2月23日「天皇誕生日」係日本國定公眾假期之一，亦係唯一一個日期會隨著天皇陛下世代交替而變動嘅公眾假期。究竟呢個係一個點樣嘅公眾假期呢？天皇又係乜嘢人物？今次，FUN! JAPAN編輯部就會為大家講解一下基本簡單知識與「天皇誕生日」嘅由來！
何謂天皇？
根據《日本國憲法》，天皇為日本國民統合之「象徵」，其地位係基於日本國民之總意而維持。天皇無參與國政嘅權力，原則上僅能夠行使憲法規定之國事行為。
天皇嘅工作係？
天皇為日本嘅象徵，平常亦會行使國事行為與一般公務。從任命內閣總理大臣、親授勳章、迎接外國大使與公使受等維持國家運作之相關行為，以及訪問受災地，參加各種頒獎儀式等一般公務。除此之外，天皇仲會出席自古流傳落嚟嘅「宮中祭祀」。
天皇誕生日嘅由來
根據《祝日法》規定，2月23日被制訂為「慶祝天皇陛下誕生之日」嘅「天皇誕生日」。歷史上，呢一日最初係源自奈良時代（西元710～794年）・光仁天皇生日，當時嘅「天皇誕生日」被稱作「天長節」，取自「天長地久」，意味著天皇治理天下能如永恆天地般長長久久。從此之後，天長節就配合天皇即位而設立，普天同慶，並於1948年《祝日法》使用「天皇誕生日」這個名稱，沿用至今。
天皇誕生日嘅慶祝活動
日本每年都會歡慶天皇陛下生日，天皇會接受皇太子、皇族成員、內閣總理大臣等多方祝賀，亦會舉辦「一般參賀」，接受日本國民祝賀。天皇與皇后兩位陛下會偕同皇族成員，不定時現身於宮殿陽台，直接接受國民祝賀，每年都會有幾萬人參加㗎！
天皇誕生日隨天皇更迭而變更
改換天皇後，天皇誕生日嘅日期都會隨之更改。2020年前，天皇誕生日被定於12月23日。隨著上一任天皇退位，新一任天皇繼位，從2021年開始天皇誕生日就被改訂為2月23日。
另外，隨著日期更動，日本都有唔少將上一任天皇嘅生日以其他名義制定為國定假日嘅情況。例如：文化之日、昭和之日，其實都係歷代天皇嘅生日！
Comments