春天嘅櫻花、夏天嘅薰衣草以及紫陽花，日本四季盛開著各種燦爛嘅花卉。當中，波斯菊日文名為「秋櫻（コスモス）」，正如其名，係代表秋天嘅花卉。波斯菊花瓣色彩繽紛，隨風飄揚嘅姿態美不勝收。一去到盛開季節，為咗一睹風采而特登去觀賞嘅遊人非常多。本文將為您推薦淡路島上必訪嘅波斯菊花海！溫暖嘅氣候，令淡路島一年四季都盛開著多種美麗花卉，您可以喺島內近距離賞花以及盡情遊賞大自然景點！
9品種、約50萬株波斯菊 盛開於「兵庫縣立公園淡路花棧敷」山丘上
「兵庫縣立公園淡路花棧敷」係位於淡路島北部丘陵山頂、海拔約298～235公尺之處嘅公園，佔地面積約為15公頃。可以遠眺明石海峽、大阪灣，仲可以欣賞四季變遷下嘅花田美景。特別推薦園內嘅展望台，可以飽覽美麗景緻。
波斯菊嘅最佳觀賞時期為每年10月上旬至11月上旬左右，9個品種、約50萬株嘅波斯菊靚到美不勝收。淡路花棧敷亦有種植品種稀有嘅花卉，例如擁有獨特管狀花瓣嘅「海貝」等。特別係秋季到冬季期間，空氣十分清新，正正係欣賞美景嘅最佳時期！
兵庫縣立公園淡路花棧敷
- 地址：兵庫県淡路市楠本2805‐7
- 交通方式：由明石港搭「明石－岩屋」船班至岩屋港（岩屋ポート）下船，之後轉搭的士約15分鐘即可抵達。
- 入園費用：免費
色彩繽紛波斯菊花海 「淡路島 國營明石海峽公園」
「國營明石海峽公園」佔地約40萬平方公尺，廣大園區裡開著時令花卉。園區裡面精彩景點眾多，例如以章魚為造型嘅「章魚林木造型藝術 」，以花卉為設計重點嘅庭園「星移物換之庭 」，漂浮著天鵝船嘅「花之中海 」等，充滿個性嘅花卉景點令人目不暇給。想觀賞盛大壯觀嘅花田，推薦您前往「白樺之丘」欣賞紅、粉、白、橙等萬紫千紅嘅波斯菊。除「白樺之丘」之外，種植超過3萬株波斯菊嘅「大地彩虹」亦係不容錯過嘅景點！
淡路島 國營明石海峽公園
- 地址：兵庫県淡路市夢舞台8-10
- 交通方式：自三宮站搭高速巴士約45分鐘，至「夢舞台前」巴士站落車，之後步行約3分鐘即抵達「東浦口大門」。
- 入園費用：450日圓
「淡路農場公園 英格蘭山丘」 10萬株嘅波斯菊繁花似錦
「淡路農場公園 英格蘭之丘」為農業公園，可以係呢度邂逅樹熊或兔子等得意小動物，以及製作手工麵包、體驗採摘蕃薯或番茄，仲可以欣賞到隨著四季變遷嘅花卉景色。每年11月上旬盛開萬紫千紅嘅波斯菊，將園內花壇以及花田點綴得色彩繽紛。盛開數量多達約10萬株嘅「大花田」如夢似幻，相當吸睛驚嘆連連！大花田中心區域設有步道以及觀景台，可以影返幾張靚相留念啊。推薦您嚟悠悠欣賞隨風搖曳多彩嘅波斯菊！
淡路農場公園 英格蘭山丘
- 地址：兵庫県南あわじ市八木養宜上1401番地
- 交通方式：由JR大阪站或阪急梅田站搭高速巴士約2小時至2小時30分鐘至洲本巴士中心，之後轉搭往福良嘅路線巴士約30分鐘，至英格蘭山丘巴士站落車後，步行約1分鐘即可抵達。
- 入園費用：1,000日圓
- ◎關於休園日等詳細資訊，請洽詢官方網站。
Comments