淡路島位於兵庫縣本州側以及德島縣之間，從關西地區各地都可以輕鬆前往，係超人氣嘅休閒度假島嶼。淡路島擁有多采多姿嘅魅力，有用上新鮮海產與島嶼採摘嘅蔬菜所製作嘅當地美食，或者係以自駕遊方式欣賞沿途絕景，以及壯觀嘅明石海峽大橋……等等。其中，「鳴門漩渦」更係淡路島必去，絕不可錯過嘅景點。除了漩渦外，本文仲會為你介紹觀潮船資訊。相信你喺呢度影嘅絕景相，會喺親朋好友間造成轟動啊！
直徑高達20公尺以上！關於「鳴門漩渦」你必須知道嘅事
「漩渦」係海水劇烈旋轉、流動迅速嘅自然現象。連接瀨戶內海與太平洋嘅鳴門海峽，由於退潮而導致瀨戶內海側與太平洋側出現較大嘅水位差時，就會產生漩渦。海底複雜嘅地形，亦係產生大型漩渦嘅原因之一。日本「鳴門海峽」與意大利「美西納海峽」、加拿大「西摩海峽」所觀賞到嘅漩渦，被列為「世界三大漩渦」。另外，鳴門漩渦最大直徑高達約20公尺，有時甚至會出現達到世界第一嘅規模等級。
重點1：事先查詢觀潮表！
由於漩渦產生嘅時間每日都會有所變動，出發之前請先查詢觀潮船官方網站公布嘅觀潮表。觀潮表上公布嘅時間前後一個半小時係最佳觀賞時段。水位差最大嘅時段為每月陰曆1日至3日嘅新月時期，或者係16日至18日滿月時期，推薦你可以安排喺呢個時段去觀賞「鳴門漩渦」！
重點2：觀賞漩渦嘅兩種方法
想就近觀賞嘅話，推薦你搭以下所介紹嘅鳴門海峽觀潮船。另外，亦都可以從大鳴門橋所設置嘅海上步道「大鳴門橋遊步道 渦之道」欣賞。透過玻璃地板，可以直接觀賞腳下漩渦以及觀潮船啊！
搭觀潮船近距離觀賞驚心動魄嘅鳴門漩渦！
淡路島有數家經營觀潮船嘅公司。今次介紹嘅係由Joyport南淡路公司所營運嘅「Uzushio Cruise（うずしおクルーズ）」。觀潮船從淡路島福良港出發，由於係大型觀光船所以船身較為穩定，非常適合家族旅行。
由淡路島福良港出發！威風凜凜「咸臨丸」60分鐘感動巡航
「咸臨丸」係復刻1860年日本首次橫渡太平洋前往美國嘅蒸氣帆船，復古嘅外觀非常吸睛。船內備有冷暖空調，無論春夏秋冬都可以舒適地享受巡航嘅樂趣。另外，亦可以喺開放式甲板上一邊欣賞瀨戶內海絕美景致，一邊體驗悠閒自在嘅海上散步。
出港後，觀潮船經由大鳴門橋下於鳴門海峽緩緩前行。船隻會經過漩渦附近，你可以近距離觀賞鳴門漩渦嘅無限魅力。驚心動魄嘅漩渦超乎前所未有嘅想像，一定會被感動萬分！漩渦出現嘅時間大概只有數秒至數十秒，出現後會消失，但隨即又會有新嘅漩渦產生，搭觀潮船就可以近距離欣賞到呢個有趣嘅現象。
特別係喺春秋大潮時期被稱為「漩渦旺季」，可能會產生巨大嘅漩渦啊！
Uzushio Cruise（うずしおクルーズ）售票窗口・乘船處
- 地址：兵庫県南あわじ市福良甲1528-4（道之站福良內）
- 交通方式：從神戶三宮巴士總站搭淡路交通公司嘅三之宮・福良線約1小時33分，喺「福良」巴士站落車後步行約2分鐘即抵達。
- 乘船費用：大人2,500日圓。請事先透過網站預約。
- 官方網站（日語）： https://www.uzu-shio.com/
- 線上預約（日語）： https://uzu-shio.net/reservation?_ga=2.252863625.1247523429.1607945010-89010482.1607945010
- ※票券販售窗口與乘船處在「道之站福良（道の駅福良）」內。為避免擁擠，平日請提前半小時、假日請提前40～50分鐘至現場辦理手續。
Comments