電視電影、音樂串流、雜誌購讀…相信大家都對現代各種「訂閱．訂購（Subscription Service）」唔會陌生—但魚類・刺身原來都可以「定期訂購」，您又有無聽過！？
更犀利嘅係，您可以網上訂購從日本直送到香港嘅鮮魚！既可以避開街上人潮、唔踏出家門一步就可以簽收來自日本大海嘅魚鮮，仲可以食到放心食用嘅刺身。如此夢寐以求嘅服務，到底係點運作嘅呢…？
榮登FUN! JAPAN香港讀者投選出「我最喜愛的料理」首位嘅「壽司・刺身」，可能由2021年開始都會出現「新常態」！？
Q：何謂「魚類・刺身定期訂購服務」？
即係將於日本各產地捕獲嘅魚類、直接送到用戶手上嘅定期訂購服務。頻度由每年最少1次起跳，用戶可以自行選擇所需次數，身在香港就可以收到來自日本嘅刺身品質新鮮鮮魚。
今次要為大家介紹嘅，係將宮崎縣精選新鮮魚類打包成套裝，再定期送到閣下府上嘅「MARUTETSU」服務。安坐家中就可以食到最新鮮嘅日本味道，太幸福了吧～～～！
Q：用戶會收到咩刺身呢？
每次訂購，都會包括以下7款刺身，份量足夠5至6人食，勁足料超豐富！普通家庭相信大概可以分開2至3次食都完全OK！
西米良三文魚＆葡萄紅甘（杜氏鰤）
於九州山中小鎮西米良村培育嘅日本國產三文魚（左）與將粉末狀葡萄果皮當飼料餵飼而成嘅紅甘（杜氏鰤）（右），脂肪恰到好處，鮮味甜味皆絕不欺場！
勇進真鯛＆黃金扁口魚
由「勇進水產」培育嘅真鯛（左）於無壓、寬敞嘅魚塘或水槽下成長，因此可養殖出肉質格外優質嘅魚肉。另一方面，黃金扁口魚（右）則由於身體帶金色，因此日本人一般深信食用黃金扁口魚有助帶來財運、福氣㗎～
香葱吞拿魚腩＆吞拿魚生火腿片＆宮崎・鹿兒島縣產菱鰭烏賊
各位香港人都超鍾意嘅吞拿魚，今次派出香葱吞拿魚腩（左）與吞拿魚生火腿片（中）登場！不妨同宮崎縣、鹿兒島縣捕獲嘅菱鰭烏賊（右）比較一下唔同嘅口感吖～
Q：訂購服務會用邊種郵寄方法出貨？
魚生將採用冷凍空運送貨而並非EMS或DHL，從宮崎縣出貨後大約2日時間就會到香港，所以唔使擔心品質會有影響，保證各位會食到保持鮮度嘅日本當造鮮魚！
更重要嘅係，由於魚生係於冷凍狀態下送達，所以收到貨後先決定幾時食、或點樣食都未遲！無論係當作刺身、將魚生切片後即食，定係先開個家庭會議、考慮用咩獨家食譜烹煮魚生，一律悉隨尊便！由收到宮崎縣直送鮮魚後「拆禮物」嘅瞬間開始，直至將魚生放入口一刻，每個過程都充滿期待♬
不過可能有人會話，喺屋企切刺身好似有啲難度，有無方法可以係連「地獄廚神」都可以整出好似專業餐廳咁嘅程度呢？「MERUTETSU」早有準備，為大家預備咗全7款魚生嘅推薦食法，以及切片方法處理。立即去片↓
Ｑ：訂購魚生服務係由邊間公司提供呢？
本服務由「有限会社丸哲」負責提供。「有限会社丸哲」係一間於宮崎縣宮崎市設置總公司・加工場嘅公司。品牌以宮崎黑潮海流為據點，將九州捕獲得來嘅吞拿魚、鰹魚等魚介類寄送至日本全國甚至係世界各國。品牌至今已經經營超過60年，由老字號出品嘅食材既食得安心又有安全保證！
有關「MARUTETSU」嘅介紹可參閱以下影片，由漁港入貨日常至每日劏魚情況都一一收錄在內↓
Q：最緊要都係個「錢」字—究竟訂購服務點樣收費？
到頭來，FUN! JAPAN讀者們最關心嘅都係服務收費吧？價錢因訂購次數而異，如果係1年訂購1次的話，費用大概為HKD600～700左右。記住，每次都會送上5至6人分量嘅刺身，所以比起喺街外日式餐廳或居酒屋，CP值可以話係超高！有唔少香港讀者都表示每個禮拜都會至少食1次壽司・刺身，小編已經可以預計會有人每年都買幾次呢（笑）。
■FUN! JAPAN限定！新服務上架記念優惠
多謝各位睇到最後～為咗報答FUN! JAPAN讀者，因此編輯部將特別推出優惠計劃，向首50名訂購嘅讀者（每人限1次）提供試食套裝！雖然話係「試食」套裝，不過內容同一般訂購內容一樣，定價HKD600～700改為讀者限定優惠價HKD500大酬賓，仲要包埋直送府上嘅郵費！優惠先到先得！
試食套裝一樣都會有齊上文介紹嘅7款刺身，實在係太佛心～～～MARUTETSU公司準備就緒好後，大大份刺身就會隨時寄出。再講一次，優惠為數量限定，有興趣嘅朋友可以直接去下面條link（Facebook頁面）進行訂購。
先到先得！要訂購試食套裝就要趁早！
有關本服務嘅查詢或商品訂購詳情，可到以下Facebook專頁或電郵地址。
- Facebook：https://www.facebook.com/japanlocalproducts
※可對應廣東話・英文 - Mail：[email protected]（日本産地直送有限公司）
- 購買連結：特價 7款刺身套餐（中）、Seven Types of Sashimi Set
sponsored by 日本產地直送有限公司
Comments