶，只需要各花60秒就能夠完成早上及晚上保養，令各位可以有更多私人時間充實自己想要嘅生活，話係市面上慳時間保養嘅始祖都完全唔誇張！仲未用過嘅朋友，不妨踏出您嘅第一步，話唔定SABORINO面膜會成為您慳時間嘅美容小幫手啊！
Comments