【日本宮城】櫸樹大道景色迷人 東北地區「森林之都」仙台代表景點「定禪寺通」

宮城縣仙台市因櫸樹林立景色優美而有「杜之都」（日文意指「森林之都」）美譽，當中「定禪寺通」嘅櫸樹大道，一年四季呈現嘅迷人景緻，更被獲選成為「日本道路百選」。有唔少祭典與活動會喺「定禪寺通」舉辦，可以稱得上係仙台最具代表性嘅道路之一！

定禪寺通精彩特色

「定禪寺通」全年都可以欣賞到美麗嘅景色，非常適合悠閒散步。而且有唔少知名活動都會喺「定禪寺通」舉辦，如果喺活動舉辦期間去當地嘅話，可以加倍體驗到「定禪寺通」嘅魅力，令旅程更加分。FUN!編精選咗以下幾種玩盡「定禪寺通」嘅旅遊方案畀大家參考！

漫步櫸樹林蔭間

「定禪寺通」係指勾當台公園至仙台市民會館之間約700米長嘅道路，設計成行人專用嘅中央分隔島，道路兩旁種植著一整排櫸樹相當吸睛，係唔少人專程到訪嘅打卡熱點。「定禪寺通」春天景色明媚，夏天陽光灑落迷人樹影，秋天紅葉浪漫點綴至凋零等四季景色都各有特色，令人就算置身於大都會之中，都可以欣賞到四季變遷所呈現嘅迷人風情。冬天隆重登場嘅「仙台光之樂章」點燈慶典，更將櫸樹大道「定禪寺通」打造成璀璨閃耀嘅「光之隧道」非常夢幻，屬東北年度盛事之一。

邊散步邊欣賞銅像藝術

仙台市「雕刻美化城市」政策下，於「定禪寺通」中央分隔島嘅步道設置3座銅像，分別係埃米利奧·格列柯(Emilio Greco)嘅《夏日回憶》、克羅切蒂(Venanzo Crocetti)嘅《沐浴之女》、加科莫．曼祖(Giacomo Manzu)嘅《奥德修斯》。鍾意藝術嘅您，一定要去行個圈，享受一邊漫步一邊欣賞銅像藝術嘅優雅時光。

全年都非常熱鬧！各種活動接連登場

「定禪寺通」與附近鬧區，全年都有各式各樣的精彩活動。

「定禪寺通」交通方式

• 地址：宮城縣仙台市青葉區國分町2丁目附近
• 交通：從仙台市營地下鐵「勾當台公園」站落車，即可抵達

觀光循環巴士「盧葡兒仙台（るーぷる仙台）」

循環觀光巴士「盧葡兒仙台（るーぷる仙台）」從仙台站出發，經由青葉通，行經仙台城、青葉山等仙台知名景點後，再‘巡迴於仙台市區以及「定禪寺通」等各大旅遊景點。「盧葡兒仙台（るーぷる仙台）」喺仙台市市區各個旅遊景點都會停站，想暢遊仙台市又唔想左諗右諗要搭邊條線邊班車出發嘅話，推薦大家搭「盧葡兒仙台（るーぷる仙台）」就可以去勻仙台城、瑞鳳殿等等市中心嘅主要旅遊景點，非常方便。

• 官網：https://loople-sendai.jp/tw/

定禪寺通附近旅遊景點

「定禪寺通」悠閒散步之後，推薦大家可以順便去埋沿途嘅旅遊勝地，豐富您嘅仙台之旅。

勾當台公園

勾當台公園位於「定禪寺通」東邊，係一個被宮城縣縣廳、市政廳等多個辦公室大樓環繞嘅公園。園內種植著唔少植物，如：銀杏林、喜馬拉雅雪松等，遊客可以體驗得到四季景致與到巨型圓形花壇、清涼十足嘅壁泉以及充滿藝術氣息嘅雕刻作品等，環境相當優雅舒適。公園亦經常係市集、祭典等等活動所使用嘅場所，到時候仲可以大飽口福，品嚐到唔少宮城當地美食。

• 地址：宮城縣仙台市青葉區本町3丁目
• 交通：定禪寺通市役所前站落車即可抵達

仙台媒體中心

「仙台媒體中心」係仙台市複合文化設施，除咗作為藝術、影像文化嘅活動據點，「仙台媒體中心」裡面亦有圖書館、展覽場地、迷你劇院、多功能廳等設施，經常都會舉辦各式各樣文藝活動。另外，「定禪寺通」嘅浪漫櫸木道，與擁有玻璃外牆嘅「仙台媒體中心」相輝映下更顯亮眼，係「定禪寺通」嘅必去打卡景點之一。

• 地址：宮城縣仙台市青葉區春日町2-1
• 交通：仙台媒體中心站落車即可抵達

金蛇水神社 一番町分靈社

金蛇水神社 一番町分靈社位於仙台三越百貨本館與「定禪寺通」分館之間嘅小巷裡面，係岩沼市「金蛇水神社」分靈社，據聞可以保佑財運滾滾來、生意興隆等等。每年8月最後一個星期日會舉辦例行祭典「神輿渡御」（神轎出巡）。

• 地址：宮城縣仙台市青葉區一番町4-11
• 交通：定禪寺通市役所前站落車徒步約2分鐘

東北最大繁華夜生活區域「國分町」

仙台市中心「定禪寺通」一帶，有一條被譽為東北第一繁華街「國分町通」，南北交錯匯集著各式各樣嘅餐廳店與酒吧，東西約250米、南北約900米長嘅範圍內分佈著3,000多間餐廳。每逢週末時街上都會人山人海相當熱鬧，想要體驗東北夜生活嘅話，推薦您去「國分町通」行個圈就包無出錯！