神戶賞楓去邊度好？以下為您介紹三個小編推薦嘅神戶市內人氣賞楓景點！無論係富有異國情調嘅「北野異人館」，可以俯瞰神戶港美景嘅「神戶布引香草園」，或者係可以親親大自然嘅療癒景點「神戶市立森林植物園」，神戶市內嘅賞楓景點各有各特色，下次秋天去神戶嘅話記得要排入行程啊！
北野異人館 紅葉＆甜品一次過滿足3個願望
「北野異人館」係第一次去神戶嘅觀光客必去嘅人氣景點。明治時代（1868年）開港之後，神戶嘅外國人增加，北野一帶就成為外國人嘅居住地。明治時代至昭和時代初期約有200幾棟西洋風建築，即使係戰後1960年代仍有接近200幾戶。後來隨著經濟成長，北野異人館嘅老舊建築亦不得不面臨前所未有嘅破壞，所幸喺當地居民與各方嘅支持之下，開始致力保存，見證著神戶歷史嘅珍貴建築物。時至今日，北野異人館街已成為神戶市著名嘅觀光地。
「北野天滿神社」係絕不能錯過嘅賞楓景點，喺「北野天滿神社」可以將神戶街景一覽無遺。同寺院、神社為主嘅賞楓景點唔同嘅係，北野異人館街嘅可愛之處就係有多姿多采嘅洋風建築作點綴，喺充滿異國情調氛圍嘅巷弄之中，下個轉角處就可能遇見令您難忘嘅紅葉景致。神戶北野地區特殊嘅歷史文化背景，打造出獨一無二嘅飲食文化。賞完紅葉之餘，您仲可以喺異人館街品嚐到全球30多國嘅料理，各式各樣嘅甜品和手信好禮亦係您不容錯過。
神戶布引香草園 楓葉與波斯菊嘅協奏曲
由北野異人館街徒步行約10分鐘，可抵達「神戶布引香草園」纜車山麓站。神戶布引香草園係擁有纜車、戶外花園、溫室花園、餐廳、咖啡廳嘅複合式設施，美輪美奐嘅洋風建築坐落喺標高約400公尺嘅山頭上，猶如一座歐洲城堡，喺展望台可以將神戶港、神戶街景盡收眼簾。您可以喺「神戶布引香草園」參與手作精油、手作香氛袋……等體驗。
神戶布引香草園一年四季都可以欣賞到唔同嘅花卉。如果您係喺秋天時到訪，10月上旬至12月上旬左右可以賞波斯菊，11月上旬至12月上旬可賞楓。另外，神戶布引香草園嘅精緻料理更值得一嚐。欣賞完美麗風景，唔好唔記得要嘆番杯咖啡、再食個飯，然後買份精緻嘅手信啊。
神戶布引香草園
- 地址：兵庫県神戸市中央区北野町1-4-3
- 交通方式：搭神戶市營地下鐵於「新神戶」站落車後，徒步5分鐘於神戶布引纜車山麓站搭纜車，約10分鐘於山頂站落車即抵達。
- 費用：一般（高中生以上）1,500日圓，中小學生750日圓，7歲以下小童免費。費用包含纜車往返費用與入園門票。
神戶市立森林植物園 異國港都嘅日式情懷
「神戶市立森林植物園」自1940年完工以嚟已有超過80年歷史，總面積佔地約142公頃，種植咗約1200種嘅樹種，每年平均有23萬人造訪。除咗有日本原生樹種之外，其中有500種為國外引進嘅樹種，可欣賞到多元嘅植物樣態。「神戶市立森林植物園」唔單只係許多鳥類、昆蟲嘅重要棲息地，亦係當地居民與遊客休閒放鬆嘅好去處。
「長谷池」周邊種有各種品種嘅楓葉，黃色、橘色、紅色嘅楓葉，從初秋到晚秋時節演繹出唔同嘅景緻。您可以喺池邊漫步捕捉紅葉嘅各種姿態，或者係坐喺長櫈上靜靜地欣賞好似油畫般嘅美景，11月左右仲會舉辦夜間點燈活動。紫陽花係神戶市之花，神戶市立森林植物園內種有超過1,000株紫陽花，初夏時節亦非常適合去賞花啊。
神戶市立森林植物園
- 地址：兵庫県神戸市北区山田町上谷上字長尾1-2
- 開園時間：9:00～17:00（最後入園時間16:30）。每周三公休，如遇假日則隔日休。
- 入園費用：一般300日圓，中小學生150日圓
- 交通方式：搭神戶市營地下鐵於「北鈴蘭台」站轉搭免費巴士至植物園入口落車。
Comments