漂浮於雲海之上嘅「竹田城跡」，因被許多日本媒體報導而造成轟動。竹田城跡被譽為係日本嘅馬丘比丘，雖然係季節限定嘅絕景，但係只要天候等條件俱佳，都有機會一睹其美景啊！本文將為你介紹最佳觀賞時期以及交通方式、注意事項，第一次拜訪嘅旅客亦無需擔心，跟著FUN!編去探險喇！
關於竹田城跡
竹田城跡位於標高約353.7公尺嘅山頂，因被雲海環繞嘅神秘景觀而廣為人知。晴朗嘅秋天早晨產生嘅濃霧包圍城跡，就好似漂浮於雲海之上，所以別名為「天空之城」。南北總長約400公尺、東西約100公尺的大規模城跡，係目前日本僅存嘅石牆結構中數一數二嘅規模。
幾時係最佳觀賞時期？形成雲海嘅三大要件
漂浮於雲海上嘅竹田城跡，只有喺特定條件下先可以見到嘅珍貴奇景。
產生雲海嘅三大條件：
① 最容易觀賞時期係9月至11月，時間約莫於日出後至早上8點左右。
② 前一日白天與當日早晨嘅溫差大。
③ 風弱且濕度高。
可以喺邊度觀賞？
觀賞地點有兩個地方，一個係「從竹田城跡內觀賞」，另一個係「由城跡外觀賞」。根據唔同嘅觀賞地點，可以欣賞到嘅美景亦有所不同。從城跡內觀賞，就好似身在雲海之中嘅感覺。從城跡外觀賞，則須前往城跡對面嘅「朝來山」山腰展望台「立雲峽」。立雲峽共有第一展望台、第二展望台、第三展望台…等，可以搭的士前往山腰嘅停車場後再步行前往。由停車場去各個展望台大約需要步行5～40分鐘左右（由下而上順序係第三展望台～第一展望台）。雖然道路崎嶇，行起嚟令人汗流浹背，但係登山後欣賞到嘅絕景，將會令你感動到永生難忘！
立雲峽
- 地址：兵庫県朝來市和田山町竹田
- 交通方式：由JR播但線竹田站搭的士約10分鐘
- 費用：協助維護環境費為大人（高中生以上）300日圓
前往竹田城跡嘅交通方式
因位於山城之間，所以交通需要多花少少時間。可以從JR竹田站或者係「山城之鄉・MACHINAKA停車場」開始登山。由JR竹田站出發嘅話，可以搭竹田城跡觀光巴士「天空巴士」（運行期間為3月～11月），或者係步行前往城跡。搭天空巴士所需時間為20分鐘，喺「竹田城跡」巴士站落車之後，由巴士站步行約20分鐘即可抵達城跡。沿途偶有陡峭之處，建議你穿戴輕鬆好行嘅裝備再去登山啊。
如果你唔搭巴士，選擇由車站步行前往嘅話，約40分鐘可去到竹田城跡。站外排班嘅的士數量唔少，可以搭考慮的士前往。
竹田城跡必睇景點
除咗雲海自然景觀外，城跡內有唔少值得觀賞嘅景點。首先介紹高聳豎立嘅石牆，建造工法與姬路城相同，全部使用天然石頭建造而成。第二個係從南二之丸眺望城郭。可將北側「北千疊」以及「南千疊」…等美景一覽無遺。巨大嘅城跡宏偉壯觀、震攝人心，必定讓你歎為觀止！
前往竹田城跡時要嘅注意事項
由於清晨非常寒冷，請謹記攜帶足夠嘅禦寒衣物。被雲海環繞時，有可能會弄濕衣物，請準備雨具或雨衣備用。另外，因為要行山路，請穿著可輕鬆步行嘅服裝與鞋，勿著高踭鞋或拖鞋上山。
附近觀光景點不可錯過！兩日一夜行程要咁排啊
北近畿地區除咗竹田城跡以外，仲有許多不容錯過嘅景點，例如有聯合國教科文組織認證嘅「山陰海岸世界地質公園」、歷史悠久嘅「城崎溫泉」，以及城崎溫泉附近嘅「出石城下町」…等等，觀光景點非常豐富！
第一日先安排去竹田城跡。若然天候條件佳、可以觀賞到雲海嘅話，就早啲起身去竹田城跡一探究竟吧！夜晚推薦入住城崎溫泉，交通方式從竹田站搭JR播但線至和田山站，之後再轉搭JR山陰本線至城崎溫泉（所需時間共計為1小時40分左右）。沿著種植柳樹嘅川岸漫步溫泉街，巡遊七個豐富多彩嘅溫泉外湯亦別具風情。
第二日出發前往出石城下町！從城崎溫泉搭JR山陰線至豐岡站後，喺車站前轉乘出石豐岡線巴士，即可抵達出石城下町（所需時間共計為1小時）。出石城下町有「但馬小京都」之美譽，可以喺度欣賞到酷似京都伏見稻荷大社嘅紅色鳥居，體會喺京都享受唔到嘅寧靜漫步。冬季時仲有機會欣賞到皚皚白雪嘅景致啊。
竹田城跡
- 地址：兵庫県朝来市和田山町竹田古城山169番地
- 交通方式：請參考上述說明
- 入城費用：500日圓
- ※1月4日至2月底由於冬季封山，故無法登城。立雲峽則是於竹田城跡封山期間亦可登山。
Comments