黑毛和牛、神戶牛、宮崎牛有什麼分別？如何區分？日本和牛種類介紹

將「和牛」照字面解，意思即係「日本牛肉」—只不過大家又知唔知道，並非所有日本國產牛肉都可以被分類為「和牛」呢？如果想要購買或品嚐「真．和牛」，就要記得留意標籤說明！立即用幾分鐘時間細讀以下日本和牛懶人包，保證您以後唔會再「傻傻分不清」！

新手必知！喺日本可以食到邊幾種牛肉？

各位現時可以喺日本食得到嘅牛肉，主要可分為「和牛」、「國產牛」以及「輸入牛」3種。各款牛肉定義如下：

和牛

自古至今，於日本作為食用專用品種而被培養嘅牛隻。目前獲國家認證嘅，可分為黑毛和牛、褐毛和牛、無角和牛、日本短角牛，一共4種。

• 黑毛和牛：佔和牛整體比例約9成，著名品種包括神戶牛、宮崎牛等品牌牛。特徵為牛肉呈霜降狀。
• 褐毛和牛：代表品種包括肥後牛、土佐和牛等品種。特徵為肉質含有較多紅肉（赤身）。
• 無角和牛：於山口縣萩市等地肥育。無角和牛每月大概只能夠出產3至4頭，因此屬於稀有品種。
• 日本短角種：於北海道、青森縣、秋田縣、岩手縣等寒冷地區肥育之牛隻。特徵為紅肉（赤身）含量較高。

國產牛

凡係未被定義為「和牛」、只要係喺日本培育・成長嘅牛隻，都可以被稱為「國產牛」。國產牛唔一定喺日本國內出生，即使係從海外輸入嘅牛隻，於日本被飼養至一定時間，就會被分類為國產牛，例如乳牛之一嘅雄性霍爾斯坦牛或已被判定為廢牛嘅雌牛等。

進口牛

顧名思義，即係從日本國外進口嘅牛肉，當中又以美國、澳洲、紐西蘭牛肉為主。

日本各縣和牛種類

兵庫縣：神戶牛

大家經常掛喺嘴邊嘅「神戶牛」，其實並唔存在！各位所認識嘅神戶牛，其實係指著名仔牛產地兵庫縣但馬地區所出產嘅但馬牛當中，達至一定品質基準嘅牛肉。

正因為如此，神戶牛正式名稱應為「神戶肉」或「Kobe Beef」，而且必須先通過以下審查，先算成功獲得認證。

• 以兵庫縣產和牛但馬牛作為素牛（育肥前嘅小牛）
• 從子牛成長至肉牛出貨期間，由神戶肉流通推進協議會註冊會員（生產者）所肥育
• 屬於出貨往兵庫縣內食肉中心之未經產牛（處女牛）・去勢牛（閹牛）
• 已通過「枝肉格付」日本牛肉分級制度

宮崎縣：宮崎牛

雖然大家都習慣統稱為「宮崎牛」，但原來「宮崎牛」同「宮崎和牛」嘅定義都大有分別！

滋賀縣：近江牛

日本三大和牛（近江牛、松阪牛、神戶牛）皆擁有逾100年歷史，當中又以近江牛歷史長達約400年，最為久遠。

江戶時代日本社會全面禁止食肉，唯獨滋賀縣彥根市一帶獲准牛隻屠畜。直至明治維新「禁肉令」解除，當地部分農家轉型從事牛隻買賣，率先從全國各地引入優質牛隻到滋賀縣，因而成就優質近江牛出品。

其特徴之一，為肉身與脂肪「霜降」油花恰到好處。除此之外，柔嫩肉質、入口即溶嘅脂身亦係一大賣點！

三重縣：松阪牛

大多數松阪牛都係由但馬牛子牛於松阪農家歷經超過500日養育而成。為增加牛隻食慾，農家甚至會餵飼啤酒、又或以燒酒按摩牛隻身體！牛隻必須為黑毛和種未經產雌牛，並且登錄於松阪牛個體識別管理系統，先有資格被認證為松阪牛！

順帶一提，松阪牛日文正確發音應為「まつさかうし（ma-tsu-SA-ka u-shi）」或「まつさかぎゅう（ma-tsu-SA-ka-gyu）」。「まつざかうし（ma-tsu-ZA-ka u-shi）」、「まつざかぎゅう（ma-tsu-ZA-ka-gyu）」等叫法，以及「松坂牛」漢字寫法都係錯誤示範，甚至連日本人都會經常犯錯呢！

山形縣：米澤牛

米澤牛之所以成為品牌牛，原來係同一個英國人有關！1875年，某位英籍英文教師到訪山形縣米澤，品嚐到當地牛肉後大受感動，於是就喺啟程返回橫濱時順勢帶走當地一隻牛，據聞米澤牛嘅優質就係因為咁而被傳揚開去！要成為米澤牛同樣需要先通過多個標準，現時審查基準如下：

• 黑毛和種未經產雌牛
• 獲米澤牛銘柄推進協議會認證
• 屬於指定牛舎內飼育期間最長之牛隻

等未能盡錄，標準相當嚴謹！

和牛MAP

以上為大家介紹咗幾個著名產地及品牌名稱，下一步就係認清日本地圖上各個產地嘅位置！編輯部已為大家整理出可愛地圖，有興趣嘅讀者可以到呢到延伸閱讀～