2月11日「建國紀念之日」係日本公眾假期之一。唔知各位有無注意到呢個公眾假期並非「紀念日」，而係「紀念之日」？至於點解要加一個「之」字、「建國紀念之日」與「建國紀念日」兩者又有乜嘢差異呢？以下小編將一一為大家解說呢兩個詞彙嘅意思，以及「建國紀念之日」係邊一日，仲有佢嘅由來與歷史！
關於「建國紀念之日」
據《日本書記》記載，2月11日原本係日本初代天皇「神武天皇即位之日」。呢一日亦曾經被稱為「紀元節」，但係1948年第二次世界大戰後，因GHQ（第二次世界大戰後，由佔領日本嘅聯合國軍設置嘅總司令部）擔心「如果認同紀元節，就會令日本人以天皇為中心而團結力高漲」，因此決定廢除「紀元節」。其後到咗1966年，呢一日終被定為「建國紀念之日」，隱喻建國、韜養愛國之心。
日本於神話故事建國？
《日本書記》亦記載，初代天皇「神武天皇」係喺現代嘅建國紀念之日當天即位，但係從歷史角度嚟睇，神武天皇並非實際存在嘅人物，而係被定位作神話當中嘅人物。因此，針對「神武天皇係神話故事登場人物而並非真人」呢一點，令到坊間出現「2月11日並非日本國家成立嘅正確日子」嘅意見。
點解要加入「之」字，變成「建國紀念之日」？
其他國家嘅獨立紀念日、革命紀念日等，都因擁有明確日期與時間而被制定為「紀念日」。舉個例，美國嘅「獨立紀念日」（Independence Day），就係為咗紀念1776年7月4日，美國正式從大英帝國獨立嘅日子。
換句話講，日本並無獨立紀念日或革命紀念日，而且好難斷定究竟係喺咩時候建國，所以喺日本並不存在「建國紀念日」，而係加入「之」字，稱為「建國紀念之日」。加入「之」字之後，意思上就會有些微差異。
總而言之，建國紀念之日喺日本並唔算慶祝日本「建國」嘅日子，而是慶祝日本「建立國家」嘅公眾假期呢～
Comments