身為美妝控，一定都會Follow日本美妝指標平台＠cosme。每次只要官方公布排行榜，就會引起廣大關注，更成為大家選購美妝產品嘅參考！而其中關注度最高，就非「殿堂賞」莫屬！要獲頒殿堂賞真係超級～困難，事關商品必須要喺近三年連續獲得部門賞第一，可以話係含金量最高嘅獎項（並無排名之分），能夠獲獎嘅產品都保證具備超強實力！小編接下來就要分享2020＠cosme殿堂賞得獎者，仲未入手嘅人，記得要快啲搵機會試吓喇！
FANCL MCO速淨卸妝液
無論係日本、香港都回購率超高嘅MCO速淨卸妝液，榮獲2018年、2019年卸妝賞冠軍，升級版更將卸除力、乳化速度、保濕能力全面提升！針對頑固難卸嘅眼、唇、底妝及防曬品，有佢在手，都可以一抹即卸、一沖即淨﹔而且完全不含礦物油，油性肌用一樣OK，卸妝後肌膚摸起來夠晒清爽亦唔油膩！
MAQuillAGE心機星魅輕羽粉餅
要數日本女生手袋內登場率超高嘅粉餅，名單上一定有佢份！激細空氣感粉末利用獨家「慕絲壓制製法」，壓入滿滿保濕精華，確保粉餅輕盈服貼，再加上全新「金平糖美肌粉末」 用光遮瑕，神隱毛孔，提升透明感，要打造出彷彿天生好膚質嘅裸妝感話都無咁易！系列仲會不定期推出限定版粉盒，令粉絲爭相搶購收藏！
LANCOME零粉感超持久粉底
呢款粉底液獲獎真係實至名歸！顛覆一般持久粉底液「靠粉遮瑕」嘅LANCOME超能粉底首創「靠光遮瑕」，用「珍珠光感粒子」帶來加倍光線折射。遮瑕粉底液能夠校正膚色，解決遮瑕膚色不均嘅困擾，一支粉底液即可完美隱藏肌膚瑕疵！持妝度超～優秀，修飾力相當好，特別推薦油性、混合性肌嘅讀者入手，如果唔想喺香港令底妝崩壞變成土石流，揀呢支就啱晒！
The Saem絲滑自然遮瑕液
來自韓國嘅超紅開架美妝品牌The Saem代購嘅遮暇液，最大特色係質地相當清爽，輕薄又貼服，用於眼底都唔會顯乾。重點係價錢夠晒親民，一眾「小資女」都可以輕易入手。
KATE Tokyo 3D造型眉彩餅
同樣受到一眾「小資女」熱捧嘅3D造型眉彩餅盒，一盤精選3色，可以依照使用部位打造立體眉型。內裡特別附贈萬用雙刷頭，圓形蓬鬆面可以用於眉頭、鼻影暈染自然陰影，彈力斜切細刷頭則可用於調整眉色不均及勾勒眉尾。刷頭兩端皆採用彈力短刷毛，就算係手殘者、初學者都可以輕易上手、唔怕手震。
Nepia鼻貴族紙巾
有很多日本人都受花粉症問題困擾，每次呻完鼻後都總係令到鼻頭紅通通。為咗要減輕對肌膚嘅負擔，Nepia特別推出鼻貴族紙巾，包裝外盒用上大大個招牌小動物萌樣，100%新鮮紙漿中所含有嘅天然甘油能夠幫助吸收空氣中水分，難怪2018及2019年都榮登最佳日用品賞，可見其受歡迎程度！
© 妞新聞 www.niusnews.com
Comments