「節分」係日本一年當中嘅傳統活動之一。日本人會喺呢一日一邊撒豆，一邊大叫：「鬼出去！福進來！（鬼は外、福はうち）」，將唔吉利嘅事物趕出家門，希望大家能夠健康快樂地過生活。另外，每逢節分之日，日本人都會朝著當年嘅吉位方向食「惠方卷」，希望討個吉祥好意頭。FUN! JAPAN過去已曾經介紹過節分撒豆習俗，今次則會為大家解說節分之日飲食文化—「惠方卷」嘅由來。
何謂「節分」？
四季開始嘅節氣前一天皆稱為「節分」，因此過去劃分四季嘅「立春、立夏、立秋、立冬」前一日都屬於「節分」。江戶時代之後，日本人就習慣只稱呼立春前一日為「節分之日」。
何謂「惠方卷」？
「惠方」指嘅係掌管該年幸福歲德神所在嘅吉位，每年方位都會改變。據聞只要朝著當年惠方方向，將一整條完整不切嘅壽司卷，便可「招福結善緣」。而且，食嘅時候唔可以講嘢、傾計，如果唔係幸運就會溜走！因此食惠方卷時最好都係安安靜靜地食完整條惠方卷～
惠方卷餡料各有意義
惠方卷內包著各式各樣嘅食材，最基本嘅惠方卷一般都會用上7種食材。數字「7」象徵吉利，令人聯想起七個寶物、七福神。日本人會將七種食材用紫菜捲起嚟，祈求能將福氣包起，招來好運。
- 香菇：自古以來就係獻給神明嘅貢品。雨傘般嘅形狀就像打仗用嘅斗笠，有守護、保護嘅含意。
- 鰻魚（星鰻）：意謂出人頭地、步步高昇。另外，鰻魚長長身軀亦代表長壽。
- 蒲瓜乾（瓠瓜乾）：細長形狀，祈求活得長長久久。
- 蝦子：象徵健康長壽。
- 伊達卷（厚玉子燒）：黃色象徵財富豐收、財運亨通。
- 櫻花色飯素：將鯛魚等白肉魚炒鬆，添加色素染成粉紅色。鯛魚象徵吉祥「可喜可賀（めでたい）」，以櫻花粉色增添華麗。
- 青瓜：日語發音為「KYURIきゅうり」，就是9（きゅう）＋利（り），象徵能夠帶來九種利益。
2021年嘅節分之日居然係2月2日！？
到目前為止，好多日本人都認為節分之日就係2月3日，不過如前面文章所述，節分並非一個固定日期，而係「立春前一日」。由於2021年嘅立春係2月3日，因此今年嘅節分之日就係2月2日！上一次節分之日係2月2日嘅時候，居然已經係124年前呢！
身處香港嘅各位今日都不妨試吓整「惠方卷」，面朝吉位，靜靜地品嚐惠方卷嘅美味，體驗一下日本特有嘅傳統活動吖。講開又講，2021年嘅吉位係南南東喔！
Comments