HELLO KITTY迷與動漫迷必去聖地！兵庫縣淡路島人氣設施「HELLO KITTY SMILE」、「NIJIGEN NO MORI」

位於淡路島西海岸嘅新媒體藝術＆餐廳「HELLO KITTY SMILE」，以「海中HELLO KITTY」為主題，讓您體驗神秘嘅「乙姬龍宮城」海中世界。夕陽西下，播磨灘無限遼闊嘅海景盡收眼簾，喺HELLO KITTY環繞嘅餐廳裡面，品嚐使用淡路島食材製作嘅美食佳餚，享受著奢華之旅♡！除此之外，「HELLO KITTY SHOW BOX」、卡通樂園「NIJIGEN NO MORI」，以及日本建築大師安藤忠雄設計嘅建築物等，都係您不可錯過嘅觀光景點！

以「海中的HELLO KITTY」為設計理念嘅「HELLO KITTY SMILE」

以「海中的HELLO KITTY」為設計理念嘅新媒體藝術＆餐廳「HELLO KITTY SMILE」。高約11公尺、直徑約有14公尺嘅大型HELLO KITTY，係設施最大象徵，喺「HELLO KITTY SMILE」可以眺望播磨灣。進入到海中世界「乙姬龍宮城」後，前嚟迎接嘅係親子龜。您可以同珊瑚或海龜傾計交談非常過癮，仲可以齊齊唱歌跳舞啊。閃閃發亮嘅萬花筒，令人宛如進入「龍宮城」嘅迷宮世界！

「HELLO KITTY SMILE」裡面設有四個唔同主題嘅餐廳，例如喺「玉手箱餐廳（レストラン玉手箱）」可以品嚐到使用淡路島與日本產食材所製作、對身體零負擔嘅單人鍋物料理。喺「GARDEN TERRACE（GARDENテラス）」庭園裡邊賞海景邊嘆美食。另外亦設有紀念品販售處，可以購買到HELLO KITTY相關飾品、小手袋、日式小物等商品，送禮自用得宜！

HELLO KITTY SMILE

地址：兵庫県淡路市野島蟇浦985-1
交通方式：由明石站步行約10分鐘至明石港，搭高速船淡路JENOVA LINE約13分鐘至岩屋港，隨後轉搭接駁巴士約25分鐘至「HELLO KITTY SMILE」巴士站落車。其他相關交通資訊，請參考以下官網。
費用：一般2,300日圓／中學・高中生1,500日圓／兒童（4～12歲）800日圓／銀髮族（65歲～）800日圓／3歲以下免費／親子票（成人1名+兒童1名）3,000日圓
官方網站
票券預約

※由於受到疫情影響，可能會有臨時休業或營業時間變更嘅情形發生。出發前請先上官方網站查詢營業時間後再出發。

「HELLO KITTY SHOW BOX」觀賞HELLO KITTY精彩歌舞表演品嚐純素食和無麩質美味料理

劇場型餐廳「HELLO KITTY SHOW BOX」處處充滿驚喜，可以欣賞得到隨季節變換、載歌載舞嘅HELLO KITTY迷你歌舞SHOW。實現夢想嘅鋼琴家HELLO KITTY一登場，魅力四射嘅演出令會場氣氛高揚。使用最新技術嘅HELLO KITTY全像3D以及光雕投影等令人目不轉睛。表演最後設有影相時間，可以同HELLO KITTY齊齊合照啊！

「HELLO KITTY SHOW BOX」餐點係不使用肉、魚、蛋以及麵粉，提供對身體零負擔嘅純素食和無麩質嘅美味料理。下午茶時間可以品嚐到HELLO KITTY造型嘅得意又趣緻嘅特製蛋糕等。下午三點開始有HELLO KITTY迷你歌舞表演以及影相時間，記得下個旅程要去同萬人迷HELLO KITTY齊齊留下難忘又可愛嘅回憶！

HELLO KITTY SHOW BOX

地址：兵庫県淡路市野島平林177-5
交通方式：由高速船淡路JENOVA LINE「岩屋港」搭免費接駁巴士至「HELLO KITTY SHOWBOX」，落車後步行3分鐘。
費用：【中餐】一般6,800日圓（不含稅）、兒童（4～12）歲3,400日圓（不含稅）、【下午茶】1,250日圓起（不含稅）
官方網站
票券預約

※由於受到疫情影響，可能會有臨時休業或營業時間變更嘅情形發生。出發前請先上官方網站查詢營業時間後再出發。

動漫樂園「NIJIGEN NO MORI」用全身感受自然、體驗活動筋骨嘅樂趣

位於兵庫縣立淡路島公園裡，以動漫、科技、自然為主題嘅新感覺主題樂園。實體大嘅哥斯拉遊樂設施於2020年正式登場！透過高空滑索衝入哥斯拉嘅大嘴巴裡面新奇又刺激，再用專用槍射擊哥斯拉細胞，驚心動魄嘅射擊遊戲一定會令您回味無窮！

另外，「蠟筆小新冒險樂園」以人氣卡通「蠟筆小新」為主題，可以邊親親大自然，邊體驗多項遊樂設施。例如高1～8公尺嘅大型競技遊戲、水上滑索、反向高空彈跳、恐怖驚險屋以及猜謎遊戲等，等您下次嚟挑戰！

「NARUTO＆BORUTO 忍里」重現忍者卡通「NARUTO（火影忍者）」與「BORUTO（火影新世代）」嘅世界觀，可以用頭腦以及身體挑戰巨大立體迷宮或猜謎等忍者訓練。

以手塚治虫「火之鳥」為主題嘅燈光和光雕投影，將園區夜晚點綴得更加耀眼奪目。漫步於全長約1.2公里嘅「夜遊火之鳥」森林，享受與白天截然不相同嘅景色。

「MORI NO TERRACE（モリノテラス）」餐廳備有「怪獸王哥斯拉咖哩（怪獣王ゴジラカレー）」，喺哥斯拉腳型嘅白飯淋上黑咖哩、紅辣油，增添哥斯拉嘅意境。另外仲有「NARUTO×BORUTO忍里」聯名餐點等，眾多獨家料理只有喺呢度先享用得到啊！

NIJIGEN NO MORI

地址：兵庫県淡路市楠本2425番2号
交通方式：由明石站步行約10分鐘至明石港，搭高速船淡路JENOVA LINE約13分鐘至岩屋港後，再轉搭接駁巴士約3分鐘至「NIJIGEN NO MORI」落車。其他交通方式請參考下列官網。
費用：入園費免費。每項遊樂設施皆須購票。「迎戰哥斯拉」3,800日圓、「NARUTO＆BORUTO忍里」3,300日圓、「夜遊火之鳥」2,500日圓（皆為成人費用）
官方網站

※由於受到疫情影響，可能會有臨時休業或營業時間變更嘅情形發生。出發前請先上官方網站查詢營業時間後再出發。

建築大師「安藤忠雄」終極設計擁有大自然美景嘅度假村設施「淡路夢舞台」

「淡路夢舞台」位於兵庫縣淡路市，擁有豐富自然美景嘅度假村設施，亦係建築大師「安藤忠雄」極致設計嘅建築物。園區內部設有「GRAND NIKKO AWAJI」酒店、餐廳與購物商店、以「奇蹟之星的植物館」命名的溫室，以及可以體驗得到露天音樂會或表演嘅「野外劇場」。

淡路夢舞台

地址：兵庫県淡路市夢舞台2番地
交通方式：由JR「舞子站」搭乘高速巴士約20分鐘，或由「三之宮站」搭高速巴士約45分鐘。

HELLO KITTY迷與動漫迷必去聖地！兵庫縣淡路島人氣設施「HELLO KITTY SMILE」、「NIJIGEN NO MORI」

以「海中的HELLO KITTY」為設計理念嘅「HELLO KITTY SMILE」