「丹波地區」位於兵庫縣嘅東北方，與京都府接壤，係兵庫縣內唯一位於內陸嘅行政區域。距離大阪、神戶車程約1個半小時，往北亦可以順道遊覽「城崎溫泉」、「竹田城跡」、「出石城下町」…等知名景點。而丹波嘅物產相當豐富，盛產日本知名嘅「丹波三寶」，「丹波紅葉三山」更係兵庫縣內知名嘅紅葉秘境。以下將為您介紹如何喺丹波享受一場玩得開心、又食得過癮嘅秋天之旅。
丹波三寶：栗子、紅豆、黑豆
日本人嘅飲食文化當中，栗子、紅豆、黑豆佔有重要嘅一席之地。呢三樣正正係丹波引以為傲嘅「丹波三寶」！丹波所出產嘅「丹波栗」、「丹波大納言紅豆」、「丹波黑豆」喺日本國內可以話係家喻戶曉嘅高級品種，一場嚟到產地嘅您當然唔可以錯過一嚐地道好滋味嘅機會啦。
「丹波栗」被稱為日本第一嘅栗子，唔單只適合製成各種日式、西式甜品、雪糕，仲可以製作成栗子飯、炸物……等各種鄉土料理。日本嘅摘水果等體驗成日都會聽見，秋天時去到丹波，您仲可以喺栗子農園體驗「執栗子」嘅樂趣，呢個「執栗子」體驗只有喺產地先可以實現嘅特別體驗喔。
「丹波大納言紅豆」嘅起源地位於丹波市春市町，皮薄、唔容易煮爛，擁有美麗色澤、充足香氣和甜度係最大特徵，於江戶時代係貢獻畀幕府嘅高級品，至今仍然係日本國產紅豆當中嘅高級品牌。11月至2月舉辦「紅豆湯節（ぜんざいフェア）」，您仲可以喺丹波市內品嚐到各種紅豆甜品。
黑豆帶有吉祥嘅意思，喺日本過年時食嘅年菜以及高級和食當中老是常出現。要煮出好食嘅黑豆，必須經過長時間熬煮，仲要耐得住火侯，色澤飽滿、內餡與口感均為上乘之選嘅「丹波黑豆」，自然成為日本人心目中最有代表性嘅高級品種。
丹波紅葉三山 不輸京都賞楓秘境
賞楓唔想人迫人？咁就去丹波喇。楓樹係丹波市嘅代表樹木，每到11月左右係最佳觀賞期，寧靜嘅古剎和綿延嘅山巒被紅葉染紅，茂密嘅楓葉喺參道上交織成為楓葉隧道，無疑係丹波最美麗動人嘅季節。以下係您介紹丹波必去嘅三大賞楓景點「丹波紅葉三山」――高源寺、石龕寺、圓通寺。
高源寺
高源寺係鎌倉時代（1325年）由遠谿祖雄禪師所開創。境內有約200棵楓樹，其中以遠谿祖雄禪師喺中國唐朝嘅天目山修行時帶返日本嘅「天目楓」最聞名。每年11月初旬開始逐漸變色，係高源寺境內嘅紅葉最佳觀賞期，由入口開始去到山門參道上嘅楓葉隧道更係靚到令人屏息。
高源寺
- 地址：兵庫県丹波市青垣町桧倉514
- 參拜時間：4月～9月8:00～16:30，10月～3月8:30～16:30（17:00關門）
- 參拜費用：一般300日圓，中小學生100日圓，幼兒免費
- 交通方式：自JR「柏原」站或「石生」站搭巴士於「佐治」落車後，轉搭的士約10分鐘
圓通寺
圓通寺係1382年由當時嘅室町幕府將軍足利義滿受天皇之命所創建嘅古寺。唔單只秋天紅葉，春天櫻花和初夏紫陽花都非常有名。圓通寺境內幅員廣大，每年11月可從各種角度欣賞到美麗紅葉。其中絕對唔可以錯過嘅就係入口處嘅紅葉隧道和倒映喺放生池嘅景色。
圓通寺
- 地址：兵庫県丹波市氷上町御油983
- 參拜費用：免費。紅葉祭期間入山費用每人300日圓
- 交通方式：自JR「柏原」站或「石生」站搭巴士約25分鐘於「幸世橋」落車後徒步約20分鐘
石龕寺
石龕寺據聞係飛鳥時代（587年）由聖德太子所創建嘅名剎，與高源寺、圓通寺一同被稱為「丹波紅葉三山」而廣為人知。山門兩側嘅金剛力士像約莫喺西元13世紀中期左右完成，被指定為日本國家重要文化財。11月時會舉辦紅葉祭，晚上仲會有點燈活動。
石龕寺
- 地址：兵庫県丹波市山南町岩屋2番地
- 參拜費用：免費，紅葉祭期間入山費用每人300日圓
- 交通方式：自JR「谷川」站車程約15分鐘
Comments