兵庫縣「小野市」，有著「小野阿爾卑斯」…等豐富嘅自然資源，以及瀨戶內式嘅溫暖氣候，一年四季十分宜人。當中以春天嘅櫻花、夏天嘅向日葵花田最負盛名，每到花季都吸引許多遊客前往。今次要為大家介紹「小野市」悠閒愜意嘅春之旅攻略，欣賞完西日本最大級嘅櫻花隧道之後，記得要順遊國寶淨土寺、浸個絕景溫泉，再品嚐當地特色料理「牛腸炒麵（おの恋ホルモン焼きそば）」啊。
小野櫻花河堤迴廊 西日本最大級嘅櫻花隧道
「小野市」係兵庫縣內人氣賞櫻景點。由江戸彼岸櫻、大島櫻、染井吉野櫻、八重紅枝垂櫻、思川櫻…等約650株所構成嘅櫻花隧道長約4公里，堪稱西日本最大規模。每年3月下旬至4月上旬為最佳觀賞期，可從加古川上游慢慢散步至下游，或者係坐喺河堤旁來場春天嘅野餐會。滿開時嘅櫻花隧道最為迷人，幸運嘅話仲可以睇到粉色嘅櫻花地毯和浪漫嘅「櫻吹雪」。配合花期會舉辦夜間點燈嘅活動，從早到晚都可以欣賞到櫻花不同嘅美麗姿態。
除咗小野櫻花河堤迴廊之外，周邊嘅賞櫻景點亦係絕不容錯過。
譬如說「匠台公園」，白色嘅雪柳、粉色嘅櫻花坐落於高台上，此起彼落、搖曳生姿；以及「河合運動公園」、「國寶淨土寺」，以及占地7,000平方公尺嘅日本庭園「梁瀬苑（やなせ苑）」，都係當地熱門賞櫻地點。
國寶淨土寺 800年建築物與櫻花華麗共演
小野市必訪景點「淨土寺」，於鎌倉時代初期(西元12世紀末)由重源上人所建立嘅寺院。「淨土堂」與堂內所供奉嘅「阿彌陀三尊立像」均被指定為日本國寶，並且已經有800多年歷史。如此建築物和佛像同時被指定為國寶嘅例子仲有京都平等院以及奈良東大寺。敷地內嘅藥師堂、八幡神社以及雕刻、文物…等，亦被指定為日本國指定文化財，足見其珍貴地位。於櫻花季節造訪嘅話，就有機會見到粉嫩櫻花與國寶級建築物同框嘅美麗景致，如斯美景當前，心靈和眼睛都被淨化喇！
淨土寺
- 地址：兵庫県小野市浄谷町2094
- 參拜時間：9:00〜12:00 / 13:00～17:00（10月〜3月為16:00止）
- 參拜費用：500日圓
百年製乳老舖 共進牧場親近大自然
「共進牛乳」係兵庫縣嘅製乳老舖，1890年創業至今已有約130年歷史。1990年設立直營「共進牧場」，位於距離淨土寺車程約5分鐘嘅地方。牧場內約有100多頭澤西乳牛，採放牧形式所飼養嘅乳牛，每日接受小野市好山好水嘅洗禮，所生產嘅牛奶品質當然「Ichiban」喇。
牧場內附設嘅餐廳「MIRUKAZU（ミルカーズ）」，提供許多用上自家產牛奶所製做嘅甜品、餐點料理，特別推薦必食「極上澤西牛奶布甸」和「澤西牛奶雪榚」，香濃口感絕對讓你驚豔。時間充裕嘅話，仲可以喺牧場內BBQ啊！（需預約）
共進牧場
- 地址：兵庫県小野市浄谷町1544
- 牧場入場費用：免費
- 餐廳營業時間：10:00〜17:00／11:00〜14:30（午餐時段）／逢星期一休息（如遇星期一為公眾假期的話，則隔日休息）
饕客必食！當地特色美食「牛腸炒麵」
去到小野市就梗係要食「牛腸炒麵（おの恋ホルモン焼きそば）」喇。昭和30年代（1950年代）左右於小野嘅燒肉店偶然發跡，當時係製作金屬刀具、算盤嘅職人經常品嚐嘅料理。後來口耳相傳，漸漸地成為小野當地嘅代表料理。究竟有幾好味，就等你嚟親自品嚐喇。
絶景温泉「白雲谷溫泉YUPIKA」
一日充實嘅行程，就以絕景溫泉「白雲谷溫泉YUPIKA（白雲谷温泉ゆぴか）」去做個完美嘅結尾。白雲谷溫泉YUPIKA有露天溫泉、室內大浴場、噴射水流溫泉、蒸氣室、岩盤浴…等豐富設施，四周被大自然景觀環抱，可以一邊眺望美麗山景、翠綠森林，一邊享受療癒嘅溫泉。白雲谷溫泉YUPIKA嘅泉源來自於地下1,300公尺嘅三木斷層，富含礦物質、鹽化物…等成分，療養、保溫效果十分優秀，對於消除旅行嘅身體疲勞亦非常有效。
白雲谷溫泉YUPIKA
- 地址：兵庫県小野市黍田町1000-1
- 營業時間：10:00〜22:00（最後入場時間21:30）
- 費用：一般・中學生以上700日圓，小學生以下350日圓，幼兒免費
Comments